O'zbek
2025-yilgi attestatsiyada 60 foizdan ortiq o‘qituvchi o‘tolmagani ma’lum bo‘ldi
Maktabgacha va maktab ta’limi vazirligi joriy yilgi malaka toifasi test sinovlariga oid statistikani e’lon qildi. Ma’lum bo‘lishicha, joriy yilda ikki marotaba o‘tkazilgan test sinovlarida 64,4 foiz o‘qituvchilar yetarli natija qayd etolmagan.
2025-yilda ikki marta (bahor va kuz oylarida) pedagoglar ishtirokida o‘tkazilgan malaka toifa sinovlarida 353 604 nafar pedagog qatnashgan bo‘lsa, ularning 22 311 nafariga oliy, 43 445 nafariga birinchi, 60 055 nafariga ikkinchi, 13 371 nafariga mutaxassis malaka toifasi berilgan.
Buning natijasida umumiy hisobda 125 811 nafar malaka toifasini saqlagan va oshirgan pedagoglarga tegishli malaka toifa sertifikatlari berilgan. Bunda 227 793 nafar pedagoglar attestatsiyadan o‘tolmagan.
6 553 nafar pedagoglarga to‘g‘ridan-to‘g‘ri, ya’ni attestatsiyadan o‘tkazilmasdan malaka toifa sertifikatlari berildi. Tegishli milliy va xalqaro tan olingan sertifikatlarga ega 48 ming 600 nafarga yaqin pedagoglarga belgilangan tartibda ustama to‘landi.
Ma’lumot uchun: Joriy yilgi attestatsiya test sinovlari o‘qituvchilar orasida yanada katta norozilikka sabab bo‘lgandi. Xususan, attestatsiyadan norozi o‘qituvchilar tomonidan Maktabgacha va maktab ta’limi vazirligi bir necha bor sudga berildi. Bo‘lib o‘tgan sud ishlarida esa vazirlik foydasiga qaror chiqarilgan.
Shuningdek, 2025-yildan boshlab hukumatning 2025-yil 26-noyabrdagi VM-740-sonli qarori bilan attestatsiya bo‘yicha apellyatsiyada o‘qituvchilar ishtiroki rasman cheklandi.
Izohlar 0
Izoh qoldirish uchun ro'yxatdan o'ting!
Yangiliklar
Ertadan boshlab maktab maslahatchisi lavozimi uchun suhbat jarayonlari boshlanadi
Yangi o‘quv yilidan Navoiyda sun’iy intellektga ixtisoslashgan sinflar ochilishi mumkin
Ba’zi bolalar 12 yillik ta’limda, ba’zilari 11 yillik ta’limda o‘qiydimi?
Samarqandda noqonuniy diniy ta’lim berish holati aniqlandi
Mavzuga doir yangiliklar
Yangiliklar
Pedagoglar attestatsiyasi bilan bog‘liq mojaro xorijga ham yetib bordi
Attestatsiya natijalaridan norozi bo‘lgan o‘zbekistonlik o‘qituvchilar bilan bog‘liq mojaro xorijga ham yetib bordi. Maktab darsligidagi tarixiy xatolik va shu xato fakt asosida tuzilgan attestatsiya testi ortidan AQShning Pensilvaniya universiteti tarixchi-pedagogi, shuningdek, ispaniyalik olimlar hamda bir qator xorijiy ommaviy axborot vositalari ham mazkur masalani muhokama qila boshladi.
Yangiliklar
“O‘qituvchilarni attestatsiyadan o‘tkazish tartibi qayta ko‘rib chiqiladi” — Qozog‘iston ta’lim vaziri
Qozog‘istonlik o‘qituvchilar ommaviy ravishda attestatsiya natijalaridan norozi bo‘lganidan so‘ng, ta’lim vaziri xato va kamchiliklarni tan oldi.
Attestatsiya
Attestatsiyada o‘qituvchilar huquqi cheklanishi bu qulaylikmi?
Maktabgacha va maktab ta’limi vazirligi attestatsiyadagi o‘zgarishlarni aslida o‘qituvchilarga qulaylik yaratish maqsadida amalga oshirilganini ma’lum qildi.
Yangiliklar
Attestatsiya bo'yicha apellyatsiyada o‘qituvchilar ishtiroki rasman cheklandi
Endilikda apellyatsiya shikoyatlari o‘qituvchilar ishtiroksiz ko‘rib chiqiladi. Mazkur tartib hukumatning 2025-yil 26-noyabrdagi VM-740-sonli qarori bilan bekor qilindi.
Izohingizni tahrirlang