O'zbek
O‘qituvchini kaltaklagan fuqarolar IIB ga olib borilgan
09:00 / 14.04.2024
4.19k
Xabaringiz bor, joriy yilning 1-aprel kuni Farg‘ona viloyati Toshloq tumanidagi 25-umumiy o‘rta ta’lim maktabi o‘qituvchisi kaltaklangani haqida ijtimoiy tarmoqlarda xabarlar tarqaldi.
Manbalarda jismoniy tarbiya fani o‘qituvchisi kaltaklangani aytiladi. Ammo Farg‘ona viloyati Milliy gvardiya boshqarmasi hamda maktabgacha va maktab ta’limi boshqarmasining bergan rasmiy bayonotlariga ko‘ra, u tarix va huquq fani o‘qituvchisi ekanligi ma’lum bo‘ldi.
Holat aslida qanday bo‘lgandi?
1-aprel kuni Toshloq tuman markazida joylashgan 25-sonli maktabning 9-sinf o‘quvchisi X.S. soat 11.00 larda ya’ni katta tanaffus vaqtida ushbu maktabning 7-sinf o‘quvchisi M.D. ning yuz qismiga sport to‘pini uloqtirganligi bo‘yicha, tarix fani o‘qituvchisi O.Mamajonov 9-sinf o‘quvchisini chaqirib, qo‘li bilan uni turtgan holda nojo‘ya xatti-harakati uchun tanbeh bergan.
O‘quvchi X.S tarix o‘qituvchisiga ham hurmatsizlik qilgan holda bildirilgan tanbehdan norozichiligini bildirib, qo‘l telefoni orqali onasiga qo‘ng‘iroq qilib o‘qituvchisi uni urib haqorat qilganligini aytgan. Tarix o‘qituvchisi O.Mamajonov esa holat yuzasidan maktab direktori M.Temirovaga ma’lumot bergan. Oradan ko‘p vaqt o‘tmay o‘quvchining qarindoshlari 2000-yilda tug‘ilgan fuqaro X.A. va 2004-yilda tug‘ilgan fuqaro X.J lar yetib kelib, maktab qorovulidan direktor oldiga kelishganini aytib, kirish uchun ruxsat so‘rashgan.
Maktab qorovuli tomonidan direktorga xabar berilib, uning ruxsati bilan fuqarolar ichkariga kiritilgan. Vaziyatga aniqlik kiritish maqsadida, maktab direktori, o‘qituvchi O. Mamajonov va o‘quvchi X.S.hamda uning qarindoshlarini o‘z xonasiga taklif qilgan. Suhbat jarayonida o‘qituvchi va o‘quvchining qarindoshlari o‘rtasida o‘zaro kelishmovchilik yuzaga kelib, janjallashib ketishgani oqibatida o‘qituvchi O.Mamajonov, yuz sohasiga qo‘l bilan urilgan zarbadan tan jarohati olgan.
“Holatdan xabar topib yetib kelgan maktab-inspektor psixologi tashvish tugmasi orqali qo‘riqlash xodimlarini chaqirgan va zudlik bilan yetib kelgan tuman qo‘riqlash bo‘limi “tezkor harakatlanuvchi guruh” xodimlari tomonidan barcha holat ishtirokchilari hududiy IIB ga olib borilgan. Ushbu holat yuzasidan hudud profilaktika inspektori tomonidan hujjatlar rasmiylashtirilib, o‘qituvchi O.Mamajonov va o‘quvchi X.S lar sud tibbiy ekspertizasidan o‘tkazilgan”, deyiladi Farg‘ona viloyati Milliy gvardiya boshqarmasining rasmiy bayonotida.
