O'zbek
Vazir ustamasi pullari berilmayapti (mi?)
09:00 / 08.06.2024
6.13k
Xabaringiz bor, pedagoglarga Vazir jamg‘armasi hisobidan har oylik ustama belgilash maqsadida ikki bosqichli tanlov jarayonlari o‘tkazilgandi.
Maktabgacha va maktab ta’limi vazirining tegishli buyrug‘i bilan vazir jamg‘armasi hisobidan har oylik ustama oladigan pedagoglar ro‘yxati tasdiqlangandi.
Unga ko‘ra, vazirlik tizimida faoliyat yuritayotgan 1 005 nafar malakali pedagog kadrlarga 2024-yil may oyidan 2025-yil yanvar oyiga qadar (9 oy) mehnatga haq to‘lashning eng kam miqdorining 5,5 baravari (5 mln 775 ming so‘m) miqdorida har oylik ustama to‘lab berilishi kerak edi.
Ammo ayni damda iyun oyi bo‘lishiga qaramay, ko‘plab hududlarda pedagog xodimlarga mazkur ustamalar to‘lab berilmagan.
“Vazirlik pulni tashlab berishi kerak edi, vazirlik maktab o‘z hisobidan kelib chiqqan holatda to‘lab bersin deb qaytarib yuboribdi tumanga”, deydi vazir ustamasiga erishgan pedagoglardan biri.
Boshqa pedagoglarning aytishicha, o‘tgan yili ham shunday holatlar tez-tez bo‘lib turgan. Hozir ham ayrim tumanlarga tushgan, ayrim tumandagi pedagoglarga esa haligacha vazir ustamasi pullari to‘lab berilmagan.
Vazirlar Mahkamasining 2022-yil 2-avgustdagi 425-son qarori bilan tasdiqlangan Nizomga ko‘ra ustama oladigan pedagoglar ro‘yxatini tasdiqlash haqida vazirining buyrug‘i qabul qilingandan so‘ng 5 ish kunida tegishli mablag‘larni hududiy maktabgacha va maktab ta’limi boshqarmalarining shaxsiy g‘azna hisobvarag‘iga o‘tkazib berishi kerak edi.
Vazirlik tomonidan mablag‘lar o‘tkazib berilgandan so‘ng hududiy maktabgacha va maktab ta’limi bo‘limlari tomonidan uzog‘i bilan 6 ish kuni ichida pedagog xodimlarga to‘lovlar amalga oshirilishi lozim.
Vazirlik tomonidan mablag‘lar o‘tkazib berilgandan so‘ng hududiy maktabgacha va maktab ta’limi bo‘limlari tomonidan uzog‘i bilan 6 ish kuni ichida pedagog xodimlarga to‘lovlar amalga oshirilishi lozim.
O‘ylaymizki, mazkur holat yuzasidan Maktabgacha va maktab ta’limi vazirligi tez orada rasmiy munosabat bildiradi.
Izohlar 2
Izoh qoldirish uchun ro'yxatdan o'ting!
Yangiliklar
14:22 / 28.09.2026
Bog‘cha tarbiyalanuvchi hasharotlarga qarshi dori ichib qo‘yishi oqibatida vafot etdi
11:04 / 28.09.2026
2026-2027-o‘quv yilida 40 foizgacha ustama oladigan maktablar ro‘yxati tasdiqlandi
15:28 / 25.09.2026
O‘zbekistonda tennisni maktabdan boshlab ommalashtirishga qaratilgan yangi tizim joriy etiladi
14:23 / 23.09.2026
Samarqandda ham MMTB mas’ullari 1,1 mlrd so‘mlik budjet mablag‘larini talon-toroj qildi
Mavzuga doir yangiliklar
So'ragan edingiz
Ish joyi o‘zgarsa, vazir ustamasi saqlanib qoladimi?
Ish joyi o‘zgargan pedagog kadrlar haqida o‘z vaqtida yuqori turuvchi tashkilotga yozma xabar bermaganligi uchun tegishli tashkilot rahbari javobgar hisoblanadi.
14:47 / 22.08.2026
Yangiliklar
Bu yil 1696 nafar o‘qituvchiga qariyb 7 mln 500 ming so‘mlik vazir ustamasi beriladigan bo‘ldi
Vazir jamg‘armasi hisobidan har oylik ustama to‘lanadigan 1 696 nafar malakali pedagog kadrlar ro‘yxati tasdiqlandi. Vazir ustamasi uchun ajratilgan 204 ta joy esa bo‘sh qoldi.
10:35 / 21.08.2026
Yangiliklar
Vazir ustamasi bo‘yicha apellyatsiya yuborish imkoniyati cheklab qo‘yildimi?
Apellyatsiya yuborish muddatining dastlabki 24 soati yakunlandi. Agar vazirlik qolgan 24 soat davomida ham nomzodlarga apellyatsiya yuborish imkoniyatini bermasa, belgilangan muddat tugashi oqibatida yuborilgan murojaatlar ko‘rib chiqilmay qolishi mumkin.
15:28 / 03.06.2026
So'ragan edingiz
O‘qituvchilarning vazir ustamasi pullari kamaytirilmadi
Vazir jamg‘armasi hisobidan ustama olib kelayotgan bir guruh o‘qituvchilardan xalqtaliminfo.uz’ga murojaat kelib tushdi. Xalqtaliminfo.uz holatni o‘rgandi.
23:06 / 09.11.2025
Izohingizni tahrirlang