O'zbek
Attestatsiyada 86 ball olgan barcha pedagoglarga 70 fozilik ustama avtomatik tarzda tayinlanadimi?
Savol
Men 2022-yilda matematikadan oliy toifaga 87.5 ball bilan o‘tganman. Toifa muddatim esa 2027-yil tugaydi. 2025-yildan boshlab 86 baldan yuqori to‘plagan pedagoglarga 70 foiz ustama tayinlansa, menga ham 70 foizlik ustama avtomatik tarzda to‘lash boshlanadimi?
Javob
Xalqaro standartlar asosida malaka sertifikatiga ega bo‘lgan pedagoglarga 70 foizlik ustama berish tizimi yo‘lga qo‘yilmoqda. Hozirda Maktabgacha va maktab ta’limi vazirligi xalqaro tashkilotlar bilan hamkorlik ishlarini boshlangan.
Tizim xalqaro akkreditatsiyadan o‘tganidan keyin ushbu talablar asosida 86 ballik natija bilan malaka sertifikatini olgan pedagoglar 70 foizlik ustama olishi kutilmoqda.
Xalqaro standartlar asosida malaka sertifikatiga ega bo‘lgan pedagoglarga 70 foizlik ustama to‘lash tartibi hali to‘liq ishlab chiqilmagan va bu jarayon qanday amalga oshirilishi bo‘yicha batafsil ma’lumotlar ochiqlanmagan.
Ammo Maktabgacha va maktab ta’limi vazirligi Pedagog kadrlarga malaka toifalarini berish jarayonini tashkil etish boshqarmasi boshlig‘i Sardor Raximboyevning xalqtaliminfo.uz'ga bergan intervyusida 70 foizlik ustama uchun test topshirish masalasiga ham to‘xtalib o‘tgandi.
Unda o‘qituvchi buning uchun attestatsiya test sinovida albatta qatnashishi kerakligi ta’kidlangandi. Attestatsiyadan ozod qilinganlar, toifa muddati tugamagan pedagoglar navbatdan tashqari attestatsiyada ishtirok etishlari kerak bo‘ladi.
Shuningdek, xalqaro yoki milliy sertifikatga ega bo‘lgan pedagoglar ham 70 foizlik ustamani olish uchun navbatdan tashqari attestatsiyada qatnashishlari lozim.
Yuqoridagi savolga javob sifatida aytadigan bo‘lsak, pedagoglarga 70 foizlik ustama berish tartibi kuchga kirgan taqdirda ham, avvalroq attestatsiya test sinovlarida qatnashib, 86 va undan yuqori natijani qayd etgan o‘qituvchilarga avtomatik ravishda 70 foizlik ustama tayinlanmaydi.
Yuqorida ta’kidlab o‘tganimizdek, 70 foizlik ustama berish tartibi kuchga kirganidan so‘ng, o‘qituvchilar bu ustamaga ega bo‘lish uchun qayta attestatsiyada ishtirok etishlari kerak bo‘ladi. (Yangi tartib kuchga kirganidan so‘ng navbatdagi attestatsiyada ishtirok etadigan pedagoglar bundan mustasno.)
Ma’lumot uchun: Mazkur mavzuga oid ko‘plab yangiliklar tez orada xalqtaliminfo.uz'da e’lon qilinishi kutilmoqda. Bizni kuzatib boring.
Izohlar 3
Izoh qoldirish uchun ro'yxatdan o'ting!
Yangiliklar
Hokim Erkinjon Turdimov Ta’lim va ilm-fan vaziri etib tayinlandi
Maktab farroshligi uchun 1500$, bog‘cha tarbiyachiligi uchun 500$ olgan direktorlarga ozodlikni cheklash jazosi tayinlandi
Ta’lim tizimidagi takrorlanuvchi vazifalar qisqartiriladi, hududiy bo‘g‘inlar mas’uliyati kuchaytiriladi
Yangi Ta’lim va ilm-fan vazirligining vazifalari va tashkiliy tuzilmasi bir hafta ichida belgilanadi
Mavzuga doir yangiliklar
Bilasizmi?
Pedagog xodimlarga beriladigan qanday ustama turlari bor?
Ma’lumki, umumiy o‘rta ta’lim maktabi pedagog xodimlarining erishgan natijasiga qarab, ularga turli xil ustamalar belgilanadi. Bugungi maqolamizda mazkur ustamalarning ayrim turlari haqida ma’lumot berib o‘tamiz.
Yangiliklar
O‘qituvchilarga 100 va 30 foizlik ustamalar beriladigan tizim yo‘lga qo‘yiladi
Yangi o‘quv yilidan boshlab umumiy o‘rta ta’lim maktablarida “sifat indeksi” tizimi joriy qilinadi. Bunda Maktablar pedagogik jamoaning salohiyati hamda o‘quvchilarning ta’lim va tarbiyadagi natijalariga qarab toifalarga ajratiladi.
Yangiliklar
2026-2027-o‘quv yilida 40 foizgacha ustama oladigan maktablar ro‘yxati tasdiqlandi
2026-yil 23-sentabr kuni Maktabgacha va maktab ta’limi vazirrining 359-sonli buyrug‘i bilan rahbar va pedagog kadrlarga ustama toʻlanadigan 601 ta umumiy oʻrta taʼlim maktablari ro‘yxati tasdiqlandi.
Bilasizmi?
Kuzgi pedagog kadrlar attestatsiyasi qay tartibda o‘tkaziladi?
Pedagoglar uchun attestatsiya jarayoni qanday tashkil etiladi? Test sinovida nechta va qanday topshiriqlar beriladi, har bir bosqichda pedagoglar qanday baholanadi, testga nimalarni olib kirish mumkin emas, test natijalaridan norozi bo‘lgan pedagog qanday tartibda apellyatsiya berishi mumkin? Quyida pedagoglar uchun eng muhim jihatlarni tushuntiramiz.
Izohingizni tahrirlang