O'zbek
Ta’lim sohasi xodimlari oylik maosh bo'yicha nechanchi o'rindaligi ma’lum bo‘ldi
10:30 / 08.05.2024
32.55k
O‘zbekiston Respublikasi Prezidenti huzuridagi Statistika agentligi 2024-yilda eng ko‘p va kam maosh olayotgan soha vakillari haqidagi ma’lumotlarni taqdim etdi.
Unga ko‘ra eng quyi pog‘onalarni ta’lim sohasi vakillari egallagan bo‘lib, ularning o‘rtacha ish haqi 3 million 434 ming so‘mni tashkil etgan.
Taʼlim sohasi o‘rtacha oylik ish haqi miqdori bo‘yicha doimgidek boshqa sohalarga nisbatan eng quyi pog‘onalarda qayd etilgan. Mazkur sohalardagi o‘rtacha ish haqi respublikadagi umumiy o‘rtacha oylik ish haqidan sezilarli darajada kamligicha qolmoqda.
Taʼlim sohasining asosiy tarmoqlari bo‘yicha o‘rtacha oylik ish haqining eng yuqori ko‘rsatkichi oliy taʼlimda (7,9 million so‘m), eng past ko‘rsatkich esa maktabgacha taʼlimda (1,8 million so‘m) kuzatilgan.
Taʼlim sohasi bo‘yicha o‘rtacha oylik ish haqining eng yuqori ko‘rsatkichi Toshkent shahri (5,5 million so‘m), Namangan (3,4 million so‘m) va Navoiy viloyatlarida (3,4 million so‘m) qayd etilgan.
Ma’lumot uchun, iqtisodiy faoliyat turlari bo‘yicha o‘rtacha oylik ish haqining eng baland ko‘rsatkichi — bank, sug‘urta, lizing, kredit va vositachilik faoliyati sohasiga to‘g‘ri kelgan bo‘lib — 13,2 million so‘mni tashkil etgan.
Xususan, soha tarmoqlaridan biri moliyaviy xizmatlar ko‘rsatish va sug‘urtalash bo‘yicha yordamchi faoliyatda o‘rtacha oylik ish haqi 17,4 million so‘m bo‘lib, qolgan tarmoqlardagiga qaraganda eng yuqori ko‘rsatkichni tashkil etgan.
Eslatib o‘tamiz, 2023-yilgi ma’lumotlarga ko‘ra oylik maoshi 6 mln so‘mdan oshgan o‘qituvchilar soni 25 ming 697 nafarni tashkil etgan. Bunda 6 million so‘mdan 10 million so‘mgacha maosh oladigan o‘qituvchilar soni 23 mingtani, 10 million so‘mdan yuqori oylik oluvchilar 1 mingtani tashkil qiladi. Yana 2 mingga yaqin o‘qituvchilarga vazir jamg‘armasidan qo‘shimcha ustamalar to‘langan. (2023-y.)
Yuqoridagi ko‘rsatgichlar umumiy o‘qituvchilar sonining 5 foizini tashkil qiladi. Ya’ni, qolgan 95 foiz o‘qituvchilar kontingenti Statistika agentligi nazarda tutayotgan eng kam oylikni olayotgan bo‘lishi mumkin.
Yuqoridagi ko‘rsatgichlar umumiy o‘qituvchilar sonining 5 foizini tashkil qiladi. Ya’ni, qolgan 95 foiz o‘qituvchilar kontingenti Statistika agentligi nazarda tutayotgan eng kam oylikni olayotgan bo‘lishi mumkin.
O‘zbekiston Respublikasi Prezidentining 2023-yil 17-noyabrdagi 196-sonli farmoni bilan 2023-yil 1-dekabrdan boshlab ish haqi, pensiyalar va ijtimoiy nafaqalar 7 foizga oshirilishi belgilangan.
