O'zbek
Xorijiy til o‘qituvchisining malaka toifasi bo‘lsa ham, lekin B2 sertifikati bo‘lmasa ishdan bo‘shatiladimi?
Savol
Men 12 yildan buyon ingliz tili fanidan dars berib kelaman. 2022-yili C1 sertifikatini oldim, 1 oy ishlab dekret ta’tiliga chiqdim.
2023-yil sentyabr oyidan yana ishga qaytdim va shu yil avgust oyida sertifikat muddatim tugaydi, bu orada ya’ni, 2025-yil 30-mayda Tesol sertifikatini oldim, hozir B2 milliy sertifikatim yo‘qligi uchun ishdan bo‘shatishar ekan.
Mening malaka toifam bo‘lsa ham, ishdan bo‘shab ketaveramanmi? Iltimos, tegishli joylardan savolimga javob olib bering.
Javob
Vazirlar Mahkamasining 2021-yil 19-maydagi 312-sonli qarorining 9-bandida 2025/2026-o‘quv yiliga qadar umumiy o‘rta, o‘rta maxsus va professional ta’lim muassasalarida faoliyat yuritayotgan barcha xorijiy tillar o‘qituvchilari kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lishi lozimligi belgilangan.
Shuningdek, Maktabgacha va maktab ta’limi vazirligi xorijiy til o‘qituvchilariga 2025/2026-o‘quv yiliga qadar B2 darajadagi sertifikatlarga ega bo‘lish lozimligi haqida qat’iy ogohlantirish bergan.
Ogohlantirish berilgan o‘qituvchilar 2025/2026-o‘quv yiliga qadar milliy yoki unga tenglashtirilgan mos darajadagi xalqaro sertifikat olmasa, ular bilan tuzilgan mehnat shartnomasi bekor qilinishi belgilangan.
Mazkur tartibga muvofiq, agar Maktabgacha va maktab ta’limi vazirligi tomonidan alohida istisnoli holatlar joriy etilmasa, xorijiy til o‘qituvchisining avvalgi olgan sertifikat muddati yaqindagina tugagan bo‘lsa ham, shuningdek, u tegishli malaka toifasiga ega bo‘lgan taqdirda ham 2025-yil sentyabr oyiga qadar kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lish talab etiladi.
Shu sababli, hozirgi kunda tegishli sertifikatga ega bo‘lmagan o‘qituvchilar til sertifikati olish uchun arizalar topshirib, 2025-yil sentyabr oyiga qadar kamida B2 darajadagi milliy yoki unga tenglashtirilgan mos darajadagi xalqaro sertifikat olishi lozim.
Ma’lumot uchun: Xalqtaliminfo.uz tahririyati Maktabgacha va maktab ta’limi vazirligi mas’ullari bilan malaka toifasiga ega bo‘lgan, ammo B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lmagan pedagoglarga imkoniyat berish masalasini o‘zaro muhokama qiladi va natijasi bo‘yicha xalqtaliminfo.uz saytida xabar beriladi.
Izohlar 42
Izoh qoldirish uchun ro'yxatdan o'ting!
Yangiliklar
Bugundan boshlab maktab va bog‘chalarda majburiy mehnat yuzasidan reydlar boshlanadi
“B2 sertifikati yo‘q o‘qituvchilarni ishdan bo‘shatish haqida ko‘rsatma bermaganmiz” — vazirlik
Vazirlikni sudga bergan o‘qituvchilarga bosim bo‘lgani aytilmoqda, ular da’vo arizasini qaytarib olmoqchi
Endi maktabdagi vakansiyalar haqida hisobot berish shart bo‘lmaydi
Mavzuga doir yangiliklar
Yangiliklar
“B2 sertifikati yo‘q o‘qituvchilarni ishdan bo‘shatish haqida ko‘rsatma bermaganmiz” — vazirlik
Avvalroq, Maktabgacha va maktab ta’limi vazirligi xorijiy til o‘qituvchilariga 2025/2026-o‘quv yiliga qadar B2 darajadagi sertifikatlarga ega bo‘lish lozimligi haqida qat’iy ogohlantirish bergandi.
Yangiliklar
Sertifikatga ega bo‘lmagan xorijiy til o‘qituvchilariga ogohlantirish berish boshlandi
Maktabgacha va maktab ta’limi vazirligi bu safar masalaga yanada qat’iy yondashayotganini ko‘rishimiz mumkin.
Yangiliklar
8 yoshli o‘quvchi xorijiy til o‘qituvchilaridan talab qilinayotgan sertifikatni qo‘lga kiritdi
Bilimlarni baholash agentligi tomonidan o‘tkaziladigan ingliz tili bo‘yicha milliy sertifikat imtihonining yosh bo‘yicha mutlaq rekord Kozim Baxtiyraovga tegishli.
So'ragan edingiz
Xorijiy til o‘qituvchilarining maktablarda ishlash tartibi bo‘yicha to‘liq tushuntirish
Ko‘pchilikni qiziqtirayotgan ayrim savollarga ham batafsil javob beramiz.
Izohingizni tahrirlang