Xususiy maktab ochish uchun qo‘shimcha imtiyozlar joriy qilinadi

Ayni vaqtda Prezident Shavkat Mirziyoyevning “Yangi O‘zbekiston” universitetida o‘qituvchi va murabbiylar bilan uchrashuvi bo‘lib o‘tmoqda. Uchrashuvda prezident xususiy maktablar uchun yangi imtiyozlar joriy etilishini ma’lum qildi.

Bu yil 1-sinfga 800 ming bola qabul qilindi. Bu o‘tgan yilga nisbatan 10 foiz ko‘p. Tahlillarga ko‘ra, 2030-yilga borib bu raqam 1 millionga yetadi.  Investitsiya dasturlari doirasida har yili 180–200 ming o‘quvchi o‘rni yaratilmoqda.

Endilikda, o‘quv yuklamasi yuqori bo‘lgan quyidagi 52 ta tumanda xususiy sektor ulushini oshirish uchun yangi moliyaviy mexanizmlar joriy etiladi:

Nukus sh., To‘rtko‘l, Ellikqal’a, Andijon, Asaka, Baliqchi, Buloqboshi, Jalaquduq, Izboskan, Qo‘rg‘ontepa, Marhamat, Oltinko‘l, Paxtaobod, Shahrixon, Sh. Rashidov, Zarbdor, Paxtakor, Qarshi, Nishon, Kasbi, Ko‘kdala, Chiroqchi, Shahrisabz sh., Yakkabog‘, Navoiy sh., Zarafshon sh., Namangan sh., Kosonsoy, Namangan, Norin, To‘raqo‘rg‘on, Uychi, Bulung‘ur, Jomboy, Samarqand, Urgut, Toyloq, Termiz sh., Angor, Denov, Termiz, Uzun, Sherobod, Sho‘rchi, Nurafshon sh., Zangiota, Yangiyo‘l, Buvayda, Uchko‘prik, Xiva sh., Bektemir, Yangihayot.

Xususiy maktab ochish uchun quyidagi imtiyozlar beriladi

• xususiy maktab ochish uchun 7 yil muddatga 10 foizli imtiyozli kredit;

• maktab ochish va jihozlashga kiritilgan mablag‘ning 15 foizi subsidiya sifatida qoplanadi (1,5 mlrd so‘mgacha);

• binosini maktab uchun ijaraga berganlarga yer va mol-mulk solig‘idan imtiyoz.

Barcha tumanlarda:

• bo‘sh turgan davlat binolari xususiy maktab uchun 10 yilga bepul ijaraga beriladi;

• xususiy maktablarning xalqaro akkreditatsiya xarajatining 50 foizi qoplanadi;

• farzandi xususiy maktabda o‘qiyotgan ota-onalar uchun soliq olinmaydigan daromad chegarasi 3 mln so‘mdan 6 mln so‘mga oshiriladi.

Natijada ota-onalar yiliga 6–7 mln so‘m tejaydi. Soliq idoralari har oy yakunida to‘lovlarni avtomatik qaytaradigan tizim yaratadi.