O'zbek
O‘qituvchilarga inson omilisiz ustama tayinlash tizimini yo‘lga qo‘yish lozim
21:00 / 29.06.2024
8.89k
Ma’lumki, har yili 1-iyulga qadar ta’lim muassasasidagi pedagog xodimlarga direktor jamg‘armasi hisobidan 40 foizgacha (medodbirlashma rahbariga 10 foiz) ustamalar tayinlanadi.
Lekin juda ko‘p hollarda pedagog xodimlarga ustama tayinlash jarayonida noxolis yondashuvlar, ularning faoliyatini xolisona baholamaslik, ba’zi hollarda esa ayrim tekshiruvchilar tomonidan Ishchi guruh chiqargan qarorga aralashib, ustamalar noto‘g‘ri tayinlanganligi uchun o‘qituvchilarga (qonunchilikka zid bo‘lsa-da) jarima qo‘llash hollari kuzatiladi.
To‘g‘ri, Vazirlar Mahkamasining 2019-yil 30-sentyabrdagi 823-son qarori bilan pedagog, psixolog va kutubxona xodimlarining faoliyatini baholash mezonlari tasdiqlangan.
Lekin bu moliyaviy masala bo‘lganligi uchun ham ta’lim muassasalarida tuzilgan Ishchi guruhlar javobgarlikdan qo‘rqib, pedagoglarning faoliyatini xolis baholay olmasligi mumkin.
"Tanaffus" podkastning ustamalar mavzusiga bag‘ishlangan sonida Maktabgacha va maktab ta’limi vazirligi mas’ul xodimi aytganidek, yetarlicha yutuqlari mavjud bo‘lsa-da, yillar davomida ustama olmagan o‘qituvchilar juda ko‘p topiladi.
Shu sababli, o‘qituvchilarga inson omilisiz ustama tayinlash tizimiga bosqichma-bosqich o‘tilishi lozim. Buning uchun esa "Pedagogning elektron portfoliosi" tizimi yo‘lga qo‘yilishi lozim.
Xabaringiz bo‘lsa, Prezidentning 2023-yil 26-maydagi PF-79-sonli farmonida 2024-yil 1-yanvardan boshlab pedagog kadrlarning elektron portfoliosi shakllantirib borilishi va unga o‘qituvchilarning malaka darajasi, kasbiy rivojlanish natijalari hamda pedagogik faoliyati davomida erishgan yutuqlari kiritib borilishi belgilandi. Ammo elektron portfolio tizimi yo‘lga qo‘yilgani haqida hali eshitmadik.
Biningcha, pedagog kadrlarning elektron portfoliosini yaratib, bu tizimdan yanada samarali foydalanishimiz mumkin. Ya’ni, o‘qituvchining elektron portfoliosidagi yutuqlariga qarab, hech qanday inson omilisiz nafaqat o‘qituvchiga ustama tayinlash, balki ularni tarmoq va davlat mukofotlariga ham tavsiya etish tizimini yo‘lga qo‘yish mumkin.
Maktabgacha va maktab ta’limi vazirligi mana shunday platformani yaratib, pedagog xodimlar faoliyatini baholash mezonlarini ana shu platformaga joylashtirsa, kim, qachon va aynan qaysi mehnati yoki yutug‘i uchun rag‘batlantirilgani ham barchaga shaffof tarzda ko‘rinib turgan bo‘lardi.
To‘g‘ri, bu tizimni yo‘lga qo‘yish oson bo‘lmaydi, lekin sekin asta, bosqichma-bosqich amalga oshirsa bo‘ladigan ish. Shuni ham alohida ta’kidlab o‘tishimiz joizki, xalqtaliminfo.uz tahririyatida "Pedagogning elektron portfoliosi" loyihasini ishlab chiqib, vazirlikka taqdim etish imkoniyati mavjud.
Agar bu loyihani vazirlik moliyalashtirishga ko‘maklashsa, tahririyat jamoasi bajonidil loyiha ustida ishlashi mumkin.
Izohlar 4
Izoh qoldirish uchun ro'yxatdan o'ting!
Yangiliklar
14:22 / 28.09.2026
Bog‘cha tarbiyalanuvchi hasharotlarga qarshi dori ichib qo‘yishi oqibatida vafot etdi
11:04 / 28.09.2026
2026-2027-o‘quv yilida 40 foizgacha ustama oladigan maktablar ro‘yxati tasdiqlandi
15:28 / 25.09.2026
O‘zbekistonda tennisni maktabdan boshlab ommalashtirishga qaratilgan yangi tizim joriy etiladi
14:23 / 23.09.2026
Samarqandda ham MMTB mas’ullari 1,1 mlrd so‘mlik budjet mablag‘larini talon-toroj qildi
Mavzuga doir yangiliklar
Yangiliklar
2026-2027-o‘quv yilida 40 foizgacha ustama oladigan maktablar ro‘yxati tasdiqlandi
2026-yil 23-sentabr kuni Maktabgacha va maktab ta’limi vazirrining 359-sonli buyrug‘i bilan rahbar va pedagog kadrlarga ustama toʻlanadigan 601 ta umumiy oʻrta taʼlim maktablari ro‘yxati tasdiqlandi.
11:04 / 28.09.2026
So'ragan edingiz
O‘qituvchi ta’tilda bo‘lgan davri uchun ham sertifikat uchun ustama to‘lab beriladimi?
Mehnat kodeksining 233-moddasiga muvofiq har yilgi mehnat ta’tilida bo‘lgan vaqti uchun xodimga ushbu Kodeksning 257-moddasiga muvofiq hisoblab chiqariladigan o‘rtacha ish haqining saqlanishi kafolatlanadi.
12:17 / 21.09.2026
So'ragan edingiz
“Qizil” maktabda ishlayotgan o‘qituvchining shartnoma muddati tugasa nima bo‘ladi?
Shartnoma belgilangan talablarga mos tushmasa, mehnat shartnomasi nomuayyan muddatga tuzilgan deb topiladi.
10:30 / 06.07.2024
So'ragan edingiz
O‘qituvchilarga direktor jamg‘armasi hisobidan ustama tayinlashning to‘liq tartibi qanday?
Pedagog xodimlar ish faoliyati 9 ta mezon bo‘yicha, jami 100 ballik tizimda baholanadi. Pedagog xodimlarning faoliyatini baholash mezonlari asosida toʻplagan umumiy ballari boʻyicha ularga ustama haq belgilanadi.
09:00 / 01.07.2026
Izohingizni tahrirlang