2025-yilda ta’lim uchun davlat budjetidan ajratiladigan mablag‘lar 20 foizga oshiriladi

Bugun Prezident Shavkat Mirziyoyev huzurida joriy yilda iqtisodiyotda kutilayotgan natijalar va 2025-yil uchun mo‘ljallangan asosiy makroiqtisodiy ko‘rsatkichlar muhokamasi yuzasidan yig‘ilish bo‘lib o‘tdi.
Unda 2025-yilga mo‘ljallangan iqtisodiy rejalar ham ko‘rib chiqilib, 2025-yilgi Davlat budjeti loyihasining asosiy yo‘nalishlari belgilab olindi.
Yig‘ilishda ijtimoiy davlat tamoyilidan kelib chiqib, ta’limga ajratilayotgan mablag‘larni 20 foizga ko‘paytirish ta’kidlandi.
Ma’lumki, 2024-yilda Maktabgacha va maktab ta’limi vazirligiga 47 trln so‘mga yaqin mablag‘ ajratilgan. Bunda MMTV davlat byudjetidan mablag‘ ajratilishi bo‘yicha boshqa vazirlik va idoralar orasida ikkinchi o‘rinni egallagan. (Birinchi o‘rinda Iqitisodiyot va moliya vazirligi — 92 trln)
2024-yilda maktabgacha va maktab ta’limi uchun byudjet mablag‘lari quyidagi yo‘nalishlarga taqsimlangan
- Rivojlantirish dasturlari uchun — 5 trln 449 mlrd 152 mln;
- Maktab darsliklarini yangilash uchun 1 trln 511 mlrd;
- Ta’lim sohasidagi islohotlarga ko‘maklashish jamg‘armasiga — 250 mlrd;
- Vazir jamg‘armasiga — 100 mlrd;
- Xorazm viloyati boshlang‘ich sinf o‘quvchilarini planshetlar bilan ta’minlash uchun — 63 mlrd 636 mln;
- Vazirlik tizimidagi muassasalarni sport jihozlari bilan ta’minlash uchun — 62 mlrd 79 mln;
- Maktablarni milliy cholg‘u asboblari bilan ta’minlash uchun — 60 mlrd;
- Maktablardagi ma’nan eskirgan kompyuter sinflarini yangilash uchun — 200 mlrd;
- Davlat-xususiy sherikchilik asosida tashkil etilgan bog‘chalar uchun subsidiyalarga — 3 trln 38 mlrd 200 mln;
- “OpenBudget”da 1.5 mingdan ortiq ovoz to‘plagan, lekin g‘olib deb topilmagan jihozlash bilan bog‘liq loyihalarni moliyalashtirish uchun — 164 mlrd 237 mln;
- Obyektlarni loyihalashtirish, qurish (rekonstruksiya qilish) va jihozlash uchun kapital qo‘yilmalarga — 754 mlrd 108 mln so‘m.
Ma’lumot uchun: Maktab va maktabgacha ta’lim vazirligining joriy yilgi budjeti jami 46,6 trillion so‘m bo‘lib, uning 84,7 foizi yoki 36 trillion so‘mi (oyiga 3 trillion so‘m) ish haqi va unga tenglashtirilgan boshqa to‘lovlar hissasiga to‘g‘ri keladi. Ularni 545 ming o‘qituvchi va 200 ming nafar pedagog qabul qiladi.
Izohlar 0
Izoh qoldirish uchun ro'yxatdan o'ting!
Yangiliklar

Kimlar maktab maslahatchisi sifatida ishga olinishi aniq bo‘ldi

Sinf rahbarlik uchun talablar o‘zgardi

“O‘qituvchilik kasbini eng obro‘li kasbga aylantirish bo‘yicha boshlagan ishlarimiz izchil davom ettiriladi” — Shavkat Mirziyoyev

Bog‘cha bolalari ommaviy zaharlandi, vazir holatni shaxsan nazoratga oldi
Mavzuga doir yangiliklar

Gulnora Karimovaning musodara qilingan pullari qishloq maktablarini ta’mirlash uchun sarflanadi
Shveysariyada musodara qilingan Gulnora Karimova pullarining 20 mln dollari ta’lim olish imkoniyatlarini yaxshilash uchun ajratiladi.

Shavkat Mirziyoyev BMTda ham ta’lim masalasini ko‘tardi
Prezident o‘z nutqida pedagoglarning o‘zaro tajriba va bilim almashishi uchun yagona xalqaro platformani yaratish maqsadida O‘zbekistonda Butunjahon professional ta’lim sammitini o‘tkazishni taklif etdi.

Toshkentdagi 3 ta maktabga 1 milliardga yaqin pul ajratildi
Yoshlarning ta’lim olishi va bo‘sh vaqtini mazmunli o‘tkazishini qo‘llab-quvvatlash maqsadida ayrim ta’lim muassasalariga tuman hokimligi tomonidan texnik va moddiy yordam berildi.

Ta’lim tizimida ham murojaatlar hal bo‘lmagani uchun, ijtimoiy tarmoqlar orqali chiqishlar ko‘paygan
Shavkat Mirziyoyev vazirlar va hokimlarni tanqid qilib, murojaatlar bilan ishlamayotganini aytdi.
Izohingizni tahrirlang