Kuzgi attestatsiyadan o‘tolmagan o‘rta maxsus ma’lumotli o‘qituvchilar ishdan bo‘shatiladimi?

Savol
O‘rta maxsus ma’lumotli o‘qituvchiman. Direktorimiz kuzgi attestatsiyada qatnashishim kerakligi, agar unda yetarli ball to‘play olmasam, ishdan bo‘shatilishim haqida ogohlantirish berdi.
O‘rta maxsus ma’lumotli o‘qituvchilarga attestatsiyada faqat bir marta imkoniyat beriladi, xolosmi?
Javob
2025/2026 o‘quv yilidan boshlab, birinchi marotaba oliy ma’lumotga ega bo‘lmagan pedagoglarni attestatsiyadan o‘tkazish jarayonlari boshlanadi.
unda attestatsiya test sinovlariga jalb qilingan oliy ma’lumotga ega bo‘lmagan pedagog kadrlarga malaka toifalari berilmaydi, bunda ular lavozimini saqlab qolishlari kerak bo‘ladi.
Ya’ni, oliy ma’lumotga ega bo‘lmagan pedagog kadrlar:
- 55 ball va undan yuqori ko‘rsatkichga ega bo‘lsa — attestatsiyadan o‘tgan, lavozimi saqlangan;
- 55 balldan kam ko‘rsatkichga ega bo‘lsa — attestatsiyadan o‘tmagan, o‘qituvchi lavozimiga muvofiq emas, deb hisoblanadi.
Oliy ma’lumotga ega bo‘lmagan pedagog kadrlar navbatdagi majburiy attestatsiyadan o‘ta olmagan taqdirda, ish beruvchi xodimning malakasi yetarli bo‘lmaganligi sababli u bilan tuzilgan mehnat shartnomasini mehnat to‘g‘risidagi qonunchilik hujjatlarida belgilangan tartibda bekor qilish huquqiga ega bo‘ladi.
Ya’ni, bu vaziyatda attestatsiyadan o‘ta olmagan o‘rta maxsus ma’lumotli o‘qituvchini ishdan bo‘shatish yoki bo‘shatmaslik maktab direktorining ixtiyorida bo‘lib, birinchi attestatsiya jarayonida ularning ishda qolish yoki qolmasligini direktor hal qiladi.
Maktab direktori mehnat shartnomasini bekor qilmagan taqdirda, navbatdagi majburiy attestatsiyadan o‘ta olmagan oliy ma’lumotga ega bo‘lmagan pedagog kadr navbatdan tashqari attestatsiyaga ko‘pi bilan ketma-ket ikki marta jalb etiladi.
Bunda ikki martadan birortasida ham navbatdan tashqari attestatsiyadan o‘ta olmagan yoki uzrli sababsiz (kasallikka chalinishi oqibatida mehnatga qobiliyatsizlik davrida hamda davlat yoki jamoat vazifalarini bajarganligidan tashqari hollarda) attestatsiyada ishtirok etmagan pedagog kadr bilan tuzilgan mehnat shartnomasi mehnat to‘g‘risidagi qonunchilik hujjatlarida belgilangan tartibda xodimning malakasi yetarli bo‘lmaganligi sababli bekor qilinadi.
Attestatsiyadan o‘ta olmagan oliy ma’lumotga ega bo‘lmagan pedagog kadrlarni ketma-ket ikki marta navbatdan tashqari attestatsiyaga jalb etishga pedagog kadr faoliyat ko‘rsatayotgan ta’lim tashkilotining rahbari shaxsan javobgar hisoblanadi.
Attestatsiyadan o‘ta olmaganligi sababli mehnat to‘g‘risidagi qonunchilik hujjatlarida belgilangan tartibda pedagoglarning mehnat shartnomasi (xodimning malakasi yetarli bo‘lmaganligi sababli) bekor qilingan taqdirda, pedagog kadr faqat o‘z xohishi bilan navbatdan tashqari Kasbiy sertifikatlash sinovida ishtirok etib, sertifikatni qo‘lga kiritgan holdagina, yana pedagog sifatida ishga qabul qilinishi mumkin bo‘ladi.
Izohlar 11
Izoh qoldirish uchun ro'yxatdan o'ting!
Yangiliklar

“Birinchi qo‘ng‘iroq” va “Mustaqillik dars”larini tashkil etish bo‘yicha vazirlik ko‘rsatma berdi

Attestatsiyadan norozi bo‘lgan o‘qituvchilar ishi sudda ko‘rib chiqildi

Endi har dushanba “Kelajak soati” darslari o‘tiladi

Maktabgacha va maktab ta’limi vazirligi huzuridagi oliygohlarga rektorlar tayinlandi
Mavzuga doir yangiliklar

Bu yil 202 ming nafardan ortiq pedagoglar attestatsiyada ishtirok etadi
Attestatsiyaga 243 ming 541 nafar pedagoglar onlayn ariza topshirib, ularning 202 ming nafardan ortig‘i ishtirok etishi kutilmoqda.

Attestatsiyadan norozi bo‘lgan o‘qituvchilar ishi sudda ko‘rib chiqildi
Da’vogarning aytishicha, ular imtihon jarayonida test savollarni ishlab bo‘lganidan so‘ng qaysi savolga to‘g‘ri yoki noto‘g‘ri javob berganini bila olmagan, shuningdek ularga yetarli sharoitlar yaratib berilmagan.

Yana 4 nafar o'qituvchi vazirlikni sudga bergani uchun bosimga uchragani aytilmoqda
Mazkur sud ishi bo‘yicha da’vo arizasi kiritgan pedagoglardan ularga nisbatan jiddiy bosim bo‘lgani haqida xalqtaliminfo.uz’ga murojaat kelib tushdi.

Vazirlikni sudga bergan o‘qituvchilarga bosim bo‘lgani aytilmoqda, ular da’vo arizasini qaytarib olmoqchi
5 nafar o‘qituvchilarning 2 nafari bosim tufayli da’vo arizasini qaytarib olgan, qolgan 3 nafari ham turli xil bosimlarga uchragani sababli, sudga kiritgan da’vo arizalarini qaytarib olish istagida ekanligi aytilmoqda.
Izohingizni tahrirlang