O‘qituvchi ikkita maktabda ishlasa, ikkala maktabdan ham toifa va sertifikat uchun ustama oladimi?

Savol
Agar o‘qituvchida toifa va ustama beruvchi sertifikat bo‘lsa, bir maktabda asosiy o‘qituvchi bo‘lib ishlab, boshqa maktabdan yana qo‘shimcha soatbay dars olsa, uning oylik maoshiga toifa va sertifikat ustamasi qo‘shib to‘lanadimi?
Javob
Vazirlar Mahkamasining 2005-yil 21-dekabrdagi 275-son qarori bilan tasdiqlangan ‘‘Xalq ta’limi xodimlari mehnatiga haq to‘lash to‘g‘risida’’gi nizomga ko‘ra pedagog xodimlarning lavozim maoshlari malaka toifasi uchun belgilangan bazaviy tarif stavkalari asosida shakllantiriladi.
Bazaviy tarif stavkasi Yagona tarif setkasi bo‘yicha tarif stavkasini hamda qonunchilikda belgilangan tarif stavkasiga doimiy ustamalarni, shuningdek pedagog va rahbar xodimlarning ayrim toifalari ish haqiga qo‘shilgan kompensatsiya to‘lovlarini o‘z ichiga oladi.
Shu sababli, malaka toifasiga ega bo‘lgan o‘qituvchi boshqa ta’lim muassasasida ham soatbay asosida ishlagan taqdirda malaka toifasi uchun ham qo‘shimcha ish haqi hisoblanadi.
O‘qituvchida unga ustama berishga asos bo‘luvchi sertifikat bo‘lsa-chi?
Pedagog xodimlarga ustama belgilashda qo‘llaniladigan milliy va xalqaro tan olingan sertifikatlar ro‘yxati Oliy ta’lim, fan va innovatsiyalar vazirligining 2024-yil 4-apreldagi 4-q/q-son va Maktabgacha va maktab ta’limi vazirligining 2024-yil 2-apreldagi 3-mh-son qarori [tahr. 04.04.2024] bilan tasdiqlangan.
Bunda umumiy o‘rta ta’lim tizimida faoliyat yuritayotgan o‘qituvchilarga (shu jumladan, soatbay, o‘rindosh, stajyor o‘qituvchi, direktor va direktor o‘rinbosarlari) o‘zi dars beradigan fani bo‘yicha sertifikatga ega pedagog xodimlarga har oylik qo‘shimcha ustama to‘lash nazarda tutilgan.
Ya’ni, tegishli sertifikatga ega bo‘lgan o‘qituvchiga u boshqa bir maktabda soatbay asosida dars bergan taqdirda ham ustamalar to‘lab beriladi.
Xulosa shuki, toifa va ustama beruvchi sertifikatga ega bo‘lgan o‘qituvchi bir maktabda asosiy o‘qituvchi bo‘lib ishlab, boshqa maktabdan yana qo‘shimcha soatbay dars olgan taqdirda, uning oylik maoshiga toifa va sertifikat uchun to‘lovlar amalga oshiriladi.
Qo‘shimcha ma’lumot: ‘‘Xalq ta’limi xodimlari mehnatiga haq to‘lash to‘g‘risida’’gi nizomning 21-bandiga ko‘ra pedagog xodimlarga qonunchilik hujjatlarida belgilangan ustamalar, shu jumladan mavjud sertifikatlari uchun to‘lanadigan ustamalar, tarifikatsiya ro‘yxatida ajratilgan dars soatlariga (o‘qituvchining tarif stavkasiga) mutanosib ravishda to‘lab beriladi.
Ya’ni, agar o‘qituvchi boshqa bir o‘qituvchining darslarini vaqtincha o‘tayotgan bo‘lsa, ularning mavjud sertifikatlari uchun ustama to‘lanmasligi mumkin.
Izohlar 2
Izoh qoldirish uchun ro'yxatdan o'ting!
Yangiliklar

Bog‘cha bolalari ommaviy zaharlandi, vazir holatni shaxsan nazoratga oldi

Gulnora Karimovaning musodara qilingan pullari qishloq maktablarini ta’mirlash uchun sarflanadi

Xorijiy til o‘qituvchilarining xursand bo‘lishiga hali erta...mi?

Ertadan o‘qituvchilar uchun bepul kinonamoyishlar boshlanadi
Mavzuga doir yangiliklar

Ustama tayinlangan o‘qituvchiga mukofot puli berib bo‘lmaydimi?
Ustama tayinlangan pedagog xodimga mukofot puli bermaslik to‘g‘risida hech qanday qoida belgilanmagan.

Pedagoglarga 70 foizlik ustama to‘lashdagi muammolar ijobiy hal etilmoqda
Farg‘ona viloyatidagi ayrim hududlarda 70 foizlik ustama belgilangan pedagoglarga mazkur ustamalarni to‘lab bermaslik holatlari qayd etildi. Mazkur muammolar esa xalqtaliminfo.uz hamda O‘zbekiston ta’lim va fan xodimlari kasaba uyushmasi Respublika kengashi aralashuvidan keyin ijobiy hal etildi.

70 foiz ustama oladigan o‘qituvchilar ro‘yxati “ERP” dasturiga kiritildi
Hududiy boshqarma boshliqlariga 70 foizlik ustama to‘lab berilishini nazoratga olish bo‘yicha tegishli ko‘rsatma berdi.

70 fozilik ustama o‘qituvchining oylik maoshidan kelib chiqib to‘lanadimi?
O‘qituvchi bir stavkadan ortiq yoki kam dars bergan taqdirda, uning tarif stavkasi miqdori ham shunga mutanosib ravishda o‘zgarib boradi.
Izohingizni tahrirlang