O'zbek
Maktab o‘quvchisi Milliy gvardiya xodimini kaltakladi
09:00 / 17.05.2024
5.04k
Darakchi.uz nashrining xabar berishicha, Namangandagi maktabda Milliy gvardiya xodimi o‘quvchilar tomonidan kaltaklangan.
Namangan viloyati maktabgacha va maktab ta’limi boshqarmasi Axborot xizmatining ma’lum qilishicha, holat 15- may kuni soat 12:05 da Namangan shahridagi 37-maktabda sodir bo‘lgan.
Ma’lum bo‘lishicha, ta’lim muassasasining 11- sinf o‘quvchilari jadval asosida 5-soat dars jarayonlarini yakunlab, maktabning chiqish darvozasi oldiga kelganlarida navbatchilikda turgan milliy gvardiya tasarrufidagi maktab qorovuli O.E o‘quvchilarga dars tugaganligini isbotlash uchun maktab rahbarlaridan birini chaqirib kelishini aytgan.
O‘quvchilar bu ko‘rsatmaga bo‘ysunmay, eshikdan chiqishga uringan vaqtida milliy gvardiya qorovuli o‘rtasida kelishmovchilik yuzaga kelgan. 11- sinf o‘quvchilari U.M, N.T va qorovul O.E o‘rtasidagi tortishuv jarayoni noma’lum shaxs tomonidan telefonga tasvirga olinib, ertasi kuni ijtimoiy tarmoqlar orqali tarqatib yuborilgan.
Holat yuzasidan 16- may kuni soat 16:30 da 11- sinf o‘quvchilarining ota-onalari bilan Milliy gvardiyaning viloyat bo‘yicha boshqarmasi boshlig‘i, maktabgacha va maktab ta’limi boshqarmasi boshlig‘i o‘rinbosari, maktabgacha va maktab ta’limi Namangan shahar bo‘limi boshlig‘i, mahalla faollari ishtirokida yig‘ilish o‘tkazilib, yoshlar tarbiyasida e’tibor qaratilishi lozim bo‘lgan vazifalar muhokama qilingan.
“Huquqni muhofaza qiluvchi organlar tomonidan o‘quvchilarning ota - onalariga nisbatan farzandlar tarbiyasiga e’tiborsizlik yo‘nalishida tergovga qadar surishtiruv ishlari yo‘lga qo‘yilib, maktabgacha va maktab ta’limi boshqarmasi tomonidan maktab rahbarlariga nisbatan xizmat tekshiruvi tayinlandi”, - deyiladi Namangan viloyati maktabgacha va maktab ta’limi boshqarmasi Axborot xizmatining rasmiy bayonotida.
Izohlar 0
Izoh qoldirish uchun ro'yxatdan o'ting!
Yangiliklar
16:50 / 15.05.2026
“Hech bir o‘qituvchi o‘z hisobidan chet elda malaka oshirishga majbur qilinmadi" — rasmiy izoh berildi
14:01 / 15.05.2026
Endilikda bo‘lajak o‘qituvchilar bilimi tashqi diagnostikadan o‘tkaziladi
19:03 / 14.05.2026
O‘qituvchilar farzandlarining kontrakt summasiga 30 foizlik chegirma qachon va qay tartibda berilishi aniq bo‘ldi
11:20 / 12.05.2026
Maktab maslahatchisi lavozimiga talabalarni ishga qabul qilish boshlab yuborildi
Mavzuga doir yangiliklar
Yangiliklar
Ta’lim muassasalarida qo‘riqlash-qorovullik faoliyati tartibga solinadi
Ichki ishlar vazirligi huzuridagi Qo‘riqlash departamenti tomonidan shartnoma asosida ta’lim muassasalariga qo‘riqlash signalizatsiyalari, tashvish tugmalari, videokuzatuv moslamalari o‘rnatiladi va ularga texnik xizmatlar ko‘rsatiladi.
16:21 / 01.12.2025
Yangiliklar
Endi davomat bilan Milliy gvardiya shug‘ullanmaydi…mi?
Milliy gvardiyaning voyaga yetmaganlar masalalari bo‘yicha inspektor-psixologlar lavozimlari va 2 000 ta shtat birligi Ichki ishlar vazirligi tuzilmasiga qaytarildi.
06:15 / 19.03.2025
Yangiliklar
O‘quvchilar huquqbuzarligi uchun Milliy gvardiyaga jazo qo‘llash vakolati beriladi
Hujjat prezident tomonidan imzolangach kuchga kiradi
14:50 / 25.01.2025
Yangiliklar
Inspektor-psixologlarning bolalar bilan ishlash bo‘yicha vakolatlari mustahkamlanmoqda
Bu bo'yicha qonun loyihasi tayyorlanmoqda
12:10 / 14.10.2024
Izohingizni tahrirlang