Pedagog xodimlar yangi yil bayrami arafasida ketma-ket 5 kun, o‘quvchilar esa 14 kun dam oladi

Prezident “Yangi yil bayramini nishonlash davrida qo‘shimcha ishlanmaydigan kunni belgilash va dam olish kunini ko‘chirish to‘g‘risida” qarorni imzoladi.

2024-yil 24-dekabr kuni imzolangan qaror bilan, 2025-yilda 5 kunlik ish haftasida ishlaydigan xodimlar uchun dam olish kuni 4-yanvar – shanba kunidan 2-yanvar – payshanba kuniga ko‘chirildi. 6 kunlik ish haftasida ishlaydigan xodimlar uchun 2-yanvar – payshanba qo‘shimcha dam olish kuni etib belgilandi.

Dam olsih kunlari quyidagicha belgilandi:

28-dekabr, shanba — 6 kun ishlovchilar uchun odatiy ish kuni, 5 kun ishlovchilar uchun odatiy dam olish kuni;

• 29-dekabr, yakshanba — barcha uchun odatiy dam olish kuni;

• 30-dekabr, dushanba — 6 kun ishlovchilar uchun qo‘shimcha dam olish kuni, 5 kun ishlovchilar uchun 14-dekabr (shanba) kunidan ko‘chirilgan dam olish kuni;

• 31-dekabr, seshanba — barcha uchun qo‘shimcha dam olish kuni;

• 1-yanvar, chorshanba — Yangi yil bayrami;

• 2-yanvar, payshanba — 6 kun ishlovchilar uchun qo‘shimcha dam olish kuni, 5 kun ishlovchilar uchun 4-yanvar (shanba) kunidan ko‘chirilgan dam olish kuni etib belgilandi.

Maktab o‘quvchilari 14 kun dam oladi

Maktab o‘quvchilari uchun II chorakning so‘nggi kuni 29-dekabrdan boshlanib, 2025-yil 11-yanvarga qadar davom etadi.

Ta’til 14 kalendar kun, ya’ni 11-yanvargacha davom etadi. III chorak darslari esa 13-yanvar (shanba) kunidan boshlanadi.