O'zbek
“B2 sertifikati yo‘q o‘qituvchilarni ishdan bo‘shatib bo‘lmaydi” — Davlat mehnat inspeksiyasi
Davlat mehnat inspeksiyasi umumta’lim muassasalarida faoliyat yuritayotgan, biroq B2 darajadagi milliy yoki unga tenglashtirilgan xalqaro sertifikatga ega bo‘lmagan xorijiy til o‘qituvchilarini ishdan bo‘shatib bo‘lmasligini aytdi.
Vazirlar Mahkamasining 2021-yil 19-maydagi 312-son qarori bilan xorijiy til o‘qituvchilari uchun B2 daraja talabi belgilangan bo‘lsa-da, ushbu talab mehnat shartnomasini bekor qilish yoki xodimni ishdan chetlashtirish uchun to‘g‘ridan-to‘g‘ri huquqiy asos sifatida nazarda tutilmagan.
Mehnat kodeksi talablari B2 sertifikatga ega emaslik — mehnat shartnomasining 168-moddasi asosida bekor qilishga sabab bo‘la olmaydi.
Ma’lum qilinishicha, bu holat 161-moddaga ko‘ra ish beruvchi tashabbusi bilan ishdan bo‘shatish uchun ham asos emas. MK 151-moddasining xodimni ishdan chetlashtirish asoslari ro‘yxatida ham B2 sertifikatga ega emaslik ko‘rsatilmagan.
O‘zbekiston Respublikasi Prezidentining 2021-yil 19-maydagi PQ-5117-son qarori bilan tasdiqlangan Xalq ta’limi tizimini 2030-yilgacha rivojlantirish konsepsiyasiga asosan 2030-yilgacha xorijiy til o‘qituvchilarining 100 foizini B2 darajaga yetkazish — bosqichma-bosqich amalga oshiriladigan maqsad bo‘lib, u jazolash yoki majburiy ishdan bo‘shatish mexanizmi emas.
Umuman olganda, B2 sertifikatga ega emaslik xorijiy til o‘qituvchilari bilan mehnat shartnomasini bekor qilish yoki ularni ishdan chetlashtirish uchun qonuniy asos bo‘la olmaydi.
Davlat mehnat inspeksiyasining qo‘shimcha qilishicha, holat yuzasidan qonunbuzilishlarni bartaraf etish maqsadida Maktabgacha va maktab ta’limi vazirligiga ham tegishli taqdimnoma kiritilgan.
Eslatib o‘tamiz, avvalroq Maktabgacha va maktab ta’limi vazirining 2025-yil 15-sentyabr kunidagi 340-son buyrug‘i bilan xorijiy til o‘qituvchilarining kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lishi lozimligi talabini saqlab qolgan holda, istisno tariqasida amalda faoliyat olib borayotgan va talab darajasidagi sertifikatga ega bo‘lmagan pedagoglarga 2025-yil yakuniga qadar (joriy o‘quv yilining 1-, 2-choraklari davomida) o‘z mehnat faoliyatlarini davom ettirishga ruxsat berilgandi.
Izohlar 33
Izoh qoldirish uchun ro'yxatdan o'ting!
Yangiliklar
Alohida taʼlimga ehtiyoji boʻlgan bolalarni qoʻllab-quvvatlash tizimi tubdan oʻzgaradi
Ko‘zi ojiz pedagoglar uchun muhim yangilik: endi har bir o‘qituvchiga alohida shaxsiy assistent biriktiriladi
1-sinflar uchun “Prezident sovg‘asi”ni hududlarga tarqatish boshlandi, maktablarga qachon yetkaziladi?
Bolalarga avtomobilni boshqarishga berganlik uchun alohida javobgarlik belgilanmoqda
Mavzuga doir yangiliklar
Yangiliklar
Xorijiy til o‘qituvchilarining B2 sertifikati mojarosi yangi bosqichga kirmoqda
Maktabgacha va maktab taʼlimi vazirligi tomonidan ‘‘Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida’’gi qaror loyihasi jamoatchilik muhokamasiga qoʻyildi.
Yangiliklar
Xorijlik o‘qituvchilarga ko‘p oylik berilgani uchun mahalliy o‘qituvchilar ish tashlamoqchi
Istanbuldagi Italiya litseyida ishlovchi mahalliy va italiyalik o‘qituvchilar o‘rtasidagi maosh tafovutlari tufayli mahalliy o‘qituvchilar ish tashlashga chiqdi.
Yangiliklar
Vazirlik xorijiy til o‘qituvchilari uchun B2 sertifikati talabini malaka talablariga kiritdi
Maktabgacha va maktab ta’limi vazirligining “Umumiy o‘rta ta’lim maktabi (maktab-internat) xodimlari asosiy lavozimlarining malaka tavsiflariga o‘zgartirish va qo‘shimchalar kiritish to‘g‘risida”gi 9-sonli buyrug‘i imzolandi.
Yangiliklar
B2 sertifikati muammosi yana kun tartibida
Maktabgacha va maktab ta’limi vazirligi ayni mavzu muhokamasiga mehnat huquqi sohasi bo‘yicha mutasaddi tashkilotlarni vazirlikka taklif qilib, masalani muhokama qildi.
Izohingizni tahrirlang