Dekret ta’tilidan qaytgan xodimga necha kun mehnat ta’tili beriladi?

17:30 / 13.06.2024 26.54k

Savol

Men 2021-yildan buyon maktabda o‘qituvchi bo‘lib ishlayman. 2023-yil 1-oktabrda tug‘ruq ta’tiliga chiqdim. 126 kunda, ya’ni 2024-yil fevralda ishga qaytdim. Menga necha kunga ta’til puli to‘lanadi? 24 kunga to‘lanibdi, shu to‘g‘rimi? Stajimda hech qanday uzilish bo‘lmagan, bola parvarish ta’tili yoki ish haqi saqlanmagan ta’tillarga ham chiqmaganman.

Javob

MK 404-moddasiga ko‘ra, ayolga tug‘ruqqacha yetmish kalendar kun hamda tug‘ruqdan keyin ellik olti kalendar kun (tug‘ish qiyin kechgan yoxud ikki yoki undan ortiq bola tug‘ilgan taqdirda yetmish kalendar kun) homiladorlik va tug‘ish ta’tili berilib, qonunchilikda belgilangan, lekin o‘rtacha oylik ish haqining yetmish besh foizidan kam bo‘lmagan miqdorda nafaqa to‘lanadi.

MK 237-moddasiga ko‘ra, ushbu moddaning birinchi qismida belgilangan ijtimoiy ta’tillar (bundan Kodeks 405-moddasining birinchi va ikkinchi qismlarida nazarda tutilgan bolani parvarishlash ta’tillari mustasno) navbatdagi har yilgi mehnat ta’tilini olish huquqini beradigan ish stajiga kiritiladi.

Shuningdek, MK 226-moddasiga ko‘ra, har yilgi asosiy mehnat ta’tilini va bitta tashkilotda yoki tarmoqda ko‘p yillik ish staji uchun qo‘shimcha ta’til olish huquqini beruvchi ish staji jumlasiga xodim haqiqatda ishlamagan, lekin mehnat to‘g‘risidagi qonunchilikka va mehnat haqidagi boshqa huquqiy hujjatlarga, mehnat shartnomasiga muvofiq uning ish o‘rni (lavozimi) saqlangan vaqt, shu jumladan har yilgi mehnat ta’tili vaqti, dam olish kunlari, ishlanmaydigan bayram kunlari hamda qonunchilikda belgilangan boshqa davrlari kiradi.

Demak, yuqoridagilardan xulosa qilsak, 126 yoki 140 kalendar kun davomidagi homiladorlik va tug‘ish ta’tili xodimning har yilgi asosiy mehnat ta’tilini va bitta tashkilotda yoki tarmoqda ko‘p yillik ish staji uchun qo‘shimcha ta’til olish huquqini beruvchi ish staji jumlasiga kiradi.

Ya’ni yanada soddaroq tushuntirsak, siz 126 yoki 140 kalendar kun davomida ishlamagansiz, shuning uchun har yilgi mehnat ta’tilingiz kunlari shunga mutanosib kamroq chiqadi deyilishi mutlaqo noto‘g‘ri.

MK 257-moddasiga ko‘ra, o‘rtacha ish haqi hisoblab chiqarilayotganda hisob-kitob davridan vaqt, shuningdek ushbu vaqtda hisoblangan summalar chiqarib tashlanadi, agar xodim vaqtincha mehnatga qobiliyatsizlik nafaqasini yoki homiladorlik va tug‘ish nafaqasini olgan bo‘lsa.

226- va 257-moddalarni chalg‘itib yubormaslik lozim. Ya’ni homiladorlik va tug‘ish ta’tili xodimning har yilgi asosiy mehnat ta’tilini va bitta tashkilotda yoki tarmoqda ko‘p yillik ish staji uchun qo‘shimcha ta’til olish huquqini beruvchi ish staji jumlasiga kiradi, lekin xodimning o‘rtacha ish haqi hisoblab chiqarilayotganda hisob-kitob davridan homiladorlik va tug‘ish nafaqasi uchun hisoblangan pul chiqarib tashlanadi.

Ya’ni sodda qilib aytganda, o‘rtacha ish haqini hisoblash chiqarishda “dekret puli” hisobga olinmaydi.

