Respublikadagi 208 ta maktab harbiylashtirilgan ta’lim muassasasiga aylantiriladi

2024-yil 15-noyabrda O‘zbekiston Respublikasi Prezidentining “O‘quvchi-yoshlarni chaqiruvga qadar boshlang‘ich tayyorlash tizimini yangi bosqichga olib chiqish chora-tadbirlari to‘g‘risida”gi 393-sonli qarori imzolandi.
Mazkur qaror bilan respublikadagi har bir tuman (shahar)da bitta umumiy o‘rta ta’lim maktabi negizida bolalarni kichik yoshidan vatanparvar qilib tarbiyalashga yo‘naltirilgan “Jasorat maktabi” faoliyatini yo‘lga qo‘yiladi. Ushbu maktablarda o‘qish uchun o‘quvchilarni saralash 5-sinfdan boshlab amalga oshiriladi.
Ushbu maktablarda o‘quv yili davomida ikki marta harbiy poligonlarda, har chorakda bir marta harbiy qismlarda amaliy mashg‘ulotlar olib boriladi.
“Jasorat maktablari” ga biriktiriladigan CHQBT rahbarlariga ta’lim tashkiloti o‘qituvchisining bazaviy tarif stavkasi bilan birga tuman (shahar) mudofaa ishlari bo‘limlari fuqaro xodimlari uchun belgilangan mehnatga hak to‘lash, ustama haq, qo‘shimcha to‘lov, rag‘batlantirish va moddiy yordam ko‘rsatish shartlari ham tatbiq etiladi.
2026/2027-o‘quv yilidan boshlab “Jasorat maktabi”ni a’lo baholar bilan tamomlagan har bir “Vatan tayanchi” otryadining a’zosi bo‘lgan bir nafar o‘quvchiga oliy harbiy va harbiylashtirilgan hamda yuridik ta’lim muassasalariga o‘qishga kirish uchun imtiyozli tavsiyanoma beriladi.
Shuningdek, “Jasorat maktablari”da:
- matematika, CHQBT, tarix, jismoniy tarbiya, chet tili, fizika fanlari chuqurlashtirilgan holda o‘qitiladi;
- robototexnika, kelajak o‘yinlari, tibbiy tayyorgarlik, huquqiy savodxonlik, milliy sport o‘yinlari kabi to‘garak mashg‘ulotlari o‘tkaziladi;
- o‘quv yili davomida ikki marta harbiy poligonlarda, har chorakda bir marta harbiy qismlarda amaliy mashg‘ulotlar olib boriladi.
Izohlar 0
Izoh qoldirish uchun ro'yxatdan o'ting!
Yangiliklar

23 ming nafar maktab bitiruvchilari hali ham pasport olmagan

Maktabgacha va maktab ta’limi tizimi xodimlari jinoyat ustida qo‘lga olindi

O‘quvchilar uchun yangi olimpiada tashkil etilib, g‘oliblar grant asosida o‘qishga qabul qilinadi

O‘zbekistonda 2025-yil 1-sentyabrdan boshlab xalqaro maktab faoliyati yo‘lga qo‘yiladi
Mavzuga doir yangiliklar

Yangi o‘quv yilidan CHQBT fani haftasiga ikki soatdan o‘qitiladi
10-11-sinflarga haftasiga bir soatdan qo‘shimcha yuklama kiritiladi

2025-yil 1-iyundan maktab direktor o‘rinbosari lavozimlaridan biri tugatiladi
2025-yil 1-iyundan boshlab ular direktor o‘rinbosari hisoblanmaydi

Toifa olgan CHQBT fani o‘qituvchisiga qo‘shimcha haq to‘lanishi kerakmi?
Ularning ish haqi o‘qituvchilar bazaviy tarif stavkasiga tenglashtirilgan

Maktablarga harbiy poligonlardan foydalanishga ruxsat berildi
Endilikda maktab o‘quvchilari qurol otish bo‘yicha amaliy mashg‘ulot o‘taydilar
Izohingizni tahrirlang