Davlat bog‘chalari anomal issiq tufayli birin-ketin yopilmoqda

O‘zbekistonda kuzatilayotgan anomal issiq tufayli davlat maktabgacha ta’lim tashkilotlari faoliyatini vaqtincha to‘xtatish masalasi ko‘rib chiqilmoqda. Bu borada hokimliklar, Sanitariya-epidemiologiya qo‘mitasi hamda “O‘zgidromet” bilan hamkorlik yo‘lga qo‘yilgan. 

Ayni vaqtda quyidagi hududlarda bog‘chalar faoliyati to‘xtatildi:

Qoraqalpog‘iston Respublikasi

Nukus shahri va yana 8 tumandagi bog‘chalar faoliyati vaqtincha to‘xtatiladi. 

Qarorga muvofiq, davlat bog‘chalari quyidagi muddatlarda faoliyat yuritmaydi: 

• Nukus shahri – 2026-yil 13-iyuldan 18-iyulgacha; 

• Amudaryo tumani – 2026-yil 13-iyuldan 15-iyulgacha; 

• Beruniy tumani – 2026-yil 13-iyuldan 17-iyulgacha; 

• Xo‘jayli tumani – 2026-yil 13-iyuldan 18-iyulgacha; 

• Taxiatosh tumani – 2026-yil 13-iyuldan 18-iyulgacha; 

• Shumanay tumani – 2026-yil 13-iyuldan 17-iyulgacha; 

• Mo‘ynoq tumani – 2026-yil 13-iyuldan 17-iyulgacha; 

• Qonliko‘l tumani – 2026-yil 13-iyuldan 17-iyulgacha; 

• To‘rtko‘l tumani – 2026-yil 13-iyuldan 17-iyulgacha. 

Xorazm viloyati 

2026-yil 14-17-iyul kunlari viloyatdagi barcha davlat maktabgacha ta’lim tashkilotlari faoliyati vaqtinchalik to‘xtatiladi. 

Bunda davlat maktabgacha ta’lim tashkilotlari faoliyati 2026-yil 20-iyuldan odatiy tartibda davom ettiriladi. 

Navoiy viloyati 

Navoiy viloyatining quyidagi hududlaridagi davlat maktabgacha ta’lim tashkilotlarining faoliyati vaqtincha to‘xtatiladi: 

• Uchquduq tumani — 2026-yil 14-iyuldan 17-iyulgacha; 

• Nurota tumani — 2026-yil 14-iyuldan 17-iyulgacha; 

• Tomdi tumani (2-, 4-, 5-son Davlat maktabgacha ta’lim tashkilotlari) — 2026-yil 14-iyuldan 17-iyulgacha; 

• Konimex tumani (1-,2-,3-,4-,5-,6-,7-,8-,9-,10-,11-,13-,14-,15-,16-,17-son davlat maktabgacha ta’lim tashkilotlari) — 2026-yil 14-iyuldan 17-iyulgacha. 

Viloyatning boshqa hududlaridagi davlat maktabgacha ta’lim tashkilotlarida sanitariya-gigiyena talablari hamda zarur shart-sharoitlar yuzasidan o‘rganish ishlari davom etmoqda. 

Buxoro viloyati

2026-yil 15–17-iyul kunlari Buxoro viloyatidagi barcha  maktabgacha ta’lim tashkilotlari faoliyati vaqtincha to‘xtatiladi.

Davlat maktabgacha ta’lim tashkilotlari faoliyati 2026-yil 20-iyuldan belgilangan tartibda yana o‘z faoliyatini davom ettiradi.

Farg‘ona viloyati

16–17-iyul kunlari Farg‘ona viloyatidagi barcha davlat va nodavlat maktabgacha ta’lim tashkilotlarining faoliyati vaqtincha to‘xtatiladi. Bu haqda shahar va tuman hokimlarining tegishli farmoyishi qabul qilindi.

Maktabgacha ta’lim tashkilotlari 2026-yil 20-iyul (dushanba) kunidan boshlab odatiy tartibda o‘z faoliyatini davom ettiradi.

Toshkent viloyati

Bog‘chalar faoliyati ob-havo me’yoriy holatga kelgach, viloyat hokimligining qo‘shimcha qaroriga asosan qayta yo‘lga qo‘yiladi.

Surxondaryo viloyati

Surxondaryo viloyatidagi bir qator davlat maktabgacha ta'lim tashkilotlari 18-iyul kuniga qadar vaqtincha to‘xtatildi.

Ro‘yxat to‘ldirib boriladi. 

Eslatib o‘tamiz, avvalroq Maktabgacha va maktab ta’limi vazirligining joriy yil 13-iyuldagi 04-39-2385-sonli xatiga asosan bog‘cha va maktablarida tashkil etilgan sog‘lomlashtirish maydonchalari faoliyati, shuningdek, “Dolzarb 90 kun” tadbirlari doirasida rejalashtirilgan turli loyihalarni amalga oshirish joriy yilning 1-avgustiga qadar to‘xtatilgandi.