Xorijiy til o‘qituvchilarining ustamasi kamaydimi?

Savol
Xorijiy til o‘qituvchilariga to‘lanadigan 50 foizlik ustamalar joriy yil 1-yanvardan bekor qilindimi? Ayrimlar, ustama butunlay bekor bo‘ldi desa, ayrimlar 20 foizga tushirildi deyapti. Iltimos, nimalar bo‘lganini batafsil tushuntirib beringlar.
Javob
Haqiqatdan ham ijtimoiy tarmoqlarda milliy va xalqaro sertifikatlar uchun to‘lanadigan ustamalar borasida turli xil xabarlar e’lon qilindi.
Masalan, O‘zbekiston Respublikasi Prezidentining 2024-yil 25-dekabrdagi PQ-455-son qarori bilan xorijiy tillardan milliy va xalqaro sertifikatga ega davlat boshqaruv idoralarining barcha bo‘g‘inlari xodimlariga lavozim maoshiga nisbatan 20 foizgacha qo‘shimcha ustama to‘lash 2025-yil 1-yanvardan boshlab to‘xtatildi.
Lekin bu xabar noto‘g‘ri talqin qilinib, ayrimlar uni xorijiy til o‘qituvchilariga ustama to‘lash ham to‘xtatiladi, deb tushunishdi. Ammo bu yerda faqatgina davlat boshqaruv idoralarining xodimlari haqida so‘z borgandi. Ya’ni, bu xorijiy til o‘qituvchilariga taalluqli emas.
Xorijiy til o‘qituvchilariga to‘lanadigan ustamalar miqdori kamaydimi?
Ma’lumki, O‘zbekiston Respublikasi Prezidentining PF-134-sonli farmoniga ko‘ra Bilim va malakalarni baholash agentligining xalqaro standartlar talablariga javob bermaydigan milliy baholash tizimida chet tili bo‘yicha olingan sertifikatga ega bo‘lgan pedagog kadrlarga har oylik qo‘shimcha ustama quyidagicha to‘lanishi belgilangan:
- 2025-yil 1-yanvarga qadar — ularning tarif stavkasiga nisbatan 50 foiz miqdorida;
- 2025-yil 1-yanvardan boshlab — ularning tarif stavkasiga nisbatan 20 foiz miqdorida.
Shu sababli, 2025-yil 1-yanvardan milliy sertifikatga ega bo‘lgan xorijiy til o‘qituvchilariga to‘lanadigan 50 foizlik ustamalar endilikda, 20 foizga tushirildi.
Ayrim xorijiy til o‘qituvchilari uchun 50 foizlik ustama to‘lash davom ettiriladi
Shuni alohida ta’kidlash joizki, agar xorijiy til o‘qituvchisi xalqaro tan olingan sertifikatga ega bo‘lsa, ularga 50 foiz miqdorida ustama to‘lash davom etaveradi.
Bunda xalqaro standartlar talablariga javob beradigan milliy baholash tizimida olingan sertifikatga ega bo‘lgan xorijiy til o‘qituvchilariga ham 50 foiz miqdorida ustama to‘lanaveradi.
Faqat buning uchun, milliy baholash tizimining xalqaro standartlar talablariga javob berishi vakolatli xalqaro tashkilotlar tomonidan tasdiqlangan bo‘lishi lozim.
Yanada soddaroq qilib aytadigan bo‘lsak, xorijiy til o‘qituvchisi faqat O‘zbekistonda tan olinadigan, BMBA tomonidan berilgan, milliy sertifikatga ega bo‘lsa, ularga endilikda, 2025-yil 1-yanvardan boshlab 20 foiz ustama to‘lanadi.
Agar u xalqaro darajadagi sertifikatga ega bo‘lsa, 50 foizlik ustamasi saqlanib qolaveradi.
Ma’lumot uchun: Pedagog xodimlarga ustama belgilashda qo‘llaniladigan xorijiy tillarni bilish darajasini belgilovchi milliy va xalqaro tan olingan sertifikatlar ro‘yxati Oliy ta’lim, fan va innovatsiyalar vazirligining 2024-yil 4-apreldagi 4-q/q-son va Maktabgacha va maktab ta’limi vazirligining 2024-yil 2-apreldagi 3-mh-son qarori bilan tasdiqlangan.
Ustama belgilashda qo‘llaniladigan sertifikatlar ro‘yxati bilan tanishish
Izohlar 20
Izoh qoldirish uchun ro'yxatdan o'ting!
Yangiliklar

Xalq ta’limi Info tahriryati rahbari Bolalar ombudsmani bilan uchrashdi

Bu yil 1000 nafar o‘qituvchiga vazir ustamasi beriladigan bo‘ldi

Ta’lim muassasalarida uzoq yillardan buyon rahbarlik lavozimini hech kimga bermay kelayotgan shaxslar tanqid qilindi

Vazirlikning iqtisod qilingan mablag‘lari hisobidan “Maktab avtobuslari” sotib olindi
Mavzuga doir yangiliklar

Ustama uchun ball berishda qilingan ishlar veb-saytda ham yoritilishi kerakmi?
Maktab Ishchi guruhi ustama uchun qilingan tadbirlarni qabul qilmadi. Ular veb-saytlarda yoritilmagan tadbirlar qabul qilinmaydi, deb aytyapti. Shu to‘g‘rimi?

2024-yilda malaka oshirgan pedagoglarga ustama uchun ball berilishi rasman taqsdiqlandi
Joriy yil 16-fevral kuni ko‘pchilik pedagog xodimlardan malaka oshirganlik uchun pedagoglarga ustama uchun ball berilishi borasida murojaatlar kelib tushgani bois, bu haqda ma’lumot berib, vaziyatga to‘liq sharh bergandik.

Maktab miqyosida ommalashtirilgan ish platformaga joylanmasa ustama uchun ball beriladimi?
Metodik ishni platformaga joylashtirish sharti faqatgina keyingi bosqichlar uchun belgilangan qoida hisoblanadi.

Maktab va tuman miqyosida o‘tkazilgan olimpiada uchun o‘qituvchiga ustama beriladimi?
Buning uchun mazkur olimpiada maktab direktori buyrug‘i bilan tasdiqlangan tanlov va boshqa tadbirlar ro‘yxatida bo‘lishi lozim.
Izohingizni tahrirlang