O'zbek
O‘zbekistondagi maktablarda dars berish uchun AQSHdan o‘qituvchilar keldi
O‘zbekistondagi maktab va universitetlarda ishlash uchun AQShdan yana 20 nafar o‘qituvchi keldi. Bu haqda AQSh elchixonasi matbuot xizmati bergan ma’lumotga tayanib, Gazeta.uz nashri xabar berdi.
Amerikalik o‘qituvchilar O‘zbekistonga 10 ta hududdagi maktab va universitetda ingliz tilidan dars berish uchun kelgan. Mamlakatda 2019-yildan buyon 98 nafar amerikalik ingliz tili o‘qituvchisi, 21 ta davlat maktabi va 30 dan ortiq universitetda ishlamoqda.
Yangi o‘quv yilida O‘zbekistondagi maktab va universitetlarda 20 nafar amerikalik ingliz tili o‘qituvchisi ish boshladi, deya xabar qildi AQSh elchixonasi matbuot xizmati.
Qayd etilishicha, ular 2024−2025-o‘quv yilida O‘zbekistonning 10 ta viloyatida ingliz tilini o‘qitish va o‘rganishga yordam beradi. 2019-yildan buyon mamlakatda 21 ta davlat maktabi va 30 dan ortiq universitetda 98 nafar amerikalik ingliz tili o‘qituvchisi ishlamoqda.
Amerikalik mutaxassislardan foydalangan holda ingliz tilini o‘rgatish tashabbuslari 2019-yilda AQSh elchixonasi, Maktabgacha va maktab ta’limi vazirligi hamda Oliy ta’lim, fan va texnologiyalar vazirligi tomonidan boshlangan.
“Loyiha AQSh hukumatining O‘zbekistonda ingliz tili ta’limini kuchaytirish, jumladan, butun mamlakat bo‘ylab 18 mingdan ortiq ingliz tili o‘qituvchisini tayyorlash borasidagi ulkan majburiyatlarining faqat bir qismidir”, — deyiladi xabarda.
2018-yildan buyon AQSh hukumati O‘zbekistonda ingliz tili o‘qitish va o‘rganishga 31,2 million dollardan ortiq sarmoya kiritgan.
AQShning O‘zbekistondagi elchisi Jonatan Henik Toshkentda amerikalik o‘qituvchilarni kutib olarkan, “Barchangiz nafaqat ingliz tili ko‘nikmalarini oshirish, balki AQSh va O‘zbekiston o‘rtasidagi madaniy aloqalarni mustahkamlashda ham muhim rol o‘ynamoqdasiz”, — dedi u.
Eslatib o‘tamiz, 2023-yildan boshlab ta’lim muassasalariga jami 500 nafardan ziyod xorijlik pedagoglar “til egalari” sifatida ingliz, nemis, fransuz tillaridan dars berish uchun jalb qilingandi. 2024-yildan boshlab esa yana 1 500 ta “til egalari” olib kelinishi reja qilingandi.
Izohlar 3
Izoh qoldirish uchun ro'yxatdan o'ting!
Yangiliklar
Rossiyada o‘quvchi bolg‘a bilan o‘qituvchisi va sinfdoshlariga hujum qildi
“Huquq” fani o‘qituvchilari 2026-yil yakunigacha bepul qayta tayyorlovdan o‘tkaziladi
Vazirlikdagi ayrim rahbar xodimlarining tadbirkorlik qilishi ma’lum bo‘ldi
16-sentyabrdan fan olimpiadalari boshlanadi
Mavzuga doir yangiliklar
So'ragan edingiz
Xorijiy til o‘qituvchilarining maktablarda ishlash tartibi bo‘yicha to‘liq tushuntirish
Ko‘pchilikni qiziqtirayotgan ayrim savollarga ham batafsil javob beramiz.
So'ragan edingiz
B2 sertifikatiga ega bo‘lmagan xorijiy til o‘qituvchilari ishdan bo‘shatiladimi?
Bu bo'yicha hukumatga taklif kiritilgan.
Ta'lim siyosati
Xorijdan kelgan o‘qituvchilar sifatli ta’lim bera oldimi?
2023-yildan boshlab ta’lim muassasalariga jami 500 nafardan ziyod xorijlik pedagoglar jalb qilingandi.
Yangiliklar
Xorijiy til o‘qituvchilariga qo‘yilgan B2 sertifikati talabi bu yil ham bekor qilinishi mumkin
Bu haqda vazirlikda o'tkazilgan muloqotda ma'lum qilingan.
Izohingizni tahrirlang