O‘tgan yilgi “So‘nggi qo‘ng‘iroq”da cho‘milishga borgan 3 nafar o‘quvchi cho‘kib ketgandi
13:00 / 24.05.2024
952
Maktab bitiruvchilari orasida 25-may, “So‘nggi qo‘ng‘iroq” kunini noodatiy tarzda nishonlamoqchi bo‘lib, turli xil suv havzalariga borib cho‘milib kelish holatlari ham uchrab turishi hech kimga sir emas.
Masalan, o‘tgan o‘quv yilining so‘nggi kuni, 25-mayda 3 nafar maktab o‘quvchilari bilan ko‘ngilsiz hodisa ro‘y bergandi.
Shu kuni o‘quvchilar soat 14.00 larda Samarqand viloyatining Paxtachi tumanidagi “Zarafshon” daryosiga cho‘milish maqsadida borib, ehtiyotsizliklari oqibatida cho‘kib ketishadi.
FVB hamda IIB xodimlari tomonidan olib borilgan qidiruv ishlari natijasida 1 nafar bolaning murdasi o‘sha kuniyoq topiladi. Qolgan ikki nafarining murdasi esa ikki kundan so‘ng topilgan.
Bu borada ota-onalar ham hushyor emas. Cho‘milish mumkin bo‘lmagan joylarga bormaslik kerakligini bolalarga to‘g‘ri tushuntira olmaydi. Afsuski, bolalar esa yoshlik qilib mana shunday ishlarga qo‘l urib qo‘yishadi.
Bu yerda mahalliy hokimliklarning ham qisman aybi bor. Aslida hokimliklar favqulodda vaziyatlar organlari bilan hamkorlikda har yili 1-maydan 15-sentyabrgacha suvda baxtsiz hodisalar (odamlar o‘limi) tez-tez ro‘y berib turadigan joylarni aniqlashi kerak.
Mazkur hududlar bo‘yicha mahalliy aholi va dam oluvchilar o‘rtasida tushuntirish ishlari olib borish sharti bilan qirg‘oq bo‘ylab cho‘milishni taqiqlovchi belgilar o‘rnatishi shart.
Izohlar 0
Izoh qoldirish uchun ro'yxatdan o'ting!Yangiliklar
22:39 / 26.09.2024
2-sinfda o'qiydigan qizini 8,7 ming dollarga sotgan ona 8 yilga qamaldi
16:36 / 25.09.2024
Ayrim kollej binolari maktablarga aylantiriladi
09:23 / 25.09.2024
O‘quvchilarning poyezd ustida selfi tushishi qimmatga tushdi
15:30 / 24.09.2024
Izohingizni tahrirlang