O'zbek
Musiqa va jismoniy tarbiya fani o‘qituvchilariga yangi tartibda toifa berish tartibi qachondan boshlanadi?
Savol
Musiqa va jismoniy tarbiya fani o‘qituvchilari ikki bosqichda toifa olishi belgilanibdi. 1-bosqich MMTV, 2-bosqich Madaniyat hamda Sport vazirligi tomonidan o‘tkaziladigan bo‘libdi.
Endi savol: Ushbu ikki bosqichdagi yangi tizim kelasi o‘quv yilidan (2025-2026) amalga oshiriladimi yoki kelayotgan bahorgi attestatsiyadan o‘tishda amaliyotga kiritiladimi?
Aniqlik kiritishda yordam bersangiz. Sababi, biz shunga qarab tayyorgarlik ko‘ramiz-da, to‘satdan amaliyotga kiritilsa, attestatsiyadan o‘tish imkoni pastlab ketishi mumkin.
Javob
Joriy yilning 15-noyabr kuni O‘zbekiston Respublikasi Prezidenti tomonidan imzolangan “Umumiy o‘rta ta’lim maktablarida musiqa madaniyati fani o‘qitilishini tubdan takomillashtirish hamda ushbu fan o‘qituvchilarining kasbiy faoliyatini rivojlantirish chora-tadbirlari to‘g‘risida”gi PQ-391-sonli qarori imzolandi.
Qarorga ko‘ra, endilikda musiqa madaniyati fani o‘qituvchilariga ikki bosqichda toifa berish tartibi ishlab chiqilib, birinchi bosqich (test jarayonlari) Maktabgacha va maktab ta’limi vazirligi tomonidan, ikkinchi bosqich (amaliy (ijodiy) imtihon Madaniyat vazirligi tomonidan tashkil etilishi belgilandi.
Jismoniy tarbiya fani o‘qituvchilariga toifa berishning yangi, ikki bosqichli tartibiga ko‘ra, birinchi bosqich (test jarayonlari) Maktabgacha va maktab ta’limi vazirligi tomonidan, ikkinchi bosqich (amaliy imtihon) esa Sport vazirligi tomonidan tashkil etilishi rejalashtirilmoqda.
Endi ushbu tartibning qachon joriy etilishiga to‘xtaladigan bo‘lsak, Prezidentning PQ-391-sonli qarorining 5-bandida tegishli vazirliklarga uch oy muddatda musiqa madaniyati fani o‘qituvchilariga malaka toifalarini berish tartibini ishlab chiqish vazifasi qo‘yilgan.
Demak, yangi tartib fevral oyida to‘liq ishlab chiqiladigan bo‘lsa, amaliyotga bahorgi attestatsiyadan boshlab joriy qilinishi ham mumkin.
Ammo mazkur tartib joriy qilinishi uchun Vazirlar Mahkamasining 2021-yil 17-sentyabrdagi 572-son qaroriga ham qo‘shimcha va o‘zgartirishlar kiritish kerak bo‘ladi.
Hujjatga fevral oyida o‘zgartirishlar kiritilgan taqdirda ham yangi tartib bahorgi attestatsiyada ishtirok etadigan pedagoglarga nisbatan tatbiq qilinmasligi mumkin.
Chunki, joriy yilning 6-yanvar kunidan boshlab yanvar-iyun oylarida o‘tkaziladigan malaka test sinovlarida ishtirok etish uchun ro‘yxatdan o‘tish va murojaat yuborish boshlangan. Amaldagi tartib bo‘yicha hujjat topshirgan pedagoglar esa yangi tartibda attestatsiyadan o‘tkazilmaydi.
Eng aniq xulosalar va yangi tartibning qachondan boshlab joriy etilishi hamda kimlarga nisbatan tatbiq etilishi haqidagi aniq ma’lumotlar Vazirlar Mahkamasining 2021-yil 17-sentyabrdagi 572-son qaroriga kiritilgan o‘zgarishlarda ko‘rsatib o‘tiladi.
Izohlar 0
Izoh qoldirish uchun ro'yxatdan o'ting!
Yangiliklar
Yangi Ta’lim va ilm-fan vazirligining vazifalari va tashkiliy tuzilmasi bir hafta ichida belgilanadi
Maktabgacha va maktab ta’limi vaziri o‘rinbosari lavozimlaridan biri tugatildi
14 yoshgacha bo‘lgan bolalarga nisbatan jinsiy jinoyatlar uchun umrbod ozodlikdan mahrum qilish jazosi belgilandi
Kelasi o‘quv yilidan bog‘cha tarbiyachilari uchun oliygohda o‘qish muddati to‘rt yildan uch yilga qisqartiriladi
Mavzuga doir yangiliklar
Bilasizmi?
Kuzgi pedagog kadrlar attestatsiyasi qay tartibda o‘tkaziladi?
Pedagoglar uchun attestatsiya jarayoni qanday tashkil etiladi? Test sinovida nechta va qanday topshiriqlar beriladi, har bir bosqichda pedagoglar qanday baholanadi, testga nimalarni olib kirish mumkin emas, test natijalaridan norozi bo‘lgan pedagog qanday tartibda apellyatsiya berishi mumkin? Quyida pedagoglar uchun eng muhim jihatlarni tushuntiramiz.
Bilasizmi?
Attestatsiyaga ariza yuborish yakunlanishiga 5 kun qoldi
Xabaringiz bor, 2026-yil 1-avgustdan malaka test sinovlarida ishtirok etish uchun ro‘yxatdan o‘tish va murojaat yuborish boshlangan bo‘lib, murojaat yuborish 2026-yil 1-oktabrga qadar davom etadi.
Yangiliklar
Vazirlik attestatsiya testlarini yana pullashni boshladimi?
Ayni paytda esa sinov.uz platformasida attestatsiyaga tayyorgarlik uchun mo‘ljallangan testlar yana 25 ming so‘mdan sotuvga qo‘yilgan. Platformada turli fanlar bo‘yicha attestatsiyaga tayyorgarlik testlari mavjud.
Yangiliklar
Pedagoglarni attestatsiyadan o‘tkazish maqsadida noqonuniy sxema tuzgan shaxslarga sud hukmi o‘qildi
Avvalroq, pedagog xodimlarni attestatsiya hamda kasbiy sertifikatlashdan o‘tkazib qo‘yish maqsadida amalga oshirilgan bir qancha noqonuniy harakatlar fosh bo‘lgani haqida xabar bergadik. Mazkur shaxslarga nisbatan Jinoyat Kodeksining 210-moddasi 2-qismi “g” bandi bilan jinoyat ishi qo‘zg‘atilib, tergov harakatlari boshlangandi.
Izohingizni tahrirlang