O'zbek
O‘quvchilar besh tashabbus olimpiadasida o‘rin olsa, o‘qituvchiga ustama uchun ball beriladimi?
Savol
Maktabdagi jismoniy tarbiya o‘qituvchimizning futbol to‘garagidagi o‘quvchi qizlar jamoasi maktablar o‘rtasidagi besh tashabbus emas, mahalla doirasidagi besh tashabbus olimpiadasida futbol bo‘yicha tumanda 1-o‘rinni qo‘lga kiritdi. Shu natija uchun 823-sonli qarorga asosan ustamaning baholash mezonidagi 30 ballni bersak bo‘ladimi?
Javob
Vazirlar Mahkamasining 2019-yil 30-sentyabrdagi 823-son qarori bilan tasdiqlangan nizomning 1-ilovasi, 2-bandiga ko‘ra, o‘quvchilarning olimpiada, tanlovlar, musobaqalar va boshqa tadbirlardagi ishtiroki va natijalaridan kelib chiqib, o‘qituvchiga 10 balldan - 30 ballgacha berilishi mumkin.
Maktabgacha va maktab ta’limi vazirligining 2024-yil 14-fevraldagi 03-01/14-623-sonli xati bilan 2024-2025-o‘quv yili uchun umumta’lim muassasalaridagi o‘qituvchilarning bazaviy tarif stavkalariga har oylik ustamalar belgilashda inobatga olishga tavsiya etilgan fan olimpiadalari, ko‘rik tanlovlar, musobaqalar va tadbirlar ro‘yxati tasdiqlangan.
Mazkur ro‘yxatda esa “Besh tashabbus olimpiadasi” doirasidagi sport musobaqalaridagi natijalarni hisobga olish belgilangan.
Demak, bundan shunday xulosa qilish mumkinki, tuman (shahar) miqyosidagi “Besh tashabbus olimpiadasi”da qatnashgan o‘quvchilar 1-, 2-, 3-o‘rinlarni egallagan taqdirda o‘qituvchiga maksimal 30 ball berilishi mumkin.
Bu muhim: Faqat bu tartib yuqori sinf (5 — 11-sinf) o‘qituvchilari faoliyatini baholashda qo‘llaniladi. Ya’ni, bu yutuqqa boshlang‘ich sinf o‘quvchilari erishgan bo‘lsa, o‘qituvchiga ball berilmaydi.
Chunki, boshlang‘ich sinf o‘qituvchilariga faqatgina maktab miqyosidagi tanlov va boshqa tadbirlarda qatnashgan o‘quvchilarning erishgan natijalariga qarab ball beriladi.
Muhim eslatma: O‘qituvchilarning bazaviy tarif stavkalariga har oylik ustamalar belgilashda inobatga olishga tavsiya etilgan fan olimpiadalari, ko‘rik tanlovlar, musobaqalar va tadbirlar ro‘yxati faqatgina 2024-2025-o‘quv yili uchun belgilangan.
Bu ro‘yxatdagi fan olimpiadalari, ko‘rik tanlovlar, musobaqalar va tadbirlar ro‘yxati kelasi o‘quv yili uchun yana qayta e’lon qilinadi.
Izohlar 3
Izoh qoldirish uchun ro'yxatdan o'ting!
Yangiliklar
Maktablarda “Ombudsman soati” joriy etish rejalashtirilmoqda
Endi o‘quvchilarning zararli odatlari haqida xabar bergan pedagoglar mukofotlanishi mumkin
Attestatsiyada ingliz tilidan tushgan testlar to‘liq tahlil qilindi
Endi CHQBT rahbarlariga ham 20 foizgacha ustama to‘lanadi
Mavzuga doir yangiliklar
So'ragan edingiz
O‘qituvchilarga qachondan boshlab 70 foizlik ustama to‘lash boshlanadi?
Kuzgi attestatsiya test sinovlarida ishtirok etib, 86 va undan yuqori ball olgan pedagoglarga 70 foizlik ustama qachondan boshlab to‘lanishi haqida xalqtaliminfo.uz’ga o‘qituvchilar tomonidan savol yo‘llamoqda.
So'ragan edingiz
Ayrim o‘qituvchilar 70 foizlik ustamadan mahrum bo‘lishi mumkinmi?
Bahorgi attestatsiyada qatnashib, birinchi malaka toifasiga hamda 70 foizlik ustamaga ega bo‘lgan o‘qituvchilar kuzgi attestatsiyada ham qatnashib, oliy malaka toifasiga ega bo‘lib qolsa-yu, ammo 86 ballik natija qayd etolmasa, unda 70 foizlik ustamadan mahrum bo‘lishlari mumkin.
Yangiliklar
Jismoniy tarbiya fani o‘qituvchilariga 20 foizgacha qo‘shimcha ustama beriladi
O‘z faoliyatida ijobiy natija ko‘rsatgan jismoniy tarbiya fani o‘qituvchilarini rag‘batlantirish tartibi belgilandi.
Yangiliklar
Endi malaka toifasiga ega bo‘lgan o‘qituvchilarga ustama uchun ball qo‘shib beriladi
Pedagog xodimlarga malaka toifasi darajasiga qarab, direktor jamg‘armasi hisobidan tayinlanadigan ustama uchun 5 balldan 20 ballgacha qo‘shib beriladi.
Izohingizni tahrirlang