O'zbek
Maktab miqyosida ommalashtirilgan ish platformaga joylanmasa ustama uchun ball beriladimi?
22:00 / 08.06.2025
25.99k
Savol
Metodik tavsiyam maktab miqyosida ommalashtirilgandi. Maktab miqyosida ommalashtirilganligi to‘g‘risida pedkengashning qarori ham bor.
Lekin “zavuchimiz” ustamaga ball hisoblashda ish tajribangiz ommalashtirish.uz platformasiga joylanmagan ekan deb, ball qo‘yishdan bosh tortdi. Axir maktab miqyosidagi ishlar uchun pedkengash qarorining o‘zi yetarli emasmi?
Lekin “zavuchimiz” ustamaga ball hisoblashda ish tajribangiz ommalashtirish.uz platformasiga joylanmagan ekan deb, ball qo‘yishdan bosh tortdi. Axir maktab miqyosidagi ishlar uchun pedkengash qarorining o‘zi yetarli emasmi?
Javob
Maktabgacha va maktab ta’limi vazirining 2025-yil 17-martdagi 89-sonli buyrug‘i bilan o‘qituvchilarning ilg‘or tajribasini ommalashtirish tartibi ishlab chiqilgan.
Mazkur tartibga ko‘ra, umumta’lim muassasasining fan o‘qituvchisi tomonidan ilg‘or tajribalar asosida ishlab chiqilgan metodik ish yo‘nalishlar bo‘yicha maktabning Metodbirlashmasi tomonidan muhokama qilinadi hamda ilg‘or ish tajribaga ega deb topilgan taqdirda maktab miqyosida ommalashtirish uchun maktabning Pedagogik kengashiga tavsiya etiladi.
Metodbirlashma tavsiyasi asosida Pedagogik kengashda talabgorning metodik ishi mazkur buyruq bilan tasdiqlangan metodik ishga qo‘yilgan talablar hamda baholash mezoniga muvofiq ishlab chiqilganligi o‘rganib chiqiladi hamda maktab miqyosida ommalashtirish yoki ommalashtirmaslik bo‘yicha Pedagogik kengash qarori qabul qilinadi.
Agar talabgorning metodik ishiga ijobiy xulosa berilib, ommalashtirishga loyiq deb hisoblansa, Pedagogik kengash qarori bilan maktab miqyosida ommalashtiriladi va ommalashtirish.uz platformasiga joylashtirilib keyingi bosqichlarga yuboriladi.
E’tibor bering, maktab miqyosida ommalashtirilgan metodik ishni ommalashtirish.uz platformasiga joylashtirish sharti faqatgina keyingi bosqichlar uchun belgilangan qoida hisoblanadi.
Ya’ni, maktab miqyosida ommalashtirilgan ish tajriba uchun ustamaga ball hisoblashda metodik ishning platformaga joylashtirilganligi yoki joylashtirilmaganligi umuman ahamiyatsiz.
O‘qituvchilarning ilg‘or tajribasini ommalashtirish tartibi to‘g‘risidagi yo‘riqnomaning 4-bob 2-xatboshida maktab miqyosida ommalashtirilgan metodik ish uchun sertifikat berilmasligi va maktab miqyosida ommalashtirilganligiga isbot sifatida Pedagogik kengash qarori asos hisoblanib, uch yilga amal qilishi belgilangan.
Shuningdek, Xalq ta’limi vazirligining 2021-yil 11-iyundagi 02-02/3-1699-sonli ko‘rsatma xatida pedagog xodimlarga direktor jamg‘armasi hisobidan ustama tayinlashda pedagoglardan taqdim etiladigan hujjatlar ro‘yxati belgilangan.
Mazkur ko‘rsatmada o‘qituvchi ish tajribasining ommalashtirilganligi uchun pedagoglar tomonidan Ishchi guruhga ish tajribasining ommalashtirilganligi haqida tegishli kengash qarori hamda ommalashtirilgan ish tajribaning metodik majmuasi (tavsiya, qo‘llanma va boshqa materiallar) taqdim etilishi nazarda tutilgan.
Xulosa o‘rnida aytadigan bo‘lsak, maktab miqyosida ommalashtirilgan ish tajriba uchun ustamaga ball hisoblashda pedagogik kengash qarorining o‘zi yetarli hisoblanadi.
Shu sababli, bu vaziyatda pedagog xodimning ish tajribasi maktab miqyosida ommalashtirilgan bo‘lib, ammo platformaga joylanmagan taqdirda ham o‘qituvchiga baholash mezoni talablariga muvofiq 7 ball berilishi lozim.
Izohlar 6
Izoh qoldirish uchun ro'yxatdan o'ting!
Yangiliklar
15:49 / 30.09.2026
Kelasi o‘quv yilidan bog‘cha tarbiyachilari uchun oliygohda o‘qish muddati to‘rt yildan uch yilga qisqartiriladi
15:05 / 30.09.2026
O‘qituvchilarga 100 va 30 foizlik ustamalar beriladigan tizim yo‘lga qo‘yiladi
14:23 / 30.09.2026
Endilikda boshlang‘ich sinflar uchun alohida fan olimpiadasi joriy qilinadi
13:33 / 30.09.2026
Prezident o‘qituvchilarga yangi imtiyozlar berilishini ma’lum qildi
Mavzuga doir yangiliklar
Yangiliklar
O‘qituvchilarga 100 va 30 foizlik ustamalar beriladigan tizim yo‘lga qo‘yiladi
Yangi o‘quv yilidan boshlab umumiy o‘rta ta’lim maktablarida “sifat indeksi” tizimi joriy qilinadi. Bunda Maktablar pedagogik jamoaning salohiyati hamda o‘quvchilarning ta’lim va tarbiyadagi natijalariga qarab toifalarga ajratiladi.
15:05 / 30.09.2026
Yangiliklar
2026-2027-o‘quv yilida 40 foizgacha ustama oladigan maktablar ro‘yxati tasdiqlandi
2026-yil 23-sentabr kuni Maktabgacha va maktab ta’limi vazirrining 359-sonli buyrug‘i bilan rahbar va pedagog kadrlarga ustama toʻlanadigan 601 ta umumiy oʻrta taʼlim maktablari ro‘yxati tasdiqlandi.
11:04 / 28.09.2026
So'ragan edingiz
O‘qituvchi ta’tilda bo‘lgan davri uchun ham sertifikat uchun ustama to‘lab beriladimi?
Mehnat kodeksining 233-moddasiga muvofiq har yilgi mehnat ta’tilida bo‘lgan vaqti uchun xodimga ushbu Kodeksning 257-moddasiga muvofiq hisoblab chiqariladigan o‘rtacha ish haqining saqlanishi kafolatlanadi.
12:17 / 21.09.2026
So'ragan edingiz
“Qizil” maktabda ishlayotgan o‘qituvchining shartnoma muddati tugasa nima bo‘ladi?
Shartnoma belgilangan talablarga mos tushmasa, mehnat shartnomasi nomuayyan muddatga tuzilgan deb topiladi.
10:30 / 06.07.2024
Izohingizni tahrirlang