Oshirilgan maoshlar bo‘yicha hisoblanganda, hozirgi kunda pedagog va boshqa xodimlar quyidagicha maosh olmoqda:
Maktab direktori:
- 4 mln 084 ming 179 so‘m (400 o‘quvchigacha);
- 4 mln 360 ming 917 so‘m (401-880 o‘quvchigacha);
- 4 mln 624 ming 262 so‘m (881-1600 o‘quvchigacha);
- 4 mln 891 ming 647 so‘m (1600dan ortiq);
Direktor o‘rinbosarlari: (MMIBDO‘, O‘TIBDO‘)
- 3 mln 814 ming 502 so‘m (400 o‘quvchigacha);
- 4 mln 084 ming 179 so‘m (401-880 o‘quvchigacha);
- 4 mln 360 ming 917 so‘m (881 -1600 o‘quvchigacha);
- 4 mln 624 ming 262 so‘m (1600dan ortiq);
Direktorning ho‘jalik ishlari bo‘yicha o‘rinbosari:
- 1 mln 618 ming 065 so‘m (400 o‘quvchigacha);
- 1 mln 765 ming 457 so‘m (401-880 o‘quvchigacha);
- 1 mln 919 ming 114 so‘m (881 -1600 o‘quvchigacha);
- 2 mln 078 ming 589 so‘m (1600dan ortiq);
*CHQBT rahbari:
- 2 mln 948 ming 543 so‘m;
2024-yil 15-yanvardan boshlab malaka toifasiga ega bo‘lgan CHQBT rahbari:
- Mutaxassis – 2 mln 948 ming 543 so‘m;
- Ikkinchi toifali – 3 mln 301 ming 055 so‘m;
- Birinchi toifali – 3 mln 678 ming 381 so‘m;
- Oliy toifali – 4 mln 064 ming 865 so‘m;
**Psixologlar:
- Oliy ma’lumotli psixolog – 2 mln 653 ming 689 so‘m;
- Ikkinchi toifali psixolog – 2 mln 841 ming 780 so‘m;
- Birinchi toifali psixolog – 3 mln 034 ming 666 so‘m;
- Oliy toifali psixolog – 3 mln 219 ming 374 so‘m;
O‘qituvchilar:
- O‘rta maxsus ma’lumotli o‘qituvchi – 2 mln 756 ming 194 so‘m;
- Oliy ma’lumotli o‘qituvchi – 2 mln 948 ming 543 so‘m;
- Ikkinchi toifali o‘qituvchi – 3 mln 301 ming 055 so‘m;
- Birinchi toifali o‘qituvchi – 3 mln 678 ming 381 so‘m;
- Oliy toifali o‘qituvchi – 4 mln 064 ming 865 so‘m;
Maktab laboranti (1 st):
- 1 mln 458 ming 770 so‘m;
Kutubxona mudiri:
- O‘rta maxsus ma’lumotli – 1 mln 941 ming 691 so‘m;
- Oliy ma’lumotli – 2 mln 118 ming 548 so‘m;
Kutubxonachi:
- O‘rta maxsus ma’lumotli – 1 mln 683 ming 734 so‘m;
- Oliy ma’lumotli – 1 mln 772 ming 354 so‘m.
Izoh: *2024-yil 15-yanvardan boshlab CHQBT rahbarlariga ham boshqa fan o‘qituvchilari singari malaka toifasi berish tartibi yo‘lga qo‘yildi. Shu sababli ularning oylik maoshi ham malaka toifasiga ko‘ra farqlanadi.
**Psixologlar oylik maoshi ham malaka toifasiga ko‘ra farqlanadi. Ayni damda psixologlarning kasb standarti ishlab chiqilgan.
Izohlar 1
Izoh qoldirish uchun ro'yxatdan o'ting!
Yangiliklar
13:45 / 16.09.2026
Vazirlik attestatsiya testlarini yana pullashni boshladimi?
11:13 / 16.09.2026
MMTB mas’ullari 1 mlrd so‘mlik budjet mablag‘larini talon-toroj qilgani aniqlandi
16:33 / 14.09.2026
Pedagoglarni attestatsiyadan o‘tkazish maqsadida noqonuniy sxema tuzgan shaxslarga sud hukmi o‘qildi
12:18 / 10.09.2026
2031-yilgacha barcha maktab darsliklari yangi alifboga o‘tkaziladi — vazir o‘rinbosari
Mavzuga doir yangiliklar
Yangiliklar
Bugundan boshlab pedagog xodimlar oshirilgan maoshlar bo‘yicha oylik oladi
Ta’lim tizimi xodimlarining o‘rtacha oylik ish haqi qariyb 5 mln so‘mga yetdi, ammo boshqa sohlardan hamon ortda qolmoqda. 2026-yil 1-sentabrdan boshlab oylik maoshlar 7 foizga oshiriladi.
11:25 / 01.09.2026
So'ragan edingiz
Maktabdagi kassir vazifasini o‘qituvchi yoki “zavuch”ga biriktirish mumkinmi?
G‘aznachi (kassir) vazifasini maktab o‘qituvchisi yoki o‘quv ishlari bo‘yicha direktor o‘rinbosariga shunchaki direktorning xohishiga ko‘ra biriktirish qonunchilikka zid.
12:40 / 24.08.2026
Yangiliklar
Anomal issiq sababli yopilgan bog‘cha xodimlarining ish haqi toʻliq toʻlab beriladi, ota-onalardan ham to‘lov undirilmaydi
Ma’lum bo‘lishicha, bekor turib qolingan vaqtga mutanosib ravishda bog‘cha xodimlarga ish haqini toʻliq toʻlash bo‘yicha ko‘rstma berilgan.
17:02 / 21.07.2026
Yangiliklar
Anomal issiq sabab vaqtincha yopilgan bog‘chalardagi xodimlarga ish haqi qanday to‘lanadi?
Mazkur masalaga advokat Saydali Muxtoraliyev huquqiy izoh berdi. Uning ta’kidlashicha, avvalo bekor turib qolishning sababi qanday baholanishi muhim ahamiyatga ega. Chunki Mehnat kodeksining 266-moddasida bunday holatlar uchun turli tartiblar belgilangan.
12:20 / 18.07.2026
Izohingizni tahrirlang