O'zbek
Sinf metodbirlashma rahbari 10 foizlik ustama olishga haqlimi?
Savol
Maktablarda metod birlashma rahbarlari direktor jamg‘armasidan 10 % ustama olishi mumkin ekan. Shunda sinf rahbarlari metod birlashma rahbarlari ham ustama olishga haqlimi?
Javob
Maktabgacha va maktab ta’limi vazirligining 2023-yil 27-iyundagi 190-sonli buyrug‘i bilan tasdiqlangan “Umumiy o‘rta ta’lim muassasasi sinf rahbarining lavozim yo‘riqnomasi”ga muvofiq maktablarda sinf rahbarlari metodbirlashmalari tashkil etiladi.
Vazirlar Mahkamasining 2019-yil 30-sentyabrdagi 823-son qarori bilan tasdiqlangan “Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida”gi nizomning 7-bob, 26-bandiga ko‘ra umumta’lim muassasasining fan yo‘nalishlari bo‘yicha uslubiy birlashmalari rahbarlariga 10 foiz har oylik ustama haq belgilanishi mumkinligi qayd etilgan.
Ko‘rib turganingizdek, mazkur nizomda faqatgina fan yo‘nalishlari bo‘yicha uslubiy birlashmalari rahbarlari nazarda tutilganligi bois sinf metodbirlashma rahbariga 10 foizlik ustama tayinlash imkonsiz.
Aslida, sinf metodbirlashma rahbariga ham 10 foizlik ustamalarni joriy qilish to‘g‘ri bo‘lardi. Sababi, ular ham fan yo‘nalishlari bo‘yicha uslubiy birlashmalari rahbarlari kabi faoliyat olib boradilar.
Afsuski, “Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida”gi nizomni ishlab chiqqan mualliflar masalaning bu jihatini e’tiborga olmagan bo‘lishi mumkin.
Shu sababli, hozirgi kunda sinf metodbirlashma rahbariga ustama tayinlashning imkoni yo‘q.
Shu o‘rinda, xalqtaliminfo.uz tahririyati Maktabgacha va maktab ta’limi vazirligiga sinf metodbirlashma rahbarlariga ham ustama belgilash amaliyotini yo‘lga qo‘yishi bo‘yicha o‘z takliflarini bildirishini ma’lum qilamiz.
Izohlar 0
Izoh qoldirish uchun ro'yxatdan o'ting!
Yangiliklar
Bosh vazirning birinchi o‘rinbosari — ta’lim va ilm-fan vaziriga biriktirilgan tashkilotlar ro‘yxati tasdiqlandi
Shavkat Mirziyoyev Erkinjon Turdimovni bejizga vazir etib tayinlamaganini aytdi
Erkinjon Turdimov vazir lavozimiga tayinlangandan so‘ng ilk bor ko‘rinish berdi
“Tarbiya” fani yanada takomillashtirlib, ta’lim-tarbiya strategiyasi ishlab chiqiladi
Mavzuga doir yangiliklar
Bilasizmi?
Pedagog xodimlarga beriladigan qanday ustama turlari bor?
Ma’lumki, umumiy o‘rta ta’lim maktabi pedagog xodimlarining erishgan natijasiga qarab, ularga turli xil ustamalar belgilanadi. Bugungi maqolamizda mazkur ustamalarning ayrim turlari haqida ma’lumot berib o‘tamiz.
Yangiliklar
O‘qituvchilarga 100 va 30 foizlik ustamalar beriladigan tizim yo‘lga qo‘yiladi
Yangi o‘quv yilidan boshlab umumiy o‘rta ta’lim maktablarida “sifat indeksi” tizimi joriy qilinadi. Bunda Maktablar pedagogik jamoaning salohiyati hamda o‘quvchilarning ta’lim va tarbiyadagi natijalariga qarab toifalarga ajratiladi.
So'ragan edingiz
Rus tilini bilmaydigan pedagogga rus sinfini berish mumkinmi?
Sinf rahbarlari ta’lim muassasasi direktori tomonidan yo‘riqnomada belgilangan mezonlarga javob beradigan o‘qituvchilar tarkibidan tayinlanadi va lavozimidan ozod etiladi.
Yangiliklar
2026-2027-o‘quv yilida 40 foizgacha ustama oladigan maktablar ro‘yxati tasdiqlandi
2026-yil 23-sentabr kuni Maktabgacha va maktab ta’limi vazirrining 359-sonli buyrug‘i bilan rahbar va pedagog kadrlarga ustama toʻlanadigan 601 ta umumiy oʻrta taʼlim maktablari ro‘yxati tasdiqlandi.
Izohingizni tahrirlang