O'zbek
17-martdan – 17 aprelga qadar 5-8-sinf o‘quvchilari o‘rtasida informatika fan olimpiadasi o‘tkaziladi
10:00 / 12.03.2024
8.49k
Maktabgacha va maktab ta’limi vazirining 2024-yil 7-martdagi 70-sonli buyrug‘i bilan “Umumiy o‘rta ta’1im tashkilotlarining 5-8-sinf o‘quvchi1ari o‘rtasida informatika yo‘na1ishi bo‘yicha fan olimpiadasini tashkil etish va uni o‘tkazish tartibi to‘g‘risida” Nizom tasdiqlandi.
Unga ko‘ra mart-aprel oylarida 5-, 6-, 7- va 8-sinf o‘quvchilari o‘rtasida informatika yo‘nalishi bo‘yicha fan olimpiadasi o‘tkaziladi. Olimpiada “maktab - tuman (shahar) - viloyat - respublika” bosqichlarida tashkil qilinadi.
Olimpiada to‘rt bosqichda quyidagi muddatlarda o‘tkaziladi:
birinchi bosqich — davlat va nodavlat ta’lim muassasalari o‘quvchilari o‘rtasida maktab bosqichi mart oyida;
ikkinchi bosqich — tuman (shahar) miqyosida birinchi bosqichda g‘olib bo‘lgan o‘quvchilar o‘rtasida mart oyida;
uchinchi bosqich — Qoraqalpog‘iston Respublikasi, viloyatlar va Toshkent shahri miqyosida ikkinchi bosqich g‘oliblari hamda Ixtisoslashtirilgan ta’lim muassasalari agentligi tasarrufıdagi maktablar o‘quvchilari o‘rtasida aprel oyida;
to‘rtinchi bosqich — respublika miqyosida uchinchi bosqichda g‘olib bo‘lgan o‘quvchilar o‘rtasida aprel oyida o‘tkaziladi.
Olimpiadaning maktab bosqichi davlat va nodavlat ta’lim muassasalarida mart oyida o‘tkaziladi. Maktablarda har bir sinf kesimida ishtirokchilar orasidan ballar ketma- ketligida 3 nafargacha g‘olib aniqlanadi va maktab pedagogik kengashining (yoki nodavlat ta’lim tashkiloti rahbarining) qarori bilan ikkinchi bosqichda ishtirok etish uchun tavsiya etiladi.
Olimpiadaning tuman (shahar) bosqichi olimpiadaning maktab bosqichida g‘olib bo‘lgan davlat va nodavlat ta’lim muassasalari o‘quvchilari o‘rtasida mart oyida o‘tkaziladi. Olimpiada uchun nazorat materiallari Maktabgacha va maktab ta’limi vazirligi tomonidan tuziladi hamda maxfıyligi ta’minlangan holda hududlarga yetkaziladi.
Olimpiadaning viloyat bosqichida olimpiadaning tuman (shahar) bosqichida 1-, 2- va 3-o‘rinlarni egallagan o‘quvchilar, ixtisoslashtirilgan ta’lim muassasalari agentligi tomonidan har bir sinf va hudud kesimida tavsiya etilgan 15 nafargacha o‘quvchilar ishtirok etadi. Olimpiadaning mazkur bosqichi aprel oyida o‘tkaziladi.
Olimpiadaning respublika bosqichida olimpiadaning viloyat bosqichida sinflar kesimida 1-5-o‘rinlarni egallagan o‘quvchilari ishtirok etadi. Olimpiadaning mazkur bosqichi aprel oyida o‘tkaziladi.
Izohlar 0
Izoh qoldirish uchun ro'yxatdan o'ting!
Yangiliklar
10:05 / 10.05.2025
Maktab yoshidagi bolalar uchun bank kartalari ochish bo‘yicha talablar ishlab chiqiladi
19:17 / 07.05.2025
Vazir Hilola Umarovaga yangi o‘rinbosar tayinlandi
16:48 / 07.05.2025
Sharoiti og‘ir bo‘lgan maktab hojatxonalari binoning ichida joylashtiriladi
15:22 / 07.05.2025
Ta’lim inspeksiyasi tashkiloti yana qaytmoqdami?
Mavzuga doir yangiliklar
Yangiliklar
O‘quvchilar uchun yangi olimpiada tashkil etilib, g‘oliblar grant asosida o‘qishga qabul qilinadi
“O‘zbekiston Respublikasi Prezidentining yoshlar bilan ochiq muloqotida belgilangan vazifalarni amalga oshirishga doir chora-tadbirlar to‘g‘risida”gi Prezident Farmoni imzolandi.
15:06 / 29.03.2025
Yangiliklar
Pedagoglarga ustama belgilashda inobatga olinadigan tadbirlar ro‘yxatiga qo‘shimcha kiritildi
Аl-Xorazmiy nomidagi aniq va tabiiy fanlar (science) olimpiadasining tabiiy fanlar (fizika, kimyo, biologiya) yo‘nalishida o‘quvchilar natijaga erishgan taqdirda ham pedagog xodimlarga ustama uchun ball bermaslikka to‘g‘ri kelib qolgandi.
13:32 / 25.03.2025
So'ragan edingiz
Al-Xorazmiy olimpiadasi natijalari ustamaga ta’sir qiladimi?
Yaqinda o‘tkazilgan Аl-Xorazmiy nomidagi tabiiy fanlar (science) olimpiadasidagi o‘quvchilarning natijalari o‘qituvchiga ustama uchun ball berishda hisobga olinadimi?
15:59 / 10.03.2025
Yangiliklar
Xalqaro va mintaqaviy fan olimpiadasi g‘oliblari taqdirlandi
Vazir Hilola Umarova g‘oliblarni taqdirladi
12:18 / 08.11.2024
Izohingizni tahrirlang