O‘tgan yili vazir ustamasiga tavsiya qilingan o‘qituvchining nomzodi bu yil ham berilishi mumkinmi?

Savol

Maktabimizdagi bitta o‘qituvchi vazir ustamasi bo‘yicha o‘tgan yili testda qatnashib, kerakli ballni to‘play olmasdan o‘tolmagan. Ikkinchi o‘qituvchi kerakli ballni to‘plab vazir ustamasini olib kelyapti. 

Maktab O‘IBDO‘ lari yana bu yil ham shu ikkala o‘qituvchining nomzodini shahar MMT bo‘limiga beribdi. Savol: O‘zi nizom bo‘yicha o‘qituvchilar necha yilda bir marta vazir ustamasiga tavsiya qilinishi kerak?

Javob

Vazirlar Mahkamasining 2022-yil 2-avgustdagi 425-son qarori bilan tasdiqlangan “Vazir jamg‘armasi to‘g‘risida”gi nizomga ko‘ra, Maktabgacha va maktab ta’limi vazirligi har oylik vazir ustamasi to‘lanadigan malakali pedagog kadrlarning respublika bo‘yicha cheklangan sonini belgilaydi.

Kvotalar tasdiqlangach, 30 kun ichida har bitta yo‘nalish bo‘yicha tegishli tuman (shahar) uchun belgilangan kvotaga nisbatan uch baravar ko‘p nomzodlar ro‘yxati Maktabgacha va maktab ta’limi vazirligi (Ishchi guruh)ga taqdim etiladi.

Bunda pedagog xodimlarning nomzodi necha marotaba vazir ustamasiga tavsiya etilgani ahamiyatga ega emas.

Ya’ni, har yili vazir ustamasini olib kelayotgan pedagog xodimlar ham, nomzodi tavsiya qilinib, ustama ololmay qolgan pedagoglar ham bu yilgi vazir ustamasiga nomzod sifatida ko‘rsatilishi mumkin.