Xulosa qiladigan bo‘lsak, Sizga 56 kalendar kun har yilgi mehnat ta’tili beriladi. Ta’til puli 48 ish kuniga to‘lab beriladi, 24 ish kuniga emas.

Yana bir bor qaytaramiz, homiladorlik va tug‘ish ta’tili xodimning har yilgi asosiy mehnat ta’tilini va bitta tashkilotda yoki tarmoqda ko‘p yillik ish staji uchun qo‘shimcha ta’til olish huquqini beruvchi ish staji jumlasiga qo‘shiladi.

Homiladorlik va tug‘ish ta’tili hamda bolani parvarishlash uchun beriladigan ta’tillarni chalg‘itmaslik lozim.

Diqqat! MK 226-moddasiga ko‘ra, MK 405-moddasida nazarda tutilgan bolani parvarishlash uchun beriladigan ta’tillar vaqti har yilgi asosiy mehnat ta’tilini va bitta tashkilotda yoki tarmoqda ko‘p yillik ish staji uchun qo‘shimcha ta’til olish huquqini beruvchi ish staji jumlasiga kirmaydi, agar jamoa shartnomasida, shuningdek tashkilotning ichki hujjatida yoxud mehnat shartnomasida boshqacha tartib nazarda tutilmagan bo‘lsa.

Mehnat huquqiga oid maqolalarni Mehnat huquqi telegram kanalida ham kuzatib boring.

Izohlar 4

Ko'proq ko'rish

Izoh qoldirish uchun ro'yxatdan o'ting!

Maqola muallifi

Muhammadamin Karimjonov

Ekspert

Teglar

Mehnat ta'tili
Dekret ta'tili

Ulashish

Ijtimoiy tarmoqlar

Telegram You Tube Facebook Twitter

Yangiliklar

Barchasi

14:45 / 22.10.2026

“Aravani tortolmagan kadr bizning oramizda bo‘lmaydi” — Erkinjon Turdimov

14:57 / 21.10.2026

O‘qituvchilar attestatsiyasini o‘tkazuvchi markaz boshqa tashkilotga qo‘shib yuborildi

17:46 / 20.10.2026

Ta’lim va ilm-fan vaziriga o‘rinbosarlar tayinlandi

11:27 / 20.10.2026

Buvayda tumanida 400 o‘quvchiga mo‘ljallangan fan olimpiadalari markazi qurildi

Mavzuga doir yangiliklar

So'ragan edingiz

O‘qituvchi dekretga chiqishdan oldin chet elga ketsa, ish joyi va dekret puli saqlanadimi?

Shuni ham unutmaslik kerakki, xodim istagan vaqtida bolani parvarishlash ta’tilidan qaytish huquqiga ega. Agar xodim homiladorlik va tug‘ish ta’tili tugaganidan so‘ng ishga qaytadigan bo‘lsa, odatdagidek ish faoliyatini davom ettiraveradi.

15:08 / 17.10.2026

So'ragan edingiz

MMTB metodistiga necha kunlik mehnat ta’tili berilishi kerak?

Maktabgacha va maktab ta’limi vazirligi tizimidagi barcha tashkilotlar o‘zlarining jamoa shartnomasi va boshqa ichki hujjatlarini Tarmoq kelishuviga muvofiqlashtirishi va xodimlarga mehnat ta’tilini berishda har 5 yil umumiy ish staji (boshqa tashkilotdagilarni ham inobatga olib) uchun 2 kalendar kun (jami 8 kalendar kundan ko‘p bo‘lmagan) har yilgi qo‘shimcha mehnat ta’tili ham qo‘shib berishi kerak bo‘ladi.

12:47 / 03.09.2026

So'ragan edingiz

Ayrim pedagoglarga qo‘shimcha 4 kunlik ta’til beriladimi?

56 kun yillik uzaytirilgan mehnat ta’tili olish huquqiga ega bo‘lgan, 12 yoshga to‘lmagan 2 va undan ortiq bolasi yoki 16 yoshga to‘lmagan nogironligi bo‘lgan bolasi bor pedagog xodimlar MK 401-moddasidagi 4 kalendar kun ta’tilni olishga haqli.

10:00 / 17.05.2026