Qanday tadbirlar o‘qituvchilarga ustama tayinlashga asos bo‘ladi?

Ma’lumki, har yili Maktabgacha va maktab ta’limi vazirligi tomonidan pedagog xodimlarga ustama belgilashda inobatga olinadigan fan olimpiadalari, ko‘rik tanlovlar, musobaqalar va tadbirlar ro‘yxati e’lon qilinadi.

Maktabgacha va maktab ta’limi vazirligining 2025-yil 13-yanvardagi 03-14-75-sonli xati bilan 2025-2026-o‘quv yili uchun umumta’lim muassasalaridagi o‘qituvchilarning bazaviy tarif stavkalariga har oylik ustamalar belgilashda inobatga olishga tavsiya etilgan fan olimpiadalari, ko‘rik tanlovlar, musobaqalar va tadbirlar ro‘yxati tasdiqlangan. Demak, ro‘yxat bilan tanishamiz.

Fan olimpiadalari

1. Asosiy fan olimpiadasi; 

2. Xalqaro Matematika olimpiadasi (IMO); 

3. Xalqaro Fizika olimpiadasi (IPhO); 

4. Xalqaro Kimyo olimpiadasi (IChO); 

5. Xalqaro Biologiya olimpiadasi (IBO); 

6. Xalqaro Informatika olimpiadasi (IOI); 

7. Xalqaro Jautikov Olimpiadasi (Izho); 

8. Kavkaz matematika olimpiadasi (CMO); 

9. Xalqaro Mendeleyev olimpiadasi (kimyo fani); 

10. Osiyo fizika olimpiadasi (APhO); 

11. Osiyo – tinch okeani informatika olimpiadasi (APIO);

12. Xalqaro geografiya olimpiadasi (IGeo); 

13. Xalqaro matematika musobaqasi (IMC); 

14. Xalqaro iqtisod olimpiadasi (IEO); 

15. Xalqaro nemis tili olimpiadasi (IDO); 

16. Xalqaro astronomiya olimpiadasi (IAO); 

17. Xalqaro yoshlar tabiiy fanlar olimpiadasi (IJSO); 

18. Al-Xorazmiy nomidagi xalqaro matematika va informatika olimpiadasi; 

19. Al-Xorazmiy nomidagi aniq va tabiiy fanlar olimpiadasi (asos);

20. Abu Rayhon Beruniy nomidagi xalqaro kimyo olimpiadasi; 

21. Abu Ali Ibn Sino nomidagi xalqaro biologiya olimpiadasi;

22. Ahmad al-Farg’oniy nomidagi Xalqaro fizika olimpiadasi; 

23. Xalqaro fransuz tili olimpiadasi (IFLO);

24. Xalqaro ingliz tili olimpiadasi;

25. Bolqon matematika olimpiadasi (BMO);

26. O‘smirlar o‘rtasidagi Bolqon matematika olimpiadasi (JBMO);

27. Yevropa fizika olimpiadasi (EuPhO);

28. Yevropa Qizlar Informatika Olimpiadasi (EGOI);

29. Yevropa Qizlar Matematika Olimpiadasi (EGMO);

30. Osiyo-Tinch okeani mintaqasi matematika olimpiadasi (APMO).

Ko‘rik-tanlov va musobaqalar

1. O‘zbekiston Respublikasi Prezidenti sovrini uchun “Xorijiy tillarni o‘qitish bo‘yicha eng yaxshi maktab” tanlovi; 

2. Respublika miqyosida o‘tkaziladigan insholar tanlovi; 

3. “Yil sardori” ko‘rik-tanlovi; 

4. “Eng namunali maktab sardorlari kengashi” ko‘rik-tanlovi; 

5. “Eng namunali mahalliy sardorlari kengashi” ko‘rik-tanlovi; 

6. “Eng namunali hududiy sardorlari kengashi” ko‘rik-tanlovi; 

7. “Kamalak yulduzlari” ko‘rik-tanlovi; 

8. “Kamalak bilimdonlari” ko‘rik-tanlovi; 

9. “Bolalar va yoshlar teatr” jamoalari tanlovi; 

10. Umumiy o‘rta ta’lim maktablari o‘quvchilari o‘rtasida “Dzyudo” bo‘yicha Maktabgacha va maktab ta’limi vaziri kubogi musobaqasi;

11. Umumiy o‘rta ta’lim maktablari o‘quvchilari o‘rtasida “Gimnastika” sport turlari bo‘yicha Maktabgacha va maktab ta’limi vaziri kubogi musobaqalari; 

12. O‘quvchilar o‘rtasida “Zakovat” intellektual o‘yini; 

13. “Kamalak yulduzlari” bolalar ijodiyoti festivali; 

