O'zbek
Attestatsiya test sinovlari qaytadan o‘tkazilishi kerak
10:00 / 17.04.2024
11.44k
Xabaringiz bor, 15-16-aprel kuni bo‘lib o‘tgan attestatsiya test sinovlari vaqtida pedkadr.uzedu.uz platformasida nosozliklar yuzaga kelganligi sababli, Informatika va axborot texnologiyalari fani o‘qituvchilari testlardan yaxshi natija qayd eta olmaganligi aniqlangan. Ko‘pchilik pedagoglar mazkur holatdan noroziligini bildirib, attestatsiya test jarayonlari qayta tashkil etilishini talab qilmoqda.
Xo‘sh, bu vaziyatda qanday yo‘l tutish lozim?
Vazirlar Mahkamasining 2021-yil 17-sentabrdagi 572-son qarori bilan tasdiqlangan nizomning 4-bobida pedagog xodimlarning attestatsiya natijalari yuzasidan murojaat qilish qilish tartibi belgilangan.
Bunda attestatsiya natijalaridan norozi bo‘lgan pedagog kadrlar natijalar e’lon qilingan kundan boshlab o‘n kun mobaynida apellyatsiya komissiyasiga yozma ravishda ariza (shikoyat) berishlari lozim. Apellyatsiya komissiyasiga murojaat qilish yozma ravishda yoki vakolatli vazirlikning rasmiy veb-sayti orqali elektron tarzda amalga oshiriladi.
Ariza ko‘rib chiqilgach, pedagog kadrning pedagogik mahorati va psixologik tayyorgarligi noto‘g‘ri baholanganligi, o‘quv fani bo‘yicha test yoki malaka sinovi materiallarida xato va kamchiliklar mavjudligi aniqlangan taqdirda, attestatsiya natijalari o‘zgartirilishi lozim.
Agar 15-16-aprel kuni bo‘lib o‘tgan attestatsiya test sinovlarida bo‘lgani kabi, o‘quv fani bo‘yicha test yoki malaka sinovlarini o‘tkazish jarayonida tashkiliy-texnik jihatdan kamchiliklar mavjudligi aniqlansa, vazirlik test sinovlarining qaytadan topshirilishini tashkil etish lozim.
Bizningcha, Maktabgacha va maktab ta’limi vazirligi pedagoglardan yozma murojaat kelib tushishini kutmay, test sinovlarini qayta tashkil etish choralarini ko‘rishi zarur. Chunki, bunday holat 15-16-aprel kunlari butun Respublika bo‘ylab kuzatilgan. Albatta, bunda testni muvofaqqiyatli yakunlab, hech qanday texnik muammolarsiz toifa olgan pedagoglar attestatsiya jarayoniga qayta jalb etilmasligi lozim.
Bizningcha, Maktabgacha va maktab ta’limi vazirligi pedagoglardan yozma murojaat kelib tushishini kutmay, test sinovlarini qayta tashkil etish choralarini ko‘rishi zarur. Chunki, bunday holat 15-16-aprel kunlari butun Respublika bo‘ylab kuzatilgan. Albatta, bunda testni muvofaqqiyatli yakunlab, hech qanday texnik muammolarsiz toifa olgan pedagoglar attestatsiya jarayoniga qayta jalb etilmasligi lozim.
Hozircha mazkur holat bo‘yicha Maktabgacha va maktab ta’limi vazirligi rasmiy bayonot berganicha yo‘q.
Izohlar 22
Izoh qoldirish uchun ro'yxatdan o'ting!
Yangiliklar
11:29 / 23.05.2025
“So‘nggi qo‘ng‘iroq” tadbirlariga 27 mingdan ortiq IIV xodimlari jalb etiladi
18:25 / 22.05.2025
“186 ta maktab sanitariya talablari buzilgani sabab vaqtincha yopilgan” – Sanepidqo‘mita
15:51 / 22.05.2025
Vazir Hilola Umarova Londonda nima qilyapti?
23:54 / 21.05.2025
Maktablardagi o‘qituvchilar soni 170 mingga ko‘paydi
Mavzuga doir yangiliklar
Yangiliklar
Deyarli 60 foiz o‘qituvchi attestatsiyadan o‘tolmagan
Malaka test sinovlarida ishtirok etish uchun 190 mingga yaqin pedagoglar onlayn ariza topshirgan bo‘lib, ularning 177 ming 640 nafari yoki umumiy arizachilarning 95 foizi jarayonlarda qatnashdi.
16:16 / 19.05.2025
Attestatsiya
Attestatsiya natijalaridan norozi pedagoglar sudga murojaat qilishi mumkin
Ma’lum bo‘lishicha, attestatsiya natijalaridan norozi bo‘lgan o‘qituvchilarning shikoyat arizalariga apellyatsiya komissiyasi tomonidan deyarli bir xil mazmundagi javoblar yuborilmoqda.
14:24 / 01.05.2025
So'ragan edingiz
Attestatsiya vaqtida kompyuter ishlamay qolsa nima qilish kerak?
Malaka sinovlarini o‘tkazish jarayonida tashkiliy-texnik jihatdan kamchiliklar mavjudligi aniqlansa, test sinovlarining qaytadan topshirilishini tashkil etilishi lozim.
11:59 / 01.05.2025
So'ragan edingiz
Attestatsiyada qatnasholmagan o‘qituvchilar nima qiladi?
Men attestatsiya kuni O‘zbekistonda emasdim, oxirida topshirishga ruxsat beriladimi? Nima qilish kerak, ruxsat olish uchun? Rahbarlarimizga aytsam, oxirida so‘rasa beramiz deydi, unda kech bo‘lmaydimi?
11:12 / 26.04.2025
Izohingizni tahrirlang