Bog'chalarda fransuz tili o'qitiladi

Maktabgacha va maktab ta’limi vazirligi O‘zbekistondagi bog‘chalarda 5-6 yoshli bolalar uchun Fransiyaning innovatsion Kokoro lingua platformasi yordamida fransuz tilini o‘qitish va ustozlar malakasini oshirish bo‘yicha qator kelishuvlarga erishdi.
Maktabgacha va maktab ta’limi vaziri Hilola Umarova Fransiyada bo‘lib o‘tgan Xalqaro Frankofoniya tashkilotining 19-sammitida ishtirok etdi. Mazkur sammit doirasida vazir Hilola Umarova va Kokoro Lingua kompaniyasi asoschisi Natali Lasslet o‘rtasida uchrashuv bo‘lib o‘tdi.
O‘zbekiston Respublikasining Fransiyadagi elchixonasi ko‘magida tashkil etilgan ushbu uchrashuvda tomonlar O‘zbekistondagi maktabgacha ta’lim tashkilotlarida 5-6 yoshli bolalar uchun innovatsion Kokoro lingua platformasi yordamida bolalarga fransuz tilini o‘rgatish masalalarini muhokama qilishdi.
Muhokamalar yakunida kelgusi bir yil davomida 12 ta maktabgacha ta’lim tashkilotlarida bepul tarzda fransuz tilini o‘qitish bo‘yicha kelishuv imzolandi.
Ma’lumot uchun: Kokoro lingua - bolalar uchun til o‘rgatish bo‘yicha innovatsion xalqaro kompaniya hisoblanadi.
Uchrashuvlar davomida vazir Hilola Umarova France Education International tashkiloti Bosh direktori Olivye Brandui bilan ham uchrashdi.
Unda fransuz tomoni bilan O‘zbekistondagi fransuz tili o‘qituvchilarining malakasini oshirish va trener o‘qituvchilarini tayyorlash, o‘qituvchilar almashuv dasturini joriy qilish hamda O‘zbekistonda fransuz tili testlarini (DELF junior, DALF) joriy qilish masalalari yuzasidan kelishuvga erishildi.
Ma’lumot uchun: France Education International 1945-yilda tashkil topgan bo‘lib, tashkilotning asosiy faoliyat yo‘nalishlaridan biri til bo‘yicha sertifikatlash va testlar tuzishdan iborat.
Izohlar 1
Izoh qoldirish uchun ro'yxatdan o'ting!
Yangiliklar

Maktabdagi bo‘sh yerlar bog‘cha qurmoqchi bo'lgan tadbirkorlarga 30 yilga bepul foydalanishga beriladi

Malaka toifasiga qo‘shimcha haq to‘lanmagan CHQBT o‘qituvchisi sudda yutib chiqdi

Yana 4 nafar o'qituvchi vazirlikni sudga bergani uchun bosimga uchragani aytilmoqda

Xorijiy til o‘qituvchilariga B2 sertifikati uchun avgust oyida qo‘shimcha imtihon o‘tkaziladigan bo‘ldi
Mavzuga doir yangiliklar

Maktabdagi bo‘sh yerlar bog‘cha qurmoqchi bo'lgan tadbirkorlarga 30 yilga bepul foydalanishga beriladi
Maktablarning bo‘sh yerlarida xususiy sheriklik asosida bog‘cha qurishga ruxsat beriladi. Bunda tadbirkorlardan yer uchun ijara haqi 30 yil davomida undirilmaydi.

Maktabgacha va maktab ta’limi vazirligiga parlament so‘rovi yuborildi
Maktabgacha ta’lim agentligi direktori Agrippina Shinga parlament so‘rovi yuborildi

Issiq ob-havo sabab Qoraqalpog‘istondagi ayrim bog‘chalar yopiladi
Qoraqalpog‘iston Respublikasining Xo‘jayli tumani hokimining qarori bilan joriy yilning 16-18-iyul kunlari ob-havoning +40 darajadan yuqori bo‘lishi sababli tuman hududidagi barcha davlat maktabgacha ta’lim tashkilotlarining faoliyati vaqtincha to‘xtatiladi.

O‘zbekiston ilk bor Polsha Ta’lim vazirligi bilan hamkorlik aloqalarini yo‘lga qo‘ydi
Maktabgacha va maktab ta’limi vaziri Hilola Umarova Polsha Respublikasi Ta’lim vaziri Barbara Novaskaya bilan uchrashdi.
Izohingizni tahrirlang