Milliy sertifikat: natijalar bugun chiqadi, yangi imtihonga ro‘yxatga olish ertadan boshlanadi
2026-yil oktabr oyida ona tili va adabiyot, tarix hamda geografiya fanlaridan o‘tkazilgan milliy sertifikat imtihonlari natijalari bugun, 20-noyabr kuni kun yakuniga qadar e’lon qilinadi. Bu haqda Bilim va malakalarni baholash agentligi xabar berdi.
Ma’lum qilinishicha, 2026-yil 23-, 24-, 25-, 26- va 31-oktabr kunlari o‘zbek, rus va qoraqalpoq tillari hamda adabiyot, tarix va geografiya fanlaridan milliy sertifikat imtihonlari tashkil etilgan.
Imtihon natijalari Vazirlar Mahkamasining 2020-yil 12-oktabrdagi 646-son qaroriga muvofiq, test sinovlari yakunlanganidan keyin 21 ish kunidan kechiktirmay Rash modeli asosida hisoblanadi va e’lon qilinadi.
Agentlik ma’lumotiga ko‘ra, talabgorlarga qulaylik yaratish maqsadida natijalarni belgilangan muddatdan oldin e’lon qilish hamda shundan so‘ng navbatdagi imtihon uchun ro‘yxatdan o‘tishni boshlash rejalashtirilgan.
Navbatdagi imtihon uchun ro‘yxatdan o‘tish 21-noyabrda boshlanadi
Ona tili va adabiyot, tarix hamda geografiya fanlaridan navbatdagi milliy sertifikat imtihonida qatnashmoqchi bo‘lgan talabgorlar 21-noyabrdan 4-dekabrga qadar my.gov.uz portali orqali onlayn ro‘yxatdan o‘tishlari mumkin. To‘lovlarni esa 5-dekabrga qadar amalga oshirish lozim.
Shuningdek, navbatdagi imtihonlarni tashkil etish tartibiga ham o‘zgartirish kiritildi.
Avvalroq 2026-yilning ikkinchi yarmida imtihonlarni oldindan belgilangan sanalarda o‘tkazish va hududlar bo‘yicha mavjud o‘rinlar sonidan kelib chiqib talabgorlarni ro‘yxatga olish tartibi belgilangan edi.
Biroq ushbu tartib noto‘g‘ri talqin qilinayotgani sababli navbatdagi imtihonlarda ro‘yxatdan o‘tish uchun o‘rinlar soniga cheklov qo‘yilmasligi belgilandi.
Endilikda imtihonlarning aniq sanalari ro‘yxatdan o‘tish yakunlanganidan keyin talabgorlar soni va ularning hududlar kesimidagi taqsimotidan kelib chiqib belgilanadi. Imtihon o‘tkaziladigan sanalar esa boshlanishidan 7 kun oldin e’lon qilinadi.
Комментарии 0
Для комментирования зарегистрируйтесь!
Новости
Milliy sertifikat: natijalar bugun chiqadi, yangi imtihonga ro‘yxatga olish ertadan boshlanadi
Maktab bitiruvchilari uchun yagona davlat imtihoni joriy qilinishi mumkin
O‘zbekistond 12 yillik ta’lim tizimiga o‘tishning huquqiy asoslari belgilanmoqda
Maktablarda sport to‘garaklari faoliyati kengaytiriladi: iqtidorli o‘quvchilar “Sport akademiyasi” uchun saralanadi
Тематические новости
Новости
Boshlang‘ich sinf o‘qituvchilari milliy sertifikat imtihonida nega 90 ta test topshiradi?
Bilim va malakalarni baholash agentligi boshlang‘ich sinf o‘qituvchilarini milliy sertifikatlash tizimi, imtihon topshiriqlari soni va baholash mezonlariga oid ma’lumotlarni e’lon qildi.
You asked
O‘qituvchi ta’tilda bo‘lgan davri uchun ham sertifikat uchun ustama to‘lab beriladimi?
Mehnat kodeksining 233-moddasiga muvofiq har yilgi mehnat ta’tilida bo‘lgan vaqti uchun xodimga ushbu Kodeksning 257-moddasiga muvofiq hisoblab chiqariladigan o‘rtacha ish haqining saqlanishi kafolatlanadi.
You asked
Milliy sertifikat bor, ammo EduERP’da “ustama to‘lanmaydi” chiqyapti: sabab nima?
Meni maktabimda ona tili va adabiyot fanidan o‘qituvchi bo‘lib ishlaydigan ustozimiz A sertifikatini oldi, umumiy balli 66.82. Lekin erp.maktab.uz saytida ustama to‘lanadi degan joyiga “yo‘q” (to‘lanmaydi) chiqib turibdi. Shu savolga javob kerak, ustama to‘lanadimi yoki yo‘q?
Новости
Boshlang‘ich sinf o‘qituvchilari uchun milliy sertifikat joriy etildi
Boshlang‘ich ta’lim o‘qituvchilariga milliy sertifikat berish tizimi tasdiqlandi. Mazkur hujjat bilan boshlang‘ich sinf o‘qituvchilarining bilim darajasi va pedagogik mahoratini baholashning mutlaqo yangi tartibi joriy etildi.
Русский
Редактировать комментарий