O'zbek
O‘qituvchi attestatsiyaga ariza topshirib, unda qatnashmasa amaldagi toifasi kuyib ketadimi?
Savol
Oliy toifali jismoniy tarbiya fani o‘qituvchisiman. 70 foizlik ustama, vazir jamg‘armasi va “Yil o‘qituvchisi”ga da’vogarlik qilish maqsadida navbatdan tashqari attestatsiyada qatnashish uchun ariza topshirgandim.
Shundan keyin testga kirib chiqdim, lekin yuqori ball ololmadim. Amaliy imtihonda qatnashsam ham yuqoridagi tanlovlar uchun ballim kamlik qilgani uchun, ikkinchi bosqichda qatnashmadim.
Endi “zavuchimiz” attestatsiyaga ariza topshirib, unda to‘liq ishtirok etmaganingiz uchun amaldagi oliy toifangiz kuyib ketadi, deyapti. Shu to‘g‘rimi?
Javob
Vazirlar Mahkamasining 2021-yil 17-sentabrdagi 572-son qarori bilan tasdiqlangan nizomga ko‘ra, attestatsiya jarayonlari jismoniy tarbiya fani o‘qituvchilari uchun ikkita bosqichda tashkil etilib, birinchi bosqich Maktabgacha va maktab ta’limi vazirligi tomonidan o‘tkaziladigan test sinovlari shaklida, ikkinchi bosqich esa Sport vazirligi tomonidan sport maktablarida tashkil etiladigan amaliy imtihon shaklida o‘tkazilishi belgilangan.
Bunda jismoniy tarbiya fanidan oliy yoki birinchi malaka toifasiga ega hamda tegishli talablarga javob beradigan pedagoglar attestatsiya sinovlarining birinchi bosqich natijalari asosida “Yil o‘qituvchisi” tanlovida ishtirok etishadi.
Bunda o‘qituvchi “Yil o‘qituvchisi” hamda vazir ustamasiga da’vogarlik qilishi uchun eng yuqori ball to‘plashi kerak bo‘ladi. 70 foizlik ustamani olish uchun esa, 86 va undan yuqori ball to‘plash kerak bo‘ladi.
Yuqoridagi vaziyatda esa, oliy toifaga ega bo‘lgan o‘qituvchi navbatdan tashqari attestatsiyaga ariza topshirgan va birinchi bosqichning o‘zidayoq yetarli ball to‘play olmasligiga ko‘zi yetmay, attestatsiyaning keyingi bosqichida ishtirok etmagan.
Xo‘sh, endi o‘qituvchining amaldagi toifasi kuyib ketadimi?
Vazirlar Mahkamasining 2021-yil 17-sentabrdagi 572-son qarori bilan tasdiqlangan nizomning 44-bandiga ko‘ra, navbatdan tashqari attestatsiyaga jalb etilgan pedagog kadrlar attestatsiyadan o‘ta olmagan taqdirda, ularning malaka toifasi (lavozimi) tushirilmaydi hamda ular lavozimiga muvofiq emas deb hisoblanmaydi.
O‘qituvchi attestatsiya jarayonida to‘liq ishtirok etmagan holatda ham uning amaldagi oliy malaka toifasi kuyib ketmaydi. Chunki, u navbatdan tashqari attestatsiyada qatnashish uchun ariza topshirgan hisoblanadi.
Izohlar 4
Izoh qoldirish uchun ro'yxatdan o'ting!
Yangiliklar
Ta’lim tizimida psixologik xizmatni rivojlantirish bo‘yicha yangi tizim joriy etiladi
O‘qituvchilar attestatsiyasini o‘tkazuvchi markaz boshqa tashkilotga qo‘shib yuborildi
Ta’lim va ilm-fan vaziriga o‘rinbosarlar tayinlandi
Buvayda tumanida 400 o‘quvchiga mo‘ljallangan fan olimpiadalari markazi qurildi
Mavzuga doir yangiliklar
So'ragan edingiz
O‘qituvchi attestatsiya testini boshqa hududda topshirishi mumkinmi?
MMTVning 334-son buyrug‘i bilan tasdiqlangan yo‘riqnomaga ko‘ra, ayrim asosli holatlarda pedagogga doimiy yoki vaqtincha yashash hududidan boshqa hududda test topshirishga ruxsat berilishi mumkin.
Attestatsiya
Kuzgi attestatsiya o‘tkaziladigan sana va manzillar aniq bo‘ldi
Maktabgacha, umumiy o‘rta va maktabdan tashqari ta’lim tashkilotlari pedagoglari uchun 2026-yil avgust–dekabr oylarida o‘tkaziladigan malaka toifasi sinovlarining sanalari hamda test sinovlari o‘tkaziladigan manzillar belgilandi.
Bilasizmi?
Kuzgi pedagog kadrlar attestatsiyasi qay tartibda o‘tkaziladi?
Pedagoglar uchun attestatsiya jarayoni qanday tashkil etiladi? Test sinovida nechta va qanday topshiriqlar beriladi, har bir bosqichda pedagoglar qanday baholanadi, testga nimalarni olib kirish mumkin emas, test natijalaridan norozi bo‘lgan pedagog qanday tartibda apellyatsiya berishi mumkin? Quyida pedagoglar uchun eng muhim jihatlarni tushuntiramiz.
Bilasizmi?
Attestatsiyaga ariza yuborish yakunlanishiga 5 kun qoldi
Xabaringiz bor, 2026-yil 1-avgustdan malaka test sinovlarida ishtirok etish uchun ro‘yxatdan o‘tish va murojaat yuborish boshlangan bo‘lib, murojaat yuborish 2026-yil 1-oktabrga qadar davom etadi.
Izohingizni tahrirlang