O'zbek
Xorijiy til o‘qituvchisiga milliy sertifikat muddati tugagunicha 50 foiz ustama to‘lanadimi?
Savol
Maktabda ingliz tili o‘qituvchisiman. 2024-yil noyabrda multilevel C 1 milliy sertifikat olganman. Namangan viloyati Pop tumanida 2025-yil yanvar oyidan 50 foiz emas, 20 foiz ustama to‘laymiz, deyishdi.
Lekin Xorazm viloyati Xiva shahri maktablarida 2025-yil 1-yanvardan keyin olingan sertifikatlar uchun 20 foiz, undan oldin olingan sertifikatlar uchun muddati kelgunicha 50 foiz to‘lanadi deyilyapti. Qaysi biri to‘g‘ri?
Javob
Ma’lumki, O‘zbekiston Respublikasi Prezidentining PF-134-sonli farmoniga ko‘ra Bilim va malakalarni baholash agentligining xalqaro standartlar talablariga javob bermaydigan milliy baholash tizimida chet tili bo‘yicha olingan sertifikatga ega bo‘lgan pedagog kadrlarga har oylik qo‘shimcha ustama quyidagicha to‘lanishi belgilangan:
- 2025-yil 1-yanvarga qadar — ularning tarif stavkasiga nisbatan 50 foiz miqdorida;
- 2025-yil 1-yanvardan boshlab — ularning tarif stavkasiga nisbatan 20 foiz miqdorida.
Shu sababli, 2025-yil 1-yanvardan milliy sertifikatga ega bo‘lgan xorijiy til o‘qituvchilariga to‘lanadigan 50 foizlik ustamalar 20 foizga tushirilgan.
Bunda xorijiy til o‘qituvchisi tomonidan olingan milliy sertifikat qachon olingani hamda muddati qachon tugashi ahamiyatsiz. Ya’ni, milliy sertifikat 2025-yilga qadar olingan bo‘lsa ham, yanvar oyidan boshlab faqat 20 foiz ustama to‘lanadi.
Ma’lumot uchun: Pedagog xodimlarga ustama belgilashda qo‘llaniladigan xorijiy tillarni bilish darajasini belgilovchi milliy va xalqaro tan olingan sertifikatlar ro‘yxati Oliy ta’lim, fan va innovatsiyalar vazirligining 2024-yil 4-apreldagi 4-q/q-son va Maktabgacha va maktab ta’limi vazirligining 2024-yil 2-apreldagi 3-mh-son qarori bilan tasdiqlangan.
Izohlar 3
Izoh qoldirish uchun ro'yxatdan o'ting!
Yangiliklar
Dars taqsimoti ortidan maktab direktori qamoqqa olindi
Maktablarda yangi to‘garaklar tashkil etiladi, ular bepul bo‘ladi
Maktab kutubxonalari rivojlantiriladi, direktor o‘rinbosarlari mahalla kutubxonalariga mas’ul bo‘ladi
Bog‘chalardagi tarbiyachi yordamchisi lavozimi ham pedagogik faoliyat bilan bog‘liq lavozimlar ro‘yxatiga kiritilmoqda
Mavzuga doir yangiliklar
So'ragan edingiz
“Qizil” maktabda ishlayotgan o‘qituvchining shartnoma muddati tugasa nima bo‘ladi?
Shartnoma belgilangan talablarga mos tushmasa, mehnat shartnomasi nomuayyan muddatga tuzilgan deb topiladi.
Yangiliklar
Xorijiy til o‘qituvchilarining B2 sertifikati mojarosi yangi bosqichga kirmoqda
Maktabgacha va maktab taʼlimi vazirligi tomonidan ‘‘Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida’’gi qaror loyihasi jamoatchilik muhokamasiga qoʻyildi.
So'ragan edingiz
O‘qituvchilarga direktor jamg‘armasi hisobidan ustama tayinlashning to‘liq tartibi qanday?
Pedagog xodimlar ish faoliyati 9 ta mezon bo‘yicha, jami 100 ballik tizimda baholanadi. Pedagog xodimlarning faoliyatini baholash mezonlari asosida toʻplagan umumiy ballari boʻyicha ularga ustama haq belgilanadi.
So'ragan edingiz
To‘garak o‘tgan o‘qituvchiga ustama uchun ball beriladimi?
Direktor jamg‘armasidan ustama olish uchun hujjat topshirgandim. Ish faoliyatim davomida bo‘sh o‘zlashtiruvchi va iqtidorli o‘quvchilar bilan ishlab to‘garak o‘tganman. Ammo “zavuch” bilan direktor unga hech qanday ball berilmaydi deyapti, shu to‘g‘rimi?
Izohingizni tahrirlang