O'zbek
Farg‘onada attestatsiya test savollarini rasmga olib tarqatgan o‘qituvchi aniqlandi
Ijtimoiy tarmoqlarda pedagoglarning malaka (toifa) sinovlari davomida test savollari suratga olinib, imtihon hududidan olib chiqilgani haqida xabarlar tarqaldi.
Pedagog Shokir Tursun mazkur holat 28-oktabr kuni sodir bo‘lganini aytib, mas’ul tashkilotlardan holatni nazoratga olishni so‘ragan.
“Bugun attestatsiya jarayonida juda xunuk ish bo‘libdi. Kimdir kirib attestatsiya testlarini bemalol rasmga olib chiqqan. Tushunyapsizmi? Kimdir bemalol telefonni olib kirgan. Shuncha ustoz tunni tun, tongni tong demay tayyorlanayotgani qayerga ketdi. Shumi ishonchli tizimingiz? Shumi adolatli imtihoningiz?
Ustozlar ayni shu va rasmga olingan boshqa savollarni ham aynan 28-oktyabr kungi imtihonlarda tushganini tasdiqlashdi. Bu yerda testni o‘g‘irlab chiqqan odamga tegishli JSHSHIR yaqqol ko‘ringan. O‘ylaymanki, mas’ul tashkilotlar bu shaxsni qidirib topadi va jazosini beradi. Bunday qilishga sharoit yaratib berganlar ham darradan quruq qolmasligi lozim”, - degan Shokir Tursun.
Mazkur holat yuzasidan Pedagogik mahorat va xalqaro baholash ilmiy-amaliy markazi tomonidan o‘rganish o‘tkazildi. O‘rganish natijasida Farg‘ona viloyatidagi 26-sonli umumta’lim maktabi o‘qituvchisi X.N.K. ruxsat etilmagan maxsus qurilma yordamida test savollarini suratga olgani aniqlandi.
Ma’lum qilinishicha, o‘qituvchi 27-oktyabr kuni soat 12:19 da sinovga kirgan va soat 14:04 da imtihon hududidan chiqib ketgan. U sinov natijalariga ko‘ra jami 26 ball to‘plagan.
Markaz ma’lumotiga ko‘ra, test platformasiga har kuni savollar bazasi yuklanadi. Tizim ushbu baza asosida test variantlarini belgilangan vaqt oralig‘ida avtomatik ravishda yangilab boradi. Yangilanishdan so‘ng avvalgi variantlardagi savollar takroran berilmaydi.
27-oktyabr kuni test variantlari soat 13:00 da yangilangan. O‘rganish davomida suratga olingan savollar keyingi sinovlarda takroran qo‘llanilmagani tasdiqlangan.
Shu sababli markaz xulosasiga ko‘ra, mazkur holat keyingi sinov jarayonlariga salbiy ta’sir ko‘rsatmagan.
Izohlar 0
Izoh qoldirish uchun ro'yxatdan o'ting!
Yangiliklar
Farg‘onada attestatsiya test savollarini rasmga olib tarqatgan o‘qituvchi aniqlandi
Kuzgi attestatsiyada 240 mingdan ortiq oʻqituvchi ishtirok etadi
Toshkentda Markaziy Osiyo taʼlim forumi ish boshladi
Farg‘onadagi uchta bog‘chada bolalar kasallanishi holati kuzatildi
Mavzuga doir yangiliklar
Yangiliklar
Kuzgi attestatsiyada 240 mingdan ortiq oʻqituvchi ishtirok etadi
Taʼlim va ilm-fan vazirligining xalqtaliminfo.uz'ga ma’lum qilishicha, bu yil sinovlarda qatnashish istagini bildirgan pedagoglardan 302 ming 422 ta murojaat kelib tushgan. Ulardan 16 ming 604 tasi, yaʼni 5,5 foizi navbatdagi majburiy attestatsiyaga, qolgan 285 mingdan ortigʻi esa navbatdan tashqari attestatsiyaga tegishli.
Yangiliklar
Ertadan pedagoglar uchun kuzgi attestatsiya sinovlari boshlanadi
Sinovlar hududlar kesimida tasdiqlangan jadval va manzillar asosida tashkil etiladi. Malaka sinovlari jami 45 ta fan va yo‘nalish bo‘yicha o‘tkazilishi uchun test materiallari tayyorlangan.
So'ragan edingiz
O‘qituvchi attestatsiya testini boshqa hududda topshirishi mumkinmi?
MMTVning 334-son buyrug‘i bilan tasdiqlangan yo‘riqnomaga ko‘ra, ayrim asosli holatlarda pedagogga doimiy yoki vaqtincha yashash hududidan boshqa hududda test topshirishga ruxsat berilishi mumkin.
Attestatsiya
Kuzgi attestatsiya o‘tkaziladigan sana va manzillar aniq bo‘ldi
Maktabgacha, umumiy o‘rta va maktabdan tashqari ta’lim tashkilotlari pedagoglari uchun 2026-yil avgust–dekabr oylarida o‘tkaziladigan malaka toifasi sinovlarining sanalari hamda test sinovlari o‘tkaziladigan manzillar belgilandi.
Izohingizni tahrirlang