Oʻquvchilarni igna sanchib jazolab kelgan o‘qituvchi ishdan bo‘shatildi
15:00 / 16.04.2024
1.21k
Toshkentdagi maktabda o‘qituvchi o‘quvchilar qo‘liga igna va “samorez” sanchib jazolab kelgani ma’lum bo‘ldi. Aniqlanishicha, o‘qituvchi qariyb bir o‘quv yili davomida o‘quvchilarni jazolashning shu “usul”idan foydalangan. Bu haqda Daryo.uz nashri xabar berdi.
Voqea Sergeli tumanidagi 277-maktabda sodir bo‘lgan. Hozirga qadar holat yuzasidan ayrim tafsilotlar ochiqlandi.
Shahzoda qizim maktabning birinchi sinfida o‘qiydi. Uning o‘qituvchisi S.R. bolalarni jazolash uchun ularning qo‘liga igna, “samorez” sanchib, shafqatsizlik qilib kelgan ekan. Bu haqda ota-onalar yaqinda bildik, — deydi Daryo.uz nashriga o‘zini Dilorom Mahmudova deb tanishtirgan ona.
Murojaatchi onaning bildirishicha, holat 2023—2024-o‘quv yili boshidan beri takrorlanib kelgan.
Bolalarimizga “bu haqda kimgadir aytsang, bundan battarini qilib, qo‘lingga mix tiqaman” deb qo‘rqitgan ekan, — deydi ona.
Yana bir suhbatdoshning ma’lumot berishicha, o‘qituvchi endigina birinchi sinfga chiqqan o‘quvchilarning xatosi uchun shunday jazolash usulini tanlagan. Birinchi sinf o‘quvchisi endigina harf taniyotgan bo‘lsa, o‘qituvchi bolalar qilgan har bir imloviy xato uchun ularning qo‘liga igna va “samorez” sanchib, bolalarimizning jonini og‘ritgan.
Bu holat anchadan beri sodir bo‘lib kelgan. Bolalar qo‘rqitilgani uchun bizga aytmagan, — deydi Muhammadamin ismli jiyani shu maktabda o‘qishini aytgan suhbatdosh. Bildirilishicha, ota-onalar holatdan norozi bo‘lib, bugun, 16-aprel kuni maktab direktori qabuliga kirgan. Direktor holat u maktabda yo‘q paytida sodir etilganini aytib, “suvdan quruq chiqish”ga uringan.
Holatga Bolalar ombudsmani ham rasmiy izoh berdi. Ma’lum bo‘lishicha, joriy yilning 16-aprel kuni Toshkent shahri Sergeli tumani, 277-o‘rta maktab 1-“E” sinf o‘quvchilarining 15 nafar ota-onasi mazkur maktab direktoriga 1-“E” sinf rahbari S.R. (ayol) ustidan shikoyat qilgan.
Murojaatda ota-onalar sinf rahbari S.R. o‘quvchilar qo‘liga “samorez” va ignalar sanchib, turli jarohatlar yetkazgani, go‘yoki shunday usulda bolalarni tarbiyalashga uringanini bildirgan. 1-“E” sinf rahbari S.R. bolalarga nisbatan shunday nomaqbul harakatlarni sodir etgani yuzasidan o‘qituvchi bilan tuzilgan mehnat shartnomasi bekor qilingan.
Hozirda holat yuzasidan Sergeli tumani IIB tomonidan tergovga qadar tekshiruv olib borilmoqda.
Izohlar 0
Izoh qoldirish uchun ro'yxatdan o'ting!Yangiliklar
08:00 / 15.05.2024
Ma’naviyat markazi maktablarni tekshirmoqchi, savolnomada majburiy obuna ham bor
12:20 / 14.05.2024
O‘qituvchilar malaka oshirish uchun Fransiyaga boradi
06:00 / 14.05.2024
“So‘nggi qo‘ng‘iroq” tadbiri uchun faqat bir soat vaqt ajratiladi
11:30 / 13.05.2024
O‘qituvchilarning metodik kunlari qayta joriy qilinishi mumkin
Mavzuga doir yangiliklar
Yangiliklar
Yangiliklar
Yangiliklar
Yangiliklar
O‘quvchilarga stul ko‘targizib qo‘ygan o‘qituvchi ishi yuzasidan tergovga qadar tekshiruv boshlandi
Bolalar ombudsmani mazkur holatni o‘z kuzatuviga olganini ma’lum qildi.
14:50 / 23.04.20241.33k
O‘qituvchini kaltaklagan fuqarolar IIB ga olib borilgan
Holat yuzasidan jinoyat ishi qo‘zg‘atilgan.
09:00 / 14.04.20241.40k
O‘quvchisiga qo‘l ko‘targan o‘qituvchi ishdan bo‘shatildi
O'qituvchiga 6 mln 800 ming so‘m jarima ham qo‘llanildi.
16:00 / 09.04.20243.43k
Maktab o‘quvchilari o‘rtasidagi janjal o‘lim bilan tugadi
O'quvchilar о‘zaro kelishmovchilik natijasida janjallashib qolgan.
15:00 / 27.03.20243.97k
Izohingizni tahrirlang