Maktablarda qishki ta’til qachondan boshlanishi rasman tasdiqlandi

Maktablarda III chorak darslari 13-yanvardan boshlanadi. Bunda maktab o‘quvchilari uchun II chorakning so‘nggi kuni 29-dekabrdan boshlanib, 2025-yil 11-yanvarga qadar davom etadi.

Ta’til 14 kalendar kun, ya’ni 11-yanvargacha davom etadi. III chorak darslari esa 13-yanvar (shanba) kunidan boshlanadi.

Maktabgacha va maktab ta’limi vazirligi xalqtaliminfo.uz so‘roviga javoban o‘quv jarayonlarining uzluksizligini ta’minlash maqsadida qishki ta’til kunlariga biroz  o‘zgartirishlar kiritilganini ma’lum qildi.

“Ota-onalar, o‘quvchilar va pedagoglarga qulaylik yaratish hamda o‘quv jarayonlarining uzluksizligini ta’minlash maqsadida qishki ta’til kunlari 2024-yil 29-dekabrdan boshlanib, 2025-yil 11-yanvarga qadar davom etadi.

Bunda maktablarda 2025-yil 11-yanvar (shanba) kuniga belgilangan darslar 2024-yil 28-dekabr (shanba) kuniga o‘tkaziladi hamda o‘quv yilining 3-choragi 2025-yil 13-yanvar (dushanba)dan boshlanadi”, deyiladi vazirlik rasmiy xabarida.

Eslatib o‘tamiz, 1-sinf o‘quvchilari uchun esa fevral oyi davomida qo‘shimcha bir haftalik ta’til belgilanadi.

Ma’lumot uchun: Ta’tilning oxirgi kuni bayram (ishlanmaydigan) kunga to‘g‘ri kelib qolgan taqdirda, dars mashg‘ulotlari keyingi ish kunidan boshlab davom ettiriladi. 

Bayram (ishlanmaydigan) kunlariga to‘g‘ri kelib qolgan dars mashg‘ulotlarining mavzulari o‘quv dasturlarini ixchamlashtirgan holda keyingi dars mashg‘ulotlarida o‘tkaziladi.