O'zbek
Oʻquvchilarni igna sanchib jazolab kelgan o‘qituvchi ishdan bo‘shatildi
15:00 / 16.04.2024
3.60k
Toshkentdagi maktabda o‘qituvchi o‘quvchilar qo‘liga igna va “samorez” sanchib jazolab kelgani ma’lum bo‘ldi. Aniqlanishicha, o‘qituvchi qariyb bir o‘quv yili davomida o‘quvchilarni jazolashning shu “usul”idan foydalangan. Bu haqda Daryo.uz nashri xabar berdi.
Voqea Sergeli tumanidagi 277-maktabda sodir bo‘lgan. Hozirga qadar holat yuzasidan ayrim tafsilotlar ochiqlandi.
Shahzoda qizim maktabning birinchi sinfida o‘qiydi. Uning o‘qituvchisi S.R. bolalarni jazolash uchun ularning qo‘liga igna, “samorez” sanchib, shafqatsizlik qilib kelgan ekan. Bu haqda ota-onalar yaqinda bildik, — deydi Daryo.uz nashriga o‘zini Dilorom Mahmudova deb tanishtirgan ona.
Murojaatchi onaning bildirishicha, holat 2023—2024-o‘quv yili boshidan beri takrorlanib kelgan.
Bolalarimizga “bu haqda kimgadir aytsang, bundan battarini qilib, qo‘lingga mix tiqaman” deb qo‘rqitgan ekan, — deydi ona.
Yana bir suhbatdoshning ma’lumot berishicha, o‘qituvchi endigina birinchi sinfga chiqqan o‘quvchilarning xatosi uchun shunday jazolash usulini tanlagan. Birinchi sinf o‘quvchisi endigina harf taniyotgan bo‘lsa, o‘qituvchi bolalar qilgan har bir imloviy xato uchun ularning qo‘liga igna va “samorez” sanchib, bolalarimizning jonini og‘ritgan.
Bu holat anchadan beri sodir bo‘lib kelgan. Bolalar qo‘rqitilgani uchun bizga aytmagan, — deydi Muhammadamin ismli jiyani shu maktabda o‘qishini aytgan suhbatdosh. Bildirilishicha, ota-onalar holatdan norozi bo‘lib, bugun, 16-aprel kuni maktab direktori qabuliga kirgan. Direktor holat u maktabda yo‘q paytida sodir etilganini aytib, “suvdan quruq chiqish”ga uringan.
Holatga Bolalar ombudsmani ham rasmiy izoh berdi. Ma’lum bo‘lishicha, joriy yilning 16-aprel kuni Toshkent shahri Sergeli tumani, 277-o‘rta maktab 1-“E” sinf o‘quvchilarining 15 nafar ota-onasi mazkur maktab direktoriga 1-“E” sinf rahbari S.R. (ayol) ustidan shikoyat qilgan.
Murojaatda ota-onalar sinf rahbari S.R. o‘quvchilar qo‘liga “samorez” va ignalar sanchib, turli jarohatlar yetkazgani, go‘yoki shunday usulda bolalarni tarbiyalashga uringanini bildirgan. 1-“E” sinf rahbari S.R. bolalarga nisbatan shunday nomaqbul harakatlarni sodir etgani yuzasidan o‘qituvchi bilan tuzilgan mehnat shartnomasi bekor qilingan.
Hozirda holat yuzasidan Sergeli tumani IIB tomonidan tergovga qadar tekshiruv olib borilmoqda.
Izohlar 0
Izoh qoldirish uchun ro'yxatdan o'ting!
Yangiliklar
21:06 / 07.11.2025
Jismoniy tarbiya va musiqa fani o‘qituvchilari boshqacharoq tartibda attestatsiyadan o‘tadi
15:40 / 07.11.2025
A.Avloniy nomidagi malaka oshirish institutiga yangi prorektor tayinlandi
11:45 / 07.11.2025
Ta’lim sohasidagi hamkorlik uchun e’tirof
14:01 / 06.11.2025
Vazirlik “Yil o‘qituvchisi” natijalari nega o‘zgarib qolganiga izoh berdi
Mavzuga doir yangiliklar
Yangiliklar
O‘quvchisini kaltaklagan o‘qituvchi ishdan olindi
O‘rta Chirchiq tumani 11-sonli maktabning jismoniy tarbiya o‘qituvchisi, o‘zi sinf rahbarlik qilayotgan 9-sinf o‘quvchilarini kitob bilan kaltaklagan.
18:14 / 31.10.2025
Yangiliklar
Endi o‘ta og‘ir bo‘lmagan jinoyat sodir etgan voyaga yetmaganlar sudlanmagan hisoblanadi
Voyaga yetmaganlarga nisbatan jinoiy javobgarlikni yanada liberallashtirish, o‘n sakkiz yoshga to‘lguniga qadar sodir etgan jinoyati uchun jazoni o‘tab bo‘lgan shaxsni sudlanmagan deb hisoblashning alohida tartibi belgilandi.
21:58 / 31.10.2025
Yangiliklar
Bog‘cha mudirasi lavozimini 1000 dollarga pullamoqchi bo‘lgan MMTB boshlig‘i qo‘lga tushdi
Ma’lum bo‘lishicha, fuqaroni boshqa tumandagi davlat tasarrufidagi maktabgacha ta’lim muassasalaridan biriga mudira lavozimiga tayinlash evaziga 2500 AQSH dollari talab qilingan.
10:00 / 30.08.2025
Bilasizmi?
Darslarni adolatsiz taqsimlangan direktorga 4 mln so‘mgacha jarima solinishi mumkin
Maktab direktori yoki boshqa mansabdor shaxslar tomonidan dars soatlarini taqsimlash borasidagi qonunchilik hujjatlariga rioya etilmasa, ularga nisbatan javobgarlik bor.
15:22 / 21.08.2025
Izohingizni tahrirlang