Kasbiy sertifikat imtihonidan qolib ketganlar taqdiri nima bo‘ladi?

10:20 / 06.06.2024 6.23k

Savol

Men ham stajyor o‘qituvchiman, kasbiy sertifikat imtihonidan umuman xabarim bo‘lmagan. Direktorimiz ham xabar bermagan. Endi meni ishdan bo‘shatishmoqchi. Shu to‘g‘rimi?

Javob

Joriy yilning 21-22-may kunlari maktabga birinchi marta ishga kirgan stajyor-o‘qituvchilar uchun test sinovlari bo‘lib o‘tdi.

Vazirlar Mahkamasining 2024-yil 2-fevraldagi 87-son qarori bilan tasdiqlangan reglamentning 6-bandiga ko‘ra talabgor o‘z muddatida kasbiy sertifikatlash jarayoniga jalb etilishi uchun u faoliyat ko‘rsatayotgan davlat umumiy o‘rta ta’lim tashkilotining rahbari mas’ul hisoblanadi.

Kasbiy sertifikat olish uchun nazorat sinovi, qoida tariqasida, har yili mart - may oylarida o‘tkaziladi.

Agar stajyor o‘qituvchi o‘z vaqtida kasbiy sertifikatlash imtihoniga jalb qilinmagan bo‘lsa, u holda Maktabgacha va maktab ta’limi vazirligi ichki imkoniyati hamda talabgorlarning murojaatlaridan kelib chiqib, yilning boshqa oylarida ham nazorat sinovlari o‘tkazishi mumkinligi belgilangan.

Uzrli sabablarga ko‘ra nazorat sinovida ishtirok eta olmagan talabgor uchun navbatdan tashqari nazorat sinovi har yili yangi o‘quv yili boshlangunga qadar tashkil etiladi.

Kasbiy sertifikat imtihonidan qolib ketgan talabgorlar navbatdan tashqari tashkil etilgan nazorat sinovida ishtirok etadilar. Shunday ekan, bu vaziyatda siz bilan tuzilgan mehnat shartnomasi bekor qilinmaydi.

Shuni alohida eslatib o‘tish joizki, pedagog xodimlar ham bu kabi jarayonlardan xabarsiz qolib ketmasligi uchun Maktabgacha va maktab ta’limi vazirligining rasmiy sahifalari hamda xalqtaliminfo.uz saytini muntazam kuzatib borishi maqsadga muvofiq.

Izohlar 0

Ko'proq ko'rish

Izoh qoldirish uchun ro'yxatdan o'ting!

Maqola muallifi

Ulug'bek Po'latov

Loyiha asoschisi

Teglar

Kasbiy sertifikat

Ulashish

Ijtimoiy tarmoqlar

Telegram You Tube Facebook Twitter

Yangiliklar

Barchasi

17:30 / 31.08.2025

“Dolzarb 90 kun” tadbirlari yakunlandi

10:00 / 30.08.2025

Bog‘cha mudirasi lavozimini 1000 dollarga pullamoqchi bo‘lgan MMTB boshlig‘i qo‘lga tushdi

18:11 / 30.08.2025

Endilikda Toshkentda 10-11-sinf o‘quvchilar davomati kamera orqali nazorat qilinadi

17:52 / 29.08.2025

Maktabda obuna va majburiy mehnat aniqlansa, direktor ishdan ketadi – Sirdaryo hokimi

Mavzuga doir yangiliklar

So'ragan edingiz

Xorijiy til o‘qituvchilarining maktablarda ishlash tartibi bo‘yicha to‘liq tushuntirish

Ko‘pchilikni qiziqtirayotgan ayrim savollarga ham batafsil javob beramiz.

18:10 / 01.08.2024

Bilasizmi?

Attestatsiya hamda kasbiy sertifikatlash test sinovlari qaysi manzillarda o‘tkazilishini bilasizmi?

Vazirlik malaka sinovlari oʻtkaziladigan joy manzillarini e'lon qilgan.

21:00 / 26.03.2024