14. O‘quvchi-yoshlar o‘rtasida “Yoshlar va qonun” tanlovi; 

15.“Konstitutsiya huquqlarim poydevori” ijodiy insholar tanlovi; 

16. 10-14 yosh o‘quvchilar o‘rtasida “Kamalak bilimdonlari” ko‘rik-tanlovi; 

17. “Balli qizlar” ko‘rik-tanlovi; 

18. O‘quvchilar o‘rtasida “Quvnoqlar va zukkolar” turniri; 

19. “Men giyohvandlikka qarshiman” ko‘rik-tanlovi; 

20. “Kitobxonlik festivali” tanlovi; 

21. Umumiy o‘rta ta’lim maktablari o‘quvchilari o‘rtasida “Quvnoq startlar” sport musobaqalari; 

22. Umumiy o‘rta ta’lim maktablari o‘quvchilari o‘rtasida “Futbolimiz kelajagi sening qo‘lingda” shiori ostida Respublika birinchiligi; 

23. Umumiy o‘rta ta’lim maktablarining yuqori sinf o‘quvchilari o‘rtasida “Yoshlik sport jamoalari” respublika birinchiligi; 

24. Umumiy o‘rta ta’lim maktablari o‘quvchilari o‘rtasida “Kurash milliy g‘ururimiz” shiori ostida sportning kurash turi bo‘yicha respublika birinchiligi; 

25. “Yosh qutqaruvchi” harbiy sport musobaqasi; 

26. “Yosh gvardiyachi” harbiy sport musobaqasi; 

27. “Yosh chegarachi” harbiy sport musobaqasi; 

28. “Vatanparvarlar” harbiy sport musobaqasi; 

29. “Yashil chiroq” ko‘rik-tanlovining; 

30. “Yosh bojxonachi” ko‘rik-tanlovining; 

31. Huquqiy-ma’rifiy bilimdon, ijodiy ko‘rik-tanlovi;

32. “Jaholatga qarshi ma’rifat” mavzusida ijodiy ishlar tanlovi;

33. “Mening huquq va majburiyatlarim” respublika ko‘rik-tanlovi; 

34. Umumiy o‘rta ta’lim maktablari o‘quvchilari o‘rtasida “Umid nihollari” sport musobaqalar; 

35. “Zulfiya” davlat mukofoti;

36. “Besh tashabbus olimpiadasi” doirasidagi sport musobaqalari; 

37. “Inson huquqlari” tanlovi; 

38. “ECO-Schools” loyihasi; 

39. “Turon maktab” teatr tanlovi; 

40. “Jadidlar izidan” respublika tanlovi; 

41. “Iqtidor” maktab ansambli;

42. “Maktab chempionati” sport musobaqasi;

43. Kitoblar festivali;

44. “Barkamol avlod” festivali;

45. Kibersport, dron, robototexnika, kelajak o‘yinlari tanlovi;

46. “Tabiat in’omlari” nomli ijodiy ertaklar videoroligi tanlovi;

47. “Yashil maktabim” o‘quvchilar ekologik harakati tadbiri;

48. “Uchinchi renessans-yoshlar nigohida” nomli loyihalar tanlovi;

49. “Ixtirochilikka qadam” ko‘rik tanlovi (asos);

50. Musiqa, tasviriy san’at, chizmachilik va hunarmandchilik bo‘yicha Vazirlik tasarrufidagi respublika tashkilotlarining Vazirlik bilan kelishilgan holda o‘tkazilgan ko‘rik-tanlovlari; (Bunda vazirlik bilan kelishilmagan holda o‘tkazilgan ko‘rik tanlovlar inobatga olinmaydi).

Boshlang‘ich ta’lim yo‘nalishida

Ushbu yo‘nalishda boshlang‘ich sinf o‘quvchilarining maktab miqyosidagi tanlov va boshqa tadbirlardagi ishtiroki natijalari asosida baholanadi. Bunda umumiy o‘rta ta’lim muassasasi direktori buyrug‘i bilan maktab miqyosida o‘tkaziladigan tanlov va boshqa tadbirlar hisobga olinadi.

Yuqorida keltirilgan fan olimpiadalari, ko‘rik-tanlovlar, musobaqalar va tadbirlar bo‘yicha baholash Vazirlar Mahkamasining 2019-yil 30-sentyabrdagi 823-sonli qarori bilan tasdiqlangan Nizomning 1-ilovasidagi Pedagog, psixolog va kutubxona xodimlarining faoliyatini baholash mezonlarida ko‘rsatilgan tartib bo‘yicha baholanadi.