66 ta maktabning pedagog jamoasiga 40 foizgacha ustamalar tayinlandi
O‘quvchilar bilimni baholashning yangi tartibini samarali joriy etgan, o‘quvchilari ijobiy ko‘rsatkichlarni qayd etgan umumiy o‘rta ta’lim maktablari rahbariyati hamda o‘qituvchilariga Maktabgacha va maktab ta’limi vaziri Hilola Umarovaning 2024-yil 30-avgustdagi 286-sonli buyrug‘i bilan 10 foizdan 40 foizgacha ustamalar tayinlandi.
Xabaringiz bor, 2023/2024 o‘quv yilidan boshlab o‘qitish va bilimni baholashning yangi tartibi joriy etilgan respublikadagi 500 ta umumiy o‘rta ta’lim maktablarining har biriga 2024/2025-o‘quv yilidan boshlab 2 tadan maktab biriktirilib, yangi tizimning qamrovi kengaytirilmoqda.
Ma’lumki, Vazirlar Mahkamasining 2024-yil 6-maydagi 263-son qarori bilan 2024/2025-o‘quv yilidan boshlab o‘qitish va bilimni baholashning yangi tartibini samarali joriy etgan, o‘quvchilari ijobiy ko‘rsatkichlarni qayd etayotgan umumiy o‘rta ta’lim maktablari rahbariyati hamda o‘qituvchilariga ustama berish tartibi joriy etilgandi.
Amaldagi tartibga ko‘ra, rahbar va pedagog kadrlariga ustama to‘lanadigan umumta’lim maktablari ro‘yxatini shakllantirish uchun hududiy boshqarmalarda doimiy ravishda ishlaydigan Monitoring guruhlari faoliyat olib boradi.
Rahbar va pedagog kadrlariga ustama to‘lanadigan umumta’lim maktablari ro‘yxatini shakllantirish quyidagi ikki bosqichda amalga oshirildi:
1-bosqichda Monitoring guruhi tomonidan baholashning yangi tartibi joriy etilgan maktablarning elektron jurnal ma’lumotlari asosida umumta’lim maktablari o‘quvchilarining yillik o‘rtacha baholari tahlil qilinadi hamda tegishli hududning jami umumta’lim maktablari soniga nisbatan eng yaxshi natija ko‘rsatgan birinchi 20 foiz umumta’lim maktablari saralab olinadi.
2-bosqichda 1-bosqich doirasida saralab olingan umumta’lim maktablari Monitoring guruhi tomonidan quyidagi mezonlar asosida tahlil qilinadi:
- baholashning yangi tartibi bo‘yicha targ‘ibot ishlari olib borilganligi hamda o‘quvchilar bilimi belgilangan mezonlar asosida baholanganligi;
- baholash ishlarining to‘g‘ri yo‘lga qo‘yilganligi;
- fan yo‘nalishlari bo‘yicha uslubiy birlashmalar BSB tahlillari olib borilganligi va o‘quvchilar tomonidan bajarilgan loyiha ishlari tahlili;
- so‘rovnomalar o‘tkazilganligi va ularning tahlili.
Monitoring guruhi baholashning yangi tartibi joriy etilgan umumta’lim maktablari tomonidan ikkita bosqich doirasida jami to‘plangan ballardan kelib chiqib, ularning hududlar kesimidagi ro‘yxatini shakllantirildi.
1-bosqich yakuni bo‘yicha saralab olingan va 2-bosqich doirasida tahlil qilingan 20 foiz umumta’lim maktablarining rahbar va pedagog kadrlariga ushbu maktablar tomonidan ikkita bosqich doirasida jami to‘plangan ballarga qarab quyidagi miqdorlarda ustama belgilandi:
- tahlil qilingan jami maktablar soniga nisbatan ballar ketma-ketligida eng yaxshi natija ko‘rsatgan birinchi 5 foiz umumta’lim maktablariga — 40 foiz;
- tahlil qilingan jami maktablar soniga nisbatan ballar ketma-ketligida eng yaxshi natija ko‘rsatgan keyingi 10 foiz umumta’lim maktablariga — 30 foiz;
- tahlil qilingan jami maktablar soniga nisbatan ballar ketma-ketligida eng yaxshi natija ko‘rsatgan keyingi 15 foiz umumta’lim maktablariga — 20 foiz;
- tahlil qilingan qolgan umumta’lim maktablariga — 10 foiz.
2024-2025-o‘quv yili (1-sentyabr)dan boshlab bir kalendar yil davomida Monitoring guruhlari tomonidan tavsiya qilingan umumta’lim maktablarining rahbar va pedagog kadrlariga ustamalar belgilangan tartibda ularning oylik maoshlariga qo‘shib to‘lanadi.
Agar umumta’lim maktablarining rahbar va pedagoglari bilan mehnat shartnomasi bekor qilinsa, ustama to‘lanishini to‘xtatiladi.
Ma’lumot uchun: Monitoring guruhlarining tahlillariga binoan baholar haqqoniy qo‘yilmaganligi uchun 34 ta maktab ro‘yxatdan chiqarib yuborildi.
Izohlar 0
Izoh qoldirish uchun ro'yxatdan o'ting!Yangiliklar
Rossiyada o‘quvchi bolg‘a bilan o‘qituvchisi va sinfdoshlariga hujum qildi
“Huquq” fani o‘qituvchilari 2026-yil yakunigacha bepul qayta tayyorlovdan o‘tkaziladi
Vazirlikdagi ayrim rahbar xodimlarining tadbirkorlik qilishi ma’lum bo‘ldi
16-sentyabrdan fan olimpiadalari boshlanadi
Mavzuga doir yangiliklar
CHQBT fani o‘qituvchisiga direktor jamg‘armasi hisobidan ustama bersa bo‘ladimi?
Ular uchun o'tayotgan dars soati uchun alohida ish haqi to‘lanmaydi
Boshlang‘ich sinf o‘qituvchisiga C darajadagi milliy sertifikat uchun ustama beriladimi?
Umumta’lim fanlarini bilish darajasini belgilovchi milliy va xalqaro tan olingan sertifikatlar ro‘yxati tasdiqlangan.
Sinf metodbirlashma rahbari 10 foizlik ustama olishga haqlimi?
Aslida, sinf metodbirlashma rahbariga ham 10 foizlik ustamalarni joriy qilish to‘g‘ri bo‘lardi.
Ustama olish uchun xalqaro GRE sertifikatidan necha ball olish kerak?
Xalqaro sertifikatga ustama olish uchun sertifikatlarning eng kam darajasi belgilangan.
Izohingizni tahrirlang