O'zbek
“Turon” maktab teatri tanlovi natijalari ustamaga ball berishda hisobga o‘tmaydimi?
Savol
O‘tgan yili “Turon” maktab teatri tanlovida o‘quvchilarimdan iborat bo‘lgan maktab jamoasi finalda g‘olib bo‘lib, faxrli 2-o‘rinni egallagandi. Menga 2024-2025-o‘quv yilida mazkur tanlovda erishgan o'quvchilarim yutug‘i uchun ustama haq to‘lanayotgan edi.
Lekin ustama noto‘g‘ri tayinlanganligi, “Turon” maktab teatri tanlovi o‘qituvchiga ball berishga asos bo‘lolmasligini bildirishib, menga tayinlangan ustama foizlari olib tashlanishini aytishdi. Shu ish to‘g‘rimi?
Javob
Vazirlar Mahkamasining 2019-yil 30-sentabrdagi 823-son qaroriga 1-ilova “Pedagog, psixolog va kutubxona xodimlarining faoliyatini baholash mezonlari”ga ko‘ra, tanlovlar, musobaqalarning tuman (shahar) bosqichida pedagog xodim o‘quvchisining ishtiroki uchun ball berilishi nazarda tutilgan.
Bunda o‘quvchilarning natijalari asosida pedagog xodimga quyidagicha ball beriladi:
- O‘quvchilar tuman (shahar) miqyosidagi tanlov va boshqa tadbirlarda qatnashib, eng quyi g‘olib ko‘rsatkichining 55 foizidan yuqori natijalarni ko‘rsatganda – 10 ball;
- O‘quvchilar tuman (shahar) miqyosidagi tanlov va boshqa tadbirlarda qatnashib, eng quyi g‘olib ko‘rsatkichining 70 foizidan yuqori natijalarni ko‘rsatganda – 20 ball;
- O‘quvchilar tuman (shahar) miqyosidagi tanlov va boshqa tadbirlarda qatnashib, 1-, 2-, 3-o‘rinlarni egallaganda – 30 ball.
Bunda ustama belgilashda inobatga olinadigan fan olimpiadalari, ko‘rik tanlovlar, musobaqalar va tadbirlar ro‘yxati har yili Maktabgacha va maktab ta’limi vazirligi tomonidan tasdiqlanadi.
Ma’lumki, 2024-2025-o‘quv yili uchun umumta’lim muassasalaridagi o‘qituvchilarning bazaviy ta’rif stavkalariga har oylik ustamalar belgilashda inobatga olishga tavsiya etiladigan fan olimpiadalari, ko‘rik tanlovlar, musobaqalar va tadbirlar ro‘yxati Maktabgacha va maktab ta’limi vazirligining 2024-yil 14-fevraldagi 03-01/14-623-sonli ko‘rsatma xati bilan tasdiqlangan.
Mazkur ro‘yxatda esa “Turon” maktab teatr tanlovi ham mavjud. Shu sababli, ushbu tanlovda o‘quvchilari yuqori natijani qayd etgan pedagog xodimga berilgan ballar asosli hisoblanadi. Shuning uchun o‘qituvchiga berilgan ballarni bekor qilib yuborish noqonuniy xatti-harakat hisoblanadi.
Izohlar 0
Izoh qoldirish uchun ro'yxatdan o'ting!
Yangiliklar
Kuzgi attestatsiya o‘tkaziladigan sana va manzillar aniq bo‘ldi
Prezident bolalarga nisbatan jinsiy jinoyatlar uchun umrbod ozodlikdan mahrum qilish jazosini joriy etish haqidagi qonunni imzoladi
Ta’lim uchun davlat xarajatlari besh yilda ikki barobardan ziyod oshgan
Prezident robototexnika bo‘yicha jahon chempioni bo‘lgan yoshlarni mukofotladi
Mavzuga doir yangiliklar
So'ragan edingiz
Olis hudud ustamasini hisoblashda o‘qituvchining qaysi ish staj hisobga olinadi?
Mazkur tartib olis hududlarda joylashgan umumiy oʻrta taʼlim muassasalarida boshqa hududlardan kelib faoliyat yuritayotgan pedagog xodimlarni rag‘batlantirish, olis hududdagi ta’lim tashkilotlarini malakali pedagog kadrlar bilan ta’minlash maqsadida joriy qilingan.
Bilasizmi?
Pedagog xodimlarga beriladigan qanday ustama turlari bor?
Ma’lumki, umumiy o‘rta ta’lim maktabi pedagog xodimlarining erishgan natijasiga qarab, ularga turli xil ustamalar belgilanadi. Bugungi maqolamizda mazkur ustamalarning ayrim turlari haqida ma’lumot berib o‘tamiz.
Yangiliklar
O‘qituvchilarga 100 va 30 foizlik ustamalar beriladigan tizim yo‘lga qo‘yiladi
Yangi o‘quv yilidan boshlab umumiy o‘rta ta’lim maktablarida “sifat indeksi” tizimi joriy qilinadi. Bunda Maktablar pedagogik jamoaning salohiyati hamda o‘quvchilarning ta’lim va tarbiyadagi natijalariga qarab toifalarga ajratiladi.
Yangiliklar
2026-2027-o‘quv yilida 40 foizgacha ustama oladigan maktablar ro‘yxati tasdiqlandi
2026-yil 23-sentabr kuni Maktabgacha va maktab ta’limi vazirrining 359-sonli buyrug‘i bilan rahbar va pedagog kadrlarga ustama toʻlanadigan 601 ta umumiy oʻrta taʼlim maktablari ro‘yxati tasdiqlandi.
Izohingizni tahrirlang