Ixtisoslashtirilgan ta’lim muassasalari agentligi direktoriga o‘rinbosar tayinlandi

Vazirlar Mahkamasining tegishli qaroriga ko‘ra, Sevara Shokirova Ixtisoslashtirilgan ta’lim muassasalari agentligi direktorining o‘rinbosari etib tayinlandi. 

Sevara Shokirova Xalq ta’limi vazirligi tasarrufidagi filologiya fanlariga ixtisoslashtirilgan davlat umumta’lim maktabida ingliz tili fani o‘qituvchisi, Muhammad al-Xorazmiy nomidagi ixtisoslashtirilgan maktabning ma’naviy-ma’rifiy ishlar bo‘yicha direktor o‘rinbosari, Toshkent shahridagi Prezident maktabi ijrochi direktor kabi lavozimlarda faoliyat olib borgan. 

Tayinlovga qadar esa Ixtisoslashtirilgan ta’lim muassasalari agentligining Maktablar faoliyatini muvofiqlashtirish boshqarmasi boshlig‘i lavozimida ishlab kelgan. 

Eslatib o‘tamiz, tayinlovda avval ushbu lavozimda Taxirov Bosit Baxtiyarovich faoliyat yuritib kelayotgandi.