O'zbek
Yil o‘rtasida o‘qituvchining ustama foizini kamaytirish to‘g‘rimi?
Savol
O‘tgan yili menga 823-qaror bo‘yicha direktor jamg‘armasidan 20% ustama belgilandi, 2025-yil yanvar oyida esa ustamaning 10 foizi asossiz olib tashlandi. Sababini so‘rasam, moliyadan, yuqoridan shunday topshiriq bor degan bahonalarni eshitdim, xolos. Bu qanchalik asosli?
Javob
Pedagog xodimlarga direktor jamg‘armasi hisobidan ustama tayinlash Vazirlar Mahkamasining 2019-yil 30-sentyabrdagi 823-son qarori bilan tasdiqlangan “Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risidagi” nizom bilan tartibga solinadi.
Nizomning 21-bandiga ko‘ra umumta’lim muassasalari pedagog xodimlarining bazaviy tarif stavkalariga Jamg‘arma hisobidan har oylik ustamalar yangi o‘quv yili uchun o‘tgan o‘quv yili yakunlari bo‘yicha belgilanadi.
Ya’ni, ustama miqdorini belgilashda o‘qituvchining o‘tgan o‘quv yilidagi natijalari inobatga olinadi. Bunda yilning o‘rtasiga kelib, xohlagan mas’ul pedagoglarga tayinlangan ustamalar foizini kamaytirish bo‘yicha ko‘rsatma berishga haqli emas.
Shuningdek, nizomning 9-bandiga ko‘ra hududiy maktabgacha va maktab ta’limi boshqarmalari ta’lim muassasalarida tuzilgan ishchi guruhining faoliyatiga hamda ular qabul qiladigan qarorlarga aralashishga yo‘l qo‘yilmaydi.
Agar mazkur topshiriq Maktabgacha va maktab ta’limi vazirligi tomonidan berilgan bo‘lgan taqdirda ham, bu noqonuniy ko‘rsatma hisoblanadi.
Chunki, o‘qituvchiga direktor jamg‘armasi hisobidan berilgan ustama foizining o‘zboshimchalik bilan kamaytirilishi, ayniqsa bu o‘quv yili boshida belgilangan va o‘qituvchining oldingi yildagi mehnat natijalari asosida belgilangan bo‘lsa, amaldagi normativ hujjatlarga zid hisoblanadi.
Shuning uchun ham pedagog xodimga tayinlangan ustama foizlarini kamaytirish mumkin emas. Bunda yuqori turuvchi tashkilotlarning bevosita aralashuvi noqonuniy sanaladi.
Shu bois, bunday holatlarda o‘qituvchilar o‘z huquqlarini himoya qilish uchun Adliya vazirligining hududiy bo‘linmalariga yoki O‘zbekiston ta’lim va fan xodimlari kasaba uyushmasi Respublika kengashiga murojaat qilishlari tavsiya qilinadi.
Izohlar 6
Izoh qoldirish uchun ro'yxatdan o'ting!
Yangiliklar
Maktabgacha va maktab ta’limi vaziri o‘rinbosari lavozimlaridan biri tugatildi
14 yoshgacha bo‘lgan bolalarga nisbatan jinsiy jinoyatlar uchun umrbod ozodlikdan mahrum qilish jazosi belgilandi
Kelasi o‘quv yilidan bog‘cha tarbiyachilari uchun oliygohda o‘qish muddati to‘rt yildan uch yilga qisqartiriladi
O‘qituvchilarga 100 va 30 foizlik ustamalar beriladigan tizim yo‘lga qo‘yiladi
Mavzuga doir yangiliklar
Bilasizmi?
Pedagog xodimlarga beriladigan qanday ustama turlari bor?
Ma’lumki, umumiy o‘rta ta’lim maktabi pedagog xodimlarining erishgan natijasiga qarab, ularga turli xil ustamalar belgilanadi. Bugungi maqolamizda mazkur ustamalarning ayrim turlari haqida ma’lumot berib o‘tamiz.
Yangiliklar
O‘qituvchilarga 100 va 30 foizlik ustamalar beriladigan tizim yo‘lga qo‘yiladi
Yangi o‘quv yilidan boshlab umumiy o‘rta ta’lim maktablarida “sifat indeksi” tizimi joriy qilinadi. Bunda Maktablar pedagogik jamoaning salohiyati hamda o‘quvchilarning ta’lim va tarbiyadagi natijalariga qarab toifalarga ajratiladi.
Yangiliklar
2026-2027-o‘quv yilida 40 foizgacha ustama oladigan maktablar ro‘yxati tasdiqlandi
2026-yil 23-sentabr kuni Maktabgacha va maktab ta’limi vazirrining 359-sonli buyrug‘i bilan rahbar va pedagog kadrlarga ustama toʻlanadigan 601 ta umumiy oʻrta taʼlim maktablari ro‘yxati tasdiqlandi.
So'ragan edingiz
O‘qituvchi ta’tilda bo‘lgan davri uchun ham sertifikat uchun ustama to‘lab beriladimi?
Mehnat kodeksining 233-moddasiga muvofiq har yilgi mehnat ta’tilida bo‘lgan vaqti uchun xodimga ushbu Kodeksning 257-moddasiga muvofiq hisoblab chiqariladigan o‘rtacha ish haqining saqlanishi kafolatlanadi.
Izohingizni tahrirlang