O'zbek
Har qanday menejerlik sertifikati uchun direktor va o‘rinbosarlarga ustama to‘lanaveradimi?
Savol
2020-yil mart oyida to‘liq 144 soatli menejerlik kursini tugatib, sertifikat olgan edim. Hozirda direktor o‘rinbosari bo‘lib ishlayman. Menga 30 foizlik ustama to‘lanmaydi, dedilar. Shunga qanaqa asos bor? To‘lanadimi, yo‘qmi?
Javob
Ma’lumki, Vazirlar Mahkamasining 2023-yil 25-dekabrdagi 681-son qarori bilan “Davlat umumiy o‘rta ta’lim muassasalari direktori lavozimiga nomzodlarni menejerlik o‘quv kurslarida o‘qitish va ularga menejerlik sertifikatini berish tartibi to‘g‘risida”gi nizom tasdiqlangan.
Mazkur qaror bilan 2024-yil 1-sentyabrdan boshlab menejerlik sertifikatiga ega bo‘lgan maktab direktorlariga 50 foiz, maktab direktori o‘rinbosarlariga 30 foiz ustama to‘lanishi belgilangan.
Ya’ni, hozirda menejerlik o‘quv kurslari “Davlat umumiy o‘rta ta’lim muassasalari direktori lavozimiga nomzodlarni menejerlik o‘quv kurslarida o‘qitish va ularga menejerlik sertifikatini berish tartibi to‘g‘risida”gi Nizom asosida tashkil etilmoqda.
Ko‘rib turganingizdek, direktor hamda uning o‘rinbosarlariga menejerlik sertifikati uchun ustama to‘lash to‘g‘risidagi norma 2023-yil 25-dekabrda kuchga kirgan. Shu bois, o‘tgan yillar davomida yuqoridagi nizomda nazarda tutilmagan turli xil menejerlik kurslarida o‘qib, sertifikat olgan xodimlarga mazkur ustamalar to‘lanmaydi.
Birinchidan, 2023-yil 25-dekabrga qadar direktor va uning o‘rinbosarlariga menejerlik o‘quv kurslari tashkil qilinmagan. (2023-yilning 5-27-iyun kunlari tajriba-sinov tariqasida tashkil etilgan menejerlik kurslari bundan mustasno)
Ikkinchidan, direktor hamda o‘rinbosarlarga faqatgina Vazirlar Mahkamasining 2023-yil 25-dekabrdagi 681-son qarori bilan tasdiqlangan nizom asosida tashkil etilgan menejerlik kurslarida o‘qib, sertifikat olgan taqdirda ustama to‘lanadi xolos.
Mazkur ustamani olish istagida bo‘lgan rahbar xodimlar A.Avloniy nomidagi pedagogik mahorat milliy institutida joriy qilingan menejerlik o‘quv kurslarida o‘qishi hamda menejerlik sertifikatini olishi kerak bo‘ladi.
Izohlar 2
Izoh qoldirish uchun ro'yxatdan o'ting!
Yangiliklar
Endi o‘qituvchilar tibbiy ko‘rigi uchun to‘lovlar davlat budjetidan qoplanadi
O‘qituvchilarga va’da qilingan yana bir imtiyoz kuchga kirdi
Bu yil maktablarda bahorgi ta’til 20-martdan boshlanishi mumkin
Maktabda o‘qiydigan farzandiga mashina bergan ota 5 sutkaga qamaldi
Mavzuga doir yangiliklar
Yangiliklar
O‘qituvchilarga ustama tayinlashga qanday tadbir va olimpiadalar uchun ball berilishi aniq bo‘ldi
2026-2027-o‘quv yili uchun umumta’lim muassasalaridagi o‘qituvchilarning bazaviy tarif stavkalariga har oylik ustamalar belgilashda inobatga olishga tavsiya etilgan fan olimpiadalari, ko‘rik tanlovlar, musobaqalar va tadbirlar ro‘yxati tasdiqlandi.
So'ragan edingiz
Ikki yil avval malaka oshirgan o‘qituvchiga yangi o‘quv yiliga ustama uchun ball beriladimi?
2024-yilda malaka oshirgan pedagog xodim keyingi besh yil ichida ish beruvchi tomonidan majburiy tarzda malaka oshirishga yuborilishi lozim. Ana shu muddatga qadar esa uning 2024-yilda malaka oshirgani haqidagi sertifikati o‘z kuchida bo‘ladi.
So'ragan edingiz
Boshlang‘ich sinf o‘qituvchilariga 70% ustama to‘liq to‘lanmaydimi?
70 foizlik ustama ularning tarif stavkalarining amaldagi miqdorlariga nisbatan qo‘shimcha ravishda to‘lab berilishi kerak bo‘ladi.
Maqola
Umumiy o‘rta ta’lim muassasalariga direktorlarni tayinlash tizimini rivojlantirish mexanizmlari
Maqolada umumiy o‘rta ta’lim muassasalari direktorlarini lavozimga tayinlash tartibining evolyutsion jarayoni tahlil qilinadi. Xususan, kuzatuv kengashlari, xalq deputatlari tuman (shahar) Kengashlari tavsiyasi asosida direktorlarni tanlash amaliyoti va uning institutsional kamchiliklari, shuningdek Direktorlar kengashi tavsiyasi asosida nomzodlarni baholash tizimining joriy etilishi yangi mexanizm sifatida samaradorlik, shaffoflik va adolat tamoyillari ilmiy nuqtayi nazardan tahlil qilinadi.
Izohingizni tahrirlang