Vazirlik tizimidagi Respublika tashxis markazi direktoriga “Mo‘tabar ayol” ko‘krak nishoni berildi

Maktabgacha va maktab ta’limi vazirligi tizimidagi Respublika tashxis markazi direktori Liliya Gaynutdinova “Mo‘tabar ayol” ko‘krak nishoni bilan taqdirlandi.

Ko‘krak nishoni Toshkent shahridagi Xalqaro anjumanlar saroyida bo‘lib o‘tgan tantanali taqdirlash marosimida topshirilgan.

Liliya Gaynutdinova bir necha yillar mobaynida o‘qituvchi, maktab direktori, tuman tashxiz markazi rahbari, shuningdek, psixologik xizmat bo‘limi boshlig‘i lavozimlarida faoliyat yuritgan. Ayni vaqtda O‘quvchilarni kasb-hunarga yo‘naltirish va psixologik-pedagogik Respublika tashxis markazi direktori lavozimida ishlab kelmoqda.

Liliya Gaynutdinova ta’lim muassasalarida psixologik xizmat faoliyatini tashkil etish, o‘quvchilarning ta’lim muassasasining ijtimoiy muhitiga moslasha olmasligi holatlarini korreksiyalash, ularni ijtimoiy reabilitatsiya qilish bo‘yicha tadbirlarni tashkil etish va amalga oshirish bo‘yicha bir qancha ishlarni amalga oshirgan.

Hozirgi kunga qadar pedagog xodimlar, o‘quvchilar hamda ota-onalarning psixologik-pedagogik bilimlarini oshirishga ko‘maklashish, pedagogik jamoalarda sog‘lom psixologik muhitni yaratish va qo‘llab-quvvatlash maqsadida turli xil loyihalarni amalga oshirgan.