Top.Mail.Ru
Ustama uchun ball berishda o‘qituvchining ish staji qanday hisoblanadi?
uz O'zbek
ru O'zbek ru Русский ru English

chiqish

Ustama uchun ball berishda o‘qituvchining ish staji qanday hisoblanadi?

23:00 / 27.05.2024 13.92k
Savol
Men asli “Nemis tili va adabiyoti” yo‘nalishini tamomlaganman. 2010-yildan boshlab shu sohada ishladim. 2019-yildan esa qayta tayyorlovdan o‘tib, boshlang‘ich sinf o‘qituvchisi sifatida ishlab kelyapman.

Ustama uchun hujjat topshirsam, direktorimiz faqat boshlang‘ichda ishlagan yillaringiz hisobga olinadi deyapti. Boshlang‘ichda ishlaganimga endi 5 yil bo‘libdi, qolgan ish stajim qo‘shilmas emish. Shuni qonuniy asoslab berolasizmi?

Javob
Vazirlar Mahkamasining 2019-yil 30-sentabrdagi 823-son qarori bilan tasdiqlangan Nizomga 1-ilova, pedagog, psixolog va kutubxona xodimlarining faoliyatini baholash mezonining 5-ko‘rsatgichida o‘qituvchining pedagogik ish stajiga qarab ballar berilishi nazarda tutilgan.

Bunda pedagog xodim ish stajiga qarab quyidagicha baholanadi:

  • pedagogik ish staji 1 yildan 5 yilgacha bo‘lsa – 4 ball;

  • pedagogik ish staji 5 yildan 10 yilgacha bo‘lsa – 7 ball;

  • pedagogik ish staji 10 yil va undan yuqori bo‘lsa – 10 ball beriladi.

Bunda o‘qituvchining pedagogik ish staji mehnat daftarchasiga qarab aniqlanib, uning barcha pedagogik ish staji hisobga olinishi lozim. Sababi, nizomda boshqacha qoidalar nazarda tutilmagan.

Ya’ni, o‘qituvchining pedagogik ish staji sifatida nafaqat umumta’lim muassasasidagi barcha faoliyat davri, balki ta’limning barcha bo‘g‘inlaridagi (maktabgacha ta’lim, oliy ta’lim) ish staji ham inobatga olinadi.

Xulosa o‘rnida aytadigan bo‘lsak, sizning 2010-yildan boshlab shu kungacha bo‘lgan barcha ish stajingiz inobatga olinib, sizga maksimal 10 ball berilishi lozim deb hisoblaymiz.

Ustamalar mavzusiga oid boshqa ma’lumotlar bilan tanishish uchun Maktabgacha va maktab ta’limi vazirligi mas’ul xodimi Laziz Xo‘jaqulov bilan bo‘lib o‘tgan suhbatni tomosha qilishni tavsiya qilamiz.

Izohlar 2

Izohingizni tahrirlang

Ko'proq ko'rish
Izoh qoldirish uchun ro'yxatdan o'ting!

Maqola muallifi

Ulug'bek Po'latov

Ulug'bek Po'latov

Loyiha asoschisi

Teglar

  • mehnat staji
  • ustama

Ulashish

line

Ijtimoiy tarmoqlar

Telegram You Tube Facebook Twitter
line

Yangiliklar

Barchasi
Vazir attestatsiyadan norozi bo‘lgan bir guruh o‘qituvchilarga duch keldi
07:50 / 23.04.2026

Vazir attestatsiyadan norozi bo‘lgan bir guruh o‘qituvchilarga duch keldi

Jismoniy tarbiya fani o‘qituvchilari Prezident administratsiyasi va Sport vazirligiga murojaat yo‘lladi
13:20 / 20.04.2026

Jismoniy tarbiya fani o‘qituvchilari Prezident administratsiyasi va Sport vazirligiga murojaat yo‘lladi

O‘qituvchilar uchun attestatsiya to‘lovi 50 foizga arzonlashdi
09:20 / 18.04.2026

O‘qituvchilar uchun attestatsiya to‘lovi 50 foizga arzonlashdi

Vazir E’zoza Karimova va uning xodimlari oqqon va saratonga chalingan bolalar chizgan rasmlarni yuqori narxda sotib oldi
20:00 / 13.04.2026

Vazir E’zoza Karimova va uning xodimlari oqqon va saratonga chalingan bolalar chizgan rasmlarni yuqori narxda sotib oldi

line

Mavzuga doir yangiliklar

So'ragan edingiz

Ish tajribasi boshqa maktabda ommalashtirilgan o‘qituvchiga ustama uchun ball bersa bo‘ladimi?

O‘qituvchining ish tajribasi maktabda ommalashgan bo‘lib, ish joyini boshqa maktabga ko‘chirsa, ustama uchun shu maktabdan ball bersa bo‘ladimi?

22:30 / 23.06.2024
Yangiliklar

O‘qituvchilarga ustama tayinlashga qanday tadbir va olimpiadalar uchun ball berilishi aniq bo‘ldi

2026-2027-o‘quv yili uchun umumta’lim muassasalaridagi o‘qituvchilarning bazaviy tarif stavkalariga har oylik ustamalar belgilashda inobatga olishga tavsiya etilgan fan olimpiadalari, ko‘rik tanlovlar, musobaqalar va tadbirlar ro‘yxati tasdiqlandi.

00:01 / 15.02.2026
So'ragan edingiz

Ikki yil avval malaka oshirgan o‘qituvchiga yangi o‘quv yiliga ustama uchun ball beriladimi?

2024-yilda malaka oshirgan pedagog xodim keyingi besh yil ichida ish beruvchi tomonidan majburiy tarzda malaka oshirishga yuborilishi lozim. Ana shu muddatga qadar esa uning 2024-yilda malaka oshirgani haqidagi sertifikati o‘z kuchida bo‘ladi.

23:22 / 28.01.2026
So'ragan edingiz

Boshlang‘ich sinf o‘qituvchilariga 70% ustama to‘liq to‘lanmaydimi?

70 foizlik ustama ularning tarif stavkalarining amaldagi miqdorlariga nisbatan qo‘shimcha ravishda to‘lab berilishi kerak bo‘ladi.

14:30 / 24.01.2026