O'zbek
Mentor-o‘qituvchilarga 20 foizlik ustama to‘lash boshlanadi
Ma’lumki, 2025-yil 1-yanvardan boshlab barcha umumiy o‘rta ta’lim muassasalarida malaka oshirishning “Kasbiy rivojlanish soati”, tayanch umumiy o‘rta ta’lim muassasalarida esa “Kasbiy rivojlanish kuni” kabi shakllari joriy etilishi belgilangan.
Bu haqda O‘zbekiston Respublikasi Prezidentining 2024-yil 21-iyundagi PQ-231-son qarorida nazarda tutilgan. Shuningdek, Maktabgacha va maktab ta’limi vazirligining 2024-yil 7-avgustdagi tegishli buyrug‘i bilan “Kasbiy rivojlanish soati” va “Kasbiy rivojlanish kuni” tadbirlarini tashkil etish tartibi belgilangan.
Bunda “Kasbiy rivojlanish soati” va “Kasbiy rivojlanish kuni” tadbirlarini tashkil etish uchun har bir tuman (shahar)da yuqori malakali o‘qituvchilar orasidan fanlar kesimida mentor-o‘qituvchilar tarkibi shakllantiriladi.
“Kasbiy rivojlanish soati” doirasida mentor-o‘qituvchilar pedagoglarning darslari tahlil qilinadi, ularga metodik yordam ko‘rsatadi, kasbiy rivojlanishi bo‘yicha tavsiyalar beradi.
Mentor-o‘qituvchi sifatida faoliyat yuritayotgan fan o‘qituvchilariga asosiy ish joyi bo‘lgan umumiy o‘rta ta’lim muassasasi direktor jamg‘armasi hisobidan lavozim maoshining 20 foizi miqdorida qo‘shimcha har oylik ustama haq to‘lanadi.
Mentor-o‘qituvchilarga ustama to‘lash tizimini yo‘lga qo‘yish maqsadida Vazirlar Mahkamasining 2024-yil 24-dekabrdagi 867-son qarori bilan Vazirlar Mahkamasining 2019-yil 30-sentyabrdagi 823-son qarori bilan tasdiqlangan Nizom 26-1-band bilan to‘ldirildi.
Ushbu bandga ko‘ra “Kasbiy rivojlanish soati” va “Kasbiy rivojlanish kuni” tadbirlarida mentor-o‘qituvchi sifatida faoliyat yuritayotgan fan o‘qituvchilariga asosiy ish joyi bo‘lgan umumiy o‘rta ta’lim muassasasi direktor jamg‘armasi hisobidan oladigan ustamasiga qo‘shimcha ravishda lavozim maoshining 20 foizi miqdorida har oylik ustama haq belgilanadi.
Masalan, agar o‘qituvchi direktor jamg‘armasi hisobidan 40 foiz ustama olayotgan bo‘lsa, unga mentor-o‘qituvchi vazifasini ham bajargani uchun yana 20 foiz ustama to‘lab beriladi. Ya’ni, o‘qituvchi direktor jamg‘armasidan 60 foiz ustama olish mumkin bo‘ladi.
“Kasbiy rivojlanish soati” va “Kasbiy rivojlanish kuni” tadbirlari qanday tashkil etiladi?
Izohlar 7
Izoh qoldirish uchun ro'yxatdan o'ting!
Yangiliklar
Yangi Ta’lim va ilm-fan vazirligining vazifalari va tashkiliy tuzilmasi bir hafta ichida belgilanadi
Maktabgacha va maktab ta’limi vaziri o‘rinbosari lavozimlaridan biri tugatildi
14 yoshgacha bo‘lgan bolalarga nisbatan jinsiy jinoyatlar uchun umrbod ozodlikdan mahrum qilish jazosi belgilandi
Kelasi o‘quv yilidan bog‘cha tarbiyachilari uchun oliygohda o‘qish muddati to‘rt yildan uch yilga qisqartiriladi
Mavzuga doir yangiliklar
Bilasizmi?
Pedagog xodimlarga beriladigan qanday ustama turlari bor?
Ma’lumki, umumiy o‘rta ta’lim maktabi pedagog xodimlarining erishgan natijasiga qarab, ularga turli xil ustamalar belgilanadi. Bugungi maqolamizda mazkur ustamalarning ayrim turlari haqida ma’lumot berib o‘tamiz.
Yangiliklar
O‘qituvchilarga 100 va 30 foizlik ustamalar beriladigan tizim yo‘lga qo‘yiladi
Yangi o‘quv yilidan boshlab umumiy o‘rta ta’lim maktablarida “sifat indeksi” tizimi joriy qilinadi. Bunda Maktablar pedagogik jamoaning salohiyati hamda o‘quvchilarning ta’lim va tarbiyadagi natijalariga qarab toifalarga ajratiladi.
Yangiliklar
2026-2027-o‘quv yilida 40 foizgacha ustama oladigan maktablar ro‘yxati tasdiqlandi
2026-yil 23-sentabr kuni Maktabgacha va maktab ta’limi vazirrining 359-sonli buyrug‘i bilan rahbar va pedagog kadrlarga ustama toʻlanadigan 601 ta umumiy oʻrta taʼlim maktablari ro‘yxati tasdiqlandi.
So'ragan edingiz
O‘qituvchi ta’tilda bo‘lgan davri uchun ham sertifikat uchun ustama to‘lab beriladimi?
Mehnat kodeksining 233-moddasiga muvofiq har yilgi mehnat ta’tilida bo‘lgan vaqti uchun xodimga ushbu Kodeksning 257-moddasiga muvofiq hisoblab chiqariladigan o‘rtacha ish haqining saqlanishi kafolatlanadi.
Izohingizni tahrirlang