Finlyandiya maktablarida o‘quvchilarga tushlik uchun bepul ovqat beriladi

13:40 / 15.11.2022 3.11k

Finlyandiyadagi boshlang‘ich o‘rta maktab, hamda gimnaziya va kasb-hunar ta’lim muassasalarining o‘quvchilari o‘quv kuni vaqtida tushlikka mutlaqo bepul issiq ovqat olish imkoniga ega.

Ushbu an’ana chuqur ildizlarga ega bo‘lib, u yuz yildan ko‘proq oldin qonun tomonidan belgilangan. Hozirgi kunda maktab tushliklari ta’lim dasturi va o‘quvchilarga g‘amxo‘rlik qilishning asosiy tamoyillaridan biri hisoblanadi.

Agarda bolalar erta tongdan maktab tadbirlariga yoki uzaytirilgan kunlik guruhlarga qatnashsalar, ularga yengil nonushtalar ham taklif qilinadi.

Finlyandiyada 1943 yildayoq dunyoda birinchi bo‘lib o‘quvchilar uchun maktab tushliklarini kafolatlaydigan qonun qabul qilingan.1948 yildan boshlab esa barcha maktab yoshidagi o‘quvchilar uchun bepul ovqatlanish berilishni boshlagan.

Finlandiya maktablaridagi ovqatlanish turli xilda va muvozanatlashtirilgan bo‘ladi. Maktabdagi ovqatlanish turini tanlashda o‘quvchilarning yoshi, salomatligi, bo‘yi va rivojlanishi e’tiborga olinadi. Maktab tushligi issiq taom, salat, qiymalangan yangi sabzavot yoki meva, yog‘ surtilgan non va ichimlikdan tashkil topgan.

Menyuni tayyorlash davomida milliy, mavsumiy va mahalliy mahsulotlar e’tiborga olinadi. Menyu o‘quvchilar va maktab xodimlari bilan birgalikda ishlab chiqiladi. O‘quvchilarning o‘zlari ham kichik sinfdagi o‘quvchilarga yordam berish vaqtida yoki amaliyot davomidagi xodimlarning mehnati bilan tanishish paytida tushlik tayyorlashda ishtirok etishlari mumkin.