O‘zbekistonlik o‘quvchilar 2 yillik tanaffusdan so‘ng Xalqaro biologiya olimpiadasida 3 ta medalni qo‘lga kiritdi

O‘zbekiston 2024-yilda Xalqaro biologiya olimpiadasidan akademik halollik tamoyillari buzilgani sababli chetlashtirilgandi, 2026-yildan esa mazkur olimpiadada ishtirok etish huquqini qayta qo‘lga kiritgandi.

Nihoyat, Litvaning Vilnyus shahri mezbonligidagi 37-Xalqaro biologiya olimpiadasida (IBO 2026) O‘zbekiston terma jamoasi ishtirok etib, 3 ta bronza medalni qo‘lga kiritdi.

Ular bilan tanishing

• Murodbek Latipov — Navoiy shahridagi Prezident maktabi;

• Orzugul Muxtorova — Navoiy shahridagi Prezident maktabi;

• Nursulton Ashiraliyev — Jizzax shahridagi Prezident maktabi.

Eslatib o‘tamiz, prezident Shavkat Mirziyoyevning 2024-yil 30-sentabrdagi tegishli qaroriga muvofiq nufuzli xalqaro olimpiadalarda erishilgan bronza medal uchun 412 mln. so‘m, o‘qituvchisiga esa 61,8 mln. so‘m pul mukofotlari berilishi ko‘zda tutilgan.

Shuningdek, mazkur olimpiada g‘oliblarini sinovlarga tayyorlagan o‘qituvchilarning malaka toifasi bir pog‘ona ko‘tarilishi ham belgilangan.