Bosh prokuratura axborot xizmati rahbari Hayot Shamsutdinovning Daryo.uz nashriga ma’lum qilishicha, holat yuzasidan jinoyat ishi qo‘zg‘atilgan. Fuqarolarga Jinoyat kodeksining 109-moddasi (qasddan badanga shikast yetkazish) 2-qismi bilan jinoyat ishi qo‘zg‘atilgan. Sud tibbiy ekspertizaning 2-apreldagi xulosasida o‘qituvchi M.O.da yopiq bosh miya shikasti, bosh miya chayqalishi, chap qosh tashqi burchak sohasi yirtilgan yarasi, bel, chap yelka va tirsak sohalari yumshoq to‘qimalari lat yeyishi aniqlangan.
Bu tan jarohatlari sog‘liqning qisqa vaqt — 6 kundan ortiq, ammo 21 kundan ko‘p bo‘lmagan muddatga yomonlashuviga sababchi bo‘lgan shikastlar toifasiga kirishi tasdiqlangan. O‘quvchi S.X.ning bo‘yin sohasida esa tirnalmalar aniqlangan. Bu tan jarohati 6 kundan ko‘p davom etmaydigan, tez o‘tib ketuvchi yengil shikastlar toifasifa kirishi tasdiqlangan.
Bu tan jarohatlari sog‘liqning qisqa vaqt — 6 kundan ortiq, ammo 21 kundan ko‘p bo‘lmagan muddatga yomonlashuviga sababchi bo‘lgan shikastlar toifasiga kirishi tasdiqlangan. O‘quvchi S.X.ning bo‘yin sohasida esa tirnalmalar aniqlangan. Bu tan jarohati 6 kundan ko‘p davom etmaydigan, tez o‘tib ketuvchi yengil shikastlar toifasifa kirishi tasdiqlangan.
Izohlar 0
Izoh qoldirish uchun ro'yxatdan o'ting!
Yangiliklar
09:12 / 05.07.2025
8 yoshli o‘quvchi xorijiy til o‘qituvchilaridan talab qilinayotgan sertifikatni qo‘lga kiritdi
11:44 / 03.07.2025
Bir guruh o‘qituvchilar vazirlikni sudga berdi
13:51 / 02.07.2025
Informatika fani o‘qituvchilari sun’iy intellekt ta’lim dasturi asosida o‘qitiladi
18:50 / 27.06.2025
Barcha hududiy boshqarma boshliqlariga BYD avtomobili berildi
Mavzuga doir yangiliklar
Yangiliklar
Bir guruh o‘qituvchilar vazirlikni sudga berdi
Bir guruh o‘qituvchilar tomonidan Maktabgacha va maktab ta’limi vazirligiga attestatsiya imtihonlarini qayta o‘tkazish majburiyatini yuklash, ma’naviy ziyon va vakil xarajatlarini undirish yuzasidan sudga da’vo arizasi kiritildi.
11:44 / 03.07.2025
Yangiliklar
May oyidan boshlab farzandi maktabga bormaydigan oilalarning “bola puli” miqdori kamaytiriladi
2025-yil 1-maydan boshlab respublikaning barcha hududlarida kambag‘al oilalarga ko‘mak choralari ijtimoiy shartnoma asosida berilishi belgilangan.
15:30 / 06.05.2025
Yangiliklar
Maktab direktori lavozimi uchun 3 ming dollar
O‘qituvchini direktor lavozimiga tayinlash uchun 3 ming dollar pora olgan maktabgacha va maktab ta’limi bo‘limi boshlig‘i qo‘lga tushdi. Unga nisbatan qamoqqa olish ehtiyot chorasi qo‘llanilib, jinoyat ishi qo‘zg‘atildi.
12:11 / 22.04.2025
Yangiliklar
Maktab hududida xavfli tarzda avtomobil boshqargan “zavxoz”ga jinoyat ishi qo‘zg‘atildi
Samarqanddagi maktablardan birida xo‘jalik ishlari bo‘yicha mudir lavozimida ishlovchi shaxs o‘z boshqaruvidagi avtomobilni maktab hududidagi stadionda yuqori tezlikda va xavfli tarzda boshqardi.
15:30 / 11.04.2025
Izohingizni tahrirlang