Hokim Erkinjon Turdimov Ta’lim va ilm-fan vaziri etib tayinlandi
Surxandaryo viloyati hokimi Erkinjon Turdimov yangi tashkil etilgan O‘zbekiston Respublikasi Ta’lim va ilm-fan vazirligiga rahbar etib tayinlandi. Uning nomzodi Oliy Majlis Qonunchilik palatasi tomonidan Ta’lim va ilm-fan vaziri lavozimiga ma’qullandi hamda O‘zbekiston Respublikasi Prezidenti tomonidan mazkur lavozimga tayinlandi.
Yangi vazirning zimmasiga endilikda mamlakatdagi ta’lim tizimining barcha asosiy bo‘g‘inlarini — maktabgacha ta’limdan boshlab umumiy o‘rta, professional va oliy ta’limgacha, shuningdek, oliy ta’limdan keyingi ta’lim va ilm-fan yo‘nalishlarini yagona boshqaruv tizimi doirasida muvofiqlashtirish vazifasi yuklanadi.
Ta’lim va ilm-fan vazirligi 2026-yil 3-oktabrdagi Prezident farmoni bilan Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi negizida tashkil etilgandi. Endilikda esa Ta’lim va ilm-fan vaziri lavozimi Bosh vazirning birinchi o‘rinbosariga tenglashtirilmoqda.
Yangi vazirlik maktabgacha ta’lim va tarbiya, umumiy o‘rta va o‘rta maxsus ta’lim, kasbiy ta’lim, oliy ta’lim, oliy ta’limdan keyingi ta’lim, kadrlarni qayta tayyorlash va malakasini oshirish, shuningdek, qo‘shimcha va norasmiy ta’lim sohalarida yagona davlat siyosatini amalga oshiradi. Bu esa Erkinjon Turdimov uchun avvalgi hokimlik davridagi faoliyatidan ko‘lam jihatidan ancha kengroq.
Erkinjon Turdimov kim?
Erkinjon Oqbo‘tayevich Turdimov 1969-yil 10-iyulda Samarqand viloyatining Qo‘shrabot tumanida tug‘ilgan. U 1991-yilda Toshkent xalq xo‘jaligi institutini iqtisodchi mutaxassisligi bo‘yicha tamomlagan. “Mehnat shuhrati” ordeni va “Fidokorona xizmatlari uchun” ordeni bilan taqdirlangan.
Mehnat faoliyatini 1991-yilda «O‘zsanoatqurilishbank»ning Sirdaryo filialida bo‘lim bosh mutaxassisi sifatida boshlagan. Keyingi yillarda bank-moliya tizimida turli lavozimlarda ishlagan, 1995-yilda Zarafshon shahri hokimi o‘rinbosari bo‘lgan.
1996–2000-yillarda O‘zbekiston Milliy bankining Navoiy bo‘limida rahbarlik lavozimlarida faoliyat yuritgan. 2000–2008-yillarda Navoiy viloyatining Xatirchi tumani hokimi bo‘lib ishlagan.
2008-yilda qishloq va suv xo‘jaligi vazirining birinchi o‘rinbosari lavozimida faoliyat yuritgan. Shundan so‘ng Navoiy viloyatiga rahbarlik qilgan, 2016–2018-yillarda Surxondaryo viloyati hokimi bo‘lgan. 2018-yildan Samarqand viloyati hokimi sifatida faoliyat yuritgan.
2025-yildan Surxandaryo viloyati hokimi lavozimida ishlab kelayotgandi.
Комментарии 3
Для комментирования зарегистрируйтесь!
Новости
O‘zbekistond 12 yillik ta’lim tizimiga o‘tishning huquqiy asoslari belgilanmoqda
Maktablarda sport to‘garaklari faoliyati kengaytiriladi: iqtidorli o‘quvchilar “Sport akademiyasi” uchun saralanadi
Mahkuma ayollarning farzandlari uchun maxsus bog‘chalar tashkil etiladi
“Xususiy bog‘chalarning nomini o‘zbekchalashtirish kerak” — Sherzodxon Qudratxo‘ja
Тематические новости
Назночение
Toshkent shahar ta’lim va ilm-fan boshqarmasi boshlig‘i o‘zgardi
Raximov Madamin Umarovich Toshkent shahar ta’lim va ilm-fan boshqarmasi boshlig‘i lavozimiga tayinlandi. M.Raximov ko‘p yillar davomida ta’lim sohasida ishlagan.
Назночение
Ta’lim vazirligida matbuot xizmati rahbariyati yangilandi
Soliyev Doniyor Faxriddinovich Ta’lim va ilm-fan vazirligi Axborot xizmati va jamoatchilik bilan aloqalar boshqarmasi boshlig‘i lavozimiga tayinlandi.
Назночение
Prezident qarori bilan tashkil etilgan Psixologiya ilmiy-tadqiqot institutiga rahbar tayinlandi
Ta’lim va ilm-fan vazirining tegishli buyrug‘i bilan Muxtorova Aziza Erkinovna - Ta’lim va ilm-fan vazirligi huzuridagi Psixologiya ilmiy-tadqiqot instituti direktori lavozimiga tayinlandi. Tayinlovga qadar u faoliyati tugatilgan Psixologiya o‘quv-ilmiy markazi rahbari lavozimida ishlab kelayotgandi.
Назночение
Ta’lim va ilm-fan vaziriga o‘rinbosarlar tayinlandi
Erkinjon Turdimovdan ham avvalroq vazirlik qayta tashkil etilgan kunning o‘zida vazirning komplayens va korrupsiyaga qarshi ichki nazorat bo‘yicha o‘rinbosari tayinlangandi. Biroq, boshqa o‘rinbosarlar tayinlanmagandi. Bugun mazkur tayinlovlar amalga oshirildi.
Русский
Редактировать